مشكلتى فى تفعيل حسابى ارجو الدخول من الجميع

[doaa sary]

دلوقتى ياجماعة انا مخنوقه جدا يعنى لما انا يجيلى 73 دولار من المسابقه واطلب سحب تروح الشركة لغية التفعيل الاول والتانى اللى هو اصلا متفعل من2014يرضى مين وقولت ماشى ورفعت البطاقة تانى وبفعل من اول جديد و17يوم لاعارفه اتاجر ولا اشتغل بالمنتدى والشركة تقولى الاسم غير مطابق معلش اللى هو ازاى بقى
اسمى فى الشركة doaa mahmoud ali وفى البطاقة اهو دعاء محمود على غير مطابق ازاى ولو كتبت اسمى وترجمت يقولك لا ممنوع اللعب او التعديل طب تمام معدلتش رقم ولا حرف ولا اى حاجة وبعدين طالب باسبور وانا مش معايا!
انا اصلا عملت كشف حساب بنكى ودوخت10 ايام رايحة جاية على البنك وعملت ايداع2000ج عشان بس اطلع وثيقه تثبت عنوانى عشان افعل المستوى التانى الورق كلو سليم مش ملعوب فية وسكانر اية الحل والمطلوب منى عشان اخد فلوسى واكمل بالفوركس والمنتدى مهو معنى كدا بتقولولى يلا مع السلامة كفاية عليكى6سنين !اعتزل يعنى وابعد ولا اعمل اية حد يقولى حد
ادى الصورة اللى بتقولى اسمى غير مطابق! وادى بطاقتى الشخصية احكمو انتو بقى وطبعا انا همسح بعض البينات عشان محدش يخدها لاى سبب
نفسى بقى حد مسؤل يرد عليا او يساعدنى استاذ سمارت استاذ فوركس مصر اى حد وقع زى فى المشكلة دى وحلها اعمل اية انا انا كدا لو حسابى متفعلش هعتزل فوركس فعلا لان مش هقدر اعمل ايداع حاليا وحرام حسابى يروح وهو فية 110 دولار بونص ومسابقه وتعبى شهرين بطاقتى سليمة وسكانر وكشف البنك جديد وبيتم الرفض الحل ياجماعه

[kareemeldakrory]

نفس مشكلتك حصلت معايا بالظبط حتى انى روحت البنك وعملت كشف حساب وبردوا مفيش فايدة الحل النهائى كالتالى:
هتفعلى التفعيل الثانى ب رحصة قيادة لو معندكيش رخصة يبقى تغيرى الاسم بتاعك وتخلى باسم حد تعرقيه ومعاه رخصة داة هو الحل النهائى ياما وصل كهربا باسمك بس لازم بالانجليزى الفكرة كلها فى الاسم بالانجليزى عشان كدا الرخصة احسن حاجة ولازم يكزم اسمك فى الرخصة هو نفس اسمك بالانجليزى وانتى بتعملى الحساب
بعد ما تعملى كدا هيطلبه منك تفعيل ثالث كمان ايوة زى ما بقولك كدا المهم هتخلى صاحب البطاقة يصور نفسه وهو ماسك بطاقة التفعيل الاول وهو ماسك البطاقة الشخصية تمام كدا بالتوفيق

[doaa sary]

ازاى الاسم غير مطابق ياجماعه بالله عليكو حد يقولى لانى هتجنن والله مش الاسم هو هو اية الفرق طيب اللى الشركة شيفاه مش الشركة بتطلب نسجل بالانجليزى وطبيعى بطاقتى تكون عربى لانى مصرية ! ومفروض فى حد عندهم بيترجم دة حتى جوجل مخلاش يعنى سهل يعرفو ترجمه اسمى انا بجد مش عارفه اقول اية

[doaa sary]

نفس مشكلتك حصلت معايا بالظبط حتى انى روحت البنك وعملت كشف حساب وبردوا مفيش فايدة الحل النهائى كالتالى:
هتفعلى التفعيل الثانى ب رحصة قيادة لو معندكيش رخصة يبقى تغيرى الاسم بتاعك وتخلى باسم حد تعرقيه ومعاه رخصة داة هو الحل النهائى ياما وصل كهربا باسمك بس لازم بالانجليزى الفكرة كلها فى الاسم بالانجليزى عشان كدا الرخصة احسن حاجة ولازم يكزم اسمك فى الرخصة هو نفس اسمك بالانجليزى وانتى بتعملى الحساب
بعد ما تعملى كدا هيطلبه منك تفعيل ثالث كمان ايوة زى ما بقولك كدا المهم هتخلى صاحب البطاقة يصور نفسه وهو ماسك بطاقة التفعيل الاول وهو ماسك البطاقة الشخصية تمام كدا بالتوفيق

هفعل المستوى التانى ازاى وهو بيقