التحليل الفني واهم فرص البيع والشراء لازواج العملات التقاطعيه من يوم 22 وحتي 26 ابريل

[DrMaged]

النيوزلندى فرنك وكما هى العاده ماشى بشكل ممل جدا وبطئ , الزوج هبط من المقاومه 0.6826 وملامحه مش واضحه بسبب المسار العرضى اللى هو ماشى فيه وزاد الأمر سوء الشمعه الكبيره جدا اللى حصلت خلال الايام اللى فاتت , عموما الزوج فى رايى مرجح ليه الهبوط بشكل أقوى بشرط عدم كسر المقاومه اللى ذكرتها 0.6826 وهو بالفعل وصل او قريب من الوصول لاول مستويات الدعم فى طريقه 0.6780 واللى عن طريق كسره هيقدر يختبر ويوصل للمستوى اللى بعده 0.6733 وكل ديه تعتبر حركه اقل من المتوسطه , لكن فى حالة كسر المستوى السابق اعتقد الحركه هتكون اقوى من الممكن وقتها نشوف هبوط قوى جدا جدا للزوج ممكن يستهدف من خلاله مناطق زى 0.6500 ويمكن أقل

يعنى أخيرا النيوزلندى فرنك الزوج الممل اللى فى الغالب بيمشى فى اتجاه عرضى قدر انه الحمدلله يهبط مع التحليل اللى كنت نزلته هنا ويحقق حوالى 62 نقطه طبعا العدد ده متواضع جدا بالنظر لعدد النقاط اللى اتحقق من تحليلات تانيه الا ان فى نفس الوقت يعتبر الى حد ما جيد بالنسبه لطبيعة الزوج الممله , هو طبعا كان وصل لأخر مستوى دعم انا كنت محدده 0.6733 وكان بالفعل قدر انه يكسره وكنا ساعتها هنشوف مناطق زى 0.6500 الا انه كسره كسر كاذب وبدأ من عنده الصعود مره تانيه , حاليا الزوج مرجخ أكتر للشراء وان كان من الممكن الدخول ليه من منطقة دعم قويه او منطقه افضل من المنطقه الحاليه لكن للأسف مكنتش موجود اغلب اليوم , عالعموم فى حالة استمرار الصعود ده فهو مقداموش غير انه يتجه للمقاومه العليا اللى بدأ منها الهبوط قبل كده يعنى 0.6826

[boshra]

تحليل الباوند مع الاسترالى
1.8350 ومن خلال الشارت وكما نرى ان الزوج
فى طريقه الى الهبوط وامامه منطقه دعم تتمثل فى

[DrMaged]

الاسترالى فرنك من المفروض انه يبدأ الهبوط او يدى اشاره على بداية الاتجاه الهابط لأن من المتوقع فى الفتره الجايه يكون فيه ضعف للعملات قصاد الفرنك بالتالى الاسترالى فرنك لو استمر تحت مستوى المقاومه 0.7271 فمن المرجح جدا انه يبدأ اتجاه هابط جيد الى حد ما وواسع الحركه لأن الطريق مفتوح قدامه لمواجهة مجموعه من الدعوم القويه هتبتبدى بالمستوى 0.7093 ومن بعده منطقة الدعم الموجوده بين المستويين 0.7044 و 0.7022 لكن شخصيا بنصح بانتظار برايس أكشن من المنطقه الحاليه اللى السعر واقف عندها بحيث تكون اشاره أقوى لبدأ الاتجاه الهابط للزوج وبنصح ان محدش يتسرع بالبيع لكافة ازواج الفرنك فى العموم

الاسترالى فرنك الحمدلله مشى مع التحليل وبالرغم من انه زوج الى حد ما بطئ شويه وحركته دايما بتبقى نطاقها ضيق مش تريندى الا انه الحمدلله هبط من النقطه اللى كنت نزلتها حوالى 110 نقطه , بالرغم انه للأسف لسه موصلش لأول الأهداف اللى كنت حددتها اللى بتبتدى بالمستوى 0.7093 الا ان 110 نقطه اعتقد غنيمه كويسه من الزوج ده بالتالى تجنبا لأى حركة صعود من الممكن تحصل نتيجه للخمول الحالى فلازم يتم نقل الستوب لنقطة الدخول بالنسبه للتحليل ده وان كان برضه الاتجاه الهابط على الزوج مازال قائم ومرجح بنسبة 60 % فأنا ان شاء الله هنتظر شمعة الأربع ساعات الجايه واللى بعدها واعتقد هيكون ليهم دور كبير فى تحديد الزوج هيكمل هبوط ونستناه عند 0.7093 ولا هيبدأ يجمع ويصعد

[DrMaged]

بالنسبه للفرنك ين فهو مازال فى اتجاه هابط قوى وقدر يكسر مستوى دعم سابق جيد نسبيا 110.38 بالتالى بتوقع ان مع الافتتاح بكره ان شاء الله الزوج يستمر فى محاولاته للهبوط لأنه عايز يستهدف منطقة 109.89 وده مستوى دعم جيد او ممتاز جدا للزوج وحركة الزوج خلاله هنقدر من خلالها نحدد اذا كان هيستمر فى الهبوط فى حالة الكسر واللى ان شاء الله ممكن وقتها يوصل ل 109.13 او يرتد لفوق ويدخل فى مسار عرضى يقدر من خلاله يبدأ موجه صاعده جديده لكن على كل حال اقرب مقاومه للزوج حاليا هى المقاومه 111.30 بالتالى انا شايف لو هيكون فيه تصحيح فالمقاومه ديه هى المقاومه الأولى الحقيقه فى مسار الزوج دلوقتى الا انى بستبعد ده شويه نظرا لأن المقاومه على مسافه مش قليله من سعر الزوج الحالى

الفرنك ين انا كنت بسميه التحليل المتأخر لأنى نزلته هنا متأخر اوى عن نقطة الدخول الأصليه اللى كنت المفروض انزله وقتها لكن الحمدلله هو عمل هبوط حوالى 95 نقطه وقدر بالفعل انه يكسر مستوى الدعم المهم الموجود عند 109.89 وحاليا قريب جدا من المستوى الجديد المهم 109.13 الا انه حاليا داخل فى مسار عرضى حوالين منه , على كل حال مازال الزوج فى اتجاه هابط بالتالى محبين الشراء أنا بنصحهم انهم ينتظروا دلوقتى وميتسرعوش بالشراء وعن نفسى انا مازلت برجح البيع لحين ظهور برايس أكشن قوى يقدر وقتها يغير من رأيى مع التذكير ان فى حالة الكسر الهبوطى الزوج هينزل بعدها للدعم 108.70

[boshra]

بسم الله الرحمن الرحيم والصلاه والسلام علي سيدنا محمد عليه افضل الصلاه والسلام وبه نستعين . نظره فنيه تحليليه علي زوج الجنيه الاسترليني مقابل الدولار الكندي ليوم الجمعه اخر ايام التداول قبل الاغلاق الاسبوعي مع انتهاء شمعه الجمعه فنتوقع هبوط الزوج بعد اخبتراه منطقه المقاومه الرئيسيه علي الفريم اليومي عند سعر 7471 وعمل برايس اكشن منها والزوج مرشح بقوه للهبوط من هذا المستوي ويدعم الاتجاه الهابط ان الزوج علي الفريم الاربع ساعات اغلق اسفل مستوي 7397 وهي اول منطقه دعم تواجه الزوج علي الفريم ونتوقع مزيد من الهبوط الي مستويات الدعم الذي يليه علي الفريم عند سعر 7308 وهي منطقه طلب جيده ربما يشهد الزوج صعود عند الوصول اليها والله ولي التوفيق

الزوج يستسلم الضغوط الإيجابية بتشكيله لموجات صاعدة جديدة محققا بذلك مستوى 1.7353 وليستقر بذلك فوق الدعم الأولي المتمركز عند 1.7300. ونلاحظ حاليا محاولة تسلل مؤشر ستوكاستيك نحو مستوى تشبع الشراء ليقدم بدوره عزم إيجابي جديد وليزيد بذلك من فرص انجذاب السعر نحو الهدف الإيجابي الثاني والمتمركز حول 1.7365.

[DrMaged]

الباوند نيوز حاليا عامل زى بعض العملات ماشى بشكل عرضى مش واخد اتجاه واضح بعد الحركه الصاعده اللى عملها يعنى نسبة استكمال الصعود فى رأيى 50 % نفس نسبة تغيير الاتجاه وبداية اتجاه هابط جديد بالتالى الزوج لو استمر تحت مستوى المقاومه 1.9557 ديه فى رأيى هتكون علامه جيده للزوج بحيث يبدأ الهبوط اللى ان شاء الله هيستهدف عدد كبير من النقاط من الممكن يتعد ال 400 نقطه لحد ما يوصل لمنطقة دعوم قويه جدا موجوده من اول المستوى 1.9044 لحد المستوى 1.8985 يعنى تقريبا رينج 100 نقطه من الممكن جدا الزوج يرتد من اى منطقه فيهم لكن انا محدد اهم او اقوى 3 دعوم فى المنطقه ديه , طبعا بذكر ان كل ده لازم يتم بشرط ان الزوج يستمر تحت المقاومه 1.9557 لأن فى حالة كسرها من الممكن الاتجاه الصاعد يستمر بشراسه أكبر ونلاقى الزوج بيحارب عشان يوصل ل 1.2000 يعنى صعود يتجاوز ال 400 نقطه برضه

الباوند نيوز التحليل ده كان محايد نسبيا ومتحققش منه غير كسر المقاومه العليا 1.9557 وحاليا الزوج فى رايى مازال ماشى فى نفس الاتجاه العرضى بالرغم ان البعض حاليا ممكن يشوفوه بدأ الهبوط من مقاومه اعلى يعنى اللى هى 1.9618 , فى رأيى بالرغم من الهبوط اللى عمله ده الا انى زى ما قولت شايفه ماشى فى مسار عرضى لكن واسع المدى شويه بالتالى انا مبفضلش البيع برضه فى الوقت الحالى نتيحه لقوة النيوز المتوقعه حاليا فى الوقت اللى الباوند مازال ماشى بشكل هابط او ضعيف نسبيا بالتالى فى حالة لو الزوج مقدرش يقفل بشمعة اربع ساعات قويه خلال الفترتين الجايين من جلسات التداول فانا بعتقد ان ساعتها الاتجاه الهابط هيكون ملغى والزوج وقتها هيصعد تانى عشان يكسر 1.9618

[alaa50]

تحليل الباوند مع الاسترالى
1.8350 ومن خلال الشارت وكما نرى ان الزوج
فى طريقه الى الهبوط وامامه منطقه دعم تتمثل فى

الالشارت لفت انتباهى ببساطته ووضوحه شكرا ليك على تحليل الزوج وانا بتفق معاك فى نفس الراى وهو هبوط الزوج
دا الشارت الخاص بيا للزوج على فريم يومى
الزوج كان بيتحرك فى قناه سعرية صاعدة ونجح فى كسرها لاسفل واستمر فى الهبوط حتى تلقى دعم من اول مستوى واجه السعر فى هبوط وعاد لاعلى
يتداول الزوج الان فى منطقة مقاومة قوية وهى منطقة اعادة اختبار القناه المكسوره واللى اعتقد هتكون السبب فى عودة السعر لاسفل مره اخرى
سيناريو الهبوط يتلغى لو عاد السعر للتداول داخل القناه السعرية الصاعده

[Ahmedshakeer]

بسم الله الرحمن الرحيم
تحليل زوج الباوند ين علي فريم الاربع ساعات
نري ان الزوج وصل لمنطقة طلب قوية كما هي موضحة بالشارت ارتد منها عدة مرات لذلك اتوقع ان يرتد منها مرة اخري الي هدف146.595هدف اول
وفي حالة الاغلاق اسفل المنطقة يكون الزوج للهبوط فقط لاغير
والله الموفق

[boshra]

الاسترالى مع النيوزلاندى
كما نرى من خلال الشارت ان زوج الاسترالي نيوزلندي للبيع
من المنطقة المحددة فهي منطقة انتهاء نموذج القرش ومقاومة للسعر وقف الخسائر اغلاق اعلى الخط الاحمر

[Abo Hamdy]

التحليل اليومي للعملات على زوج اليورو فرنك ليوم 26/4
استمر الزوج في الإتجاه العرضى المتذبذب له طوال تداولات الامس وحاليا الزوج في طريقه لاختبار مستويات الدعم القوية المتمثلة في مستويات 1.1340 والتى تعتبر من أهم مستويات الزوج في الوقت الحالي فمع كسر تلك المستويات وتكوين شمعه الأربع ساعات بشكل كامل اسفل منها فإن الزوج سيكمل الإتجاه الهابط له اليوم مستهدفا مستويات 1.1266 كهدف اولى له من ذلك الإغلاق قبل الوصول إلى مستويات 1.1215 كهدف ثانى اما في حالة ارتداد الزوج من مستويات الدعم وعدم قدرته على كسرها وتكوين شمعه الأربع ساعات بشكل كامل أسفلها فاتوقع حينها بعض التصحيح لأعلى واستهداف مستويات 1.1400 كهدف اولى له من تداولات اليوم ومنها الى مستويات 1.1450 كهدف ثانى لذلك انصح الجميع بمتابعة مستويات الدعم 1.1340 بشكل كامل وطريقه اغلاق شمعه الأربع ساعات بشكل كامل من حولها والله الموفق و المستعان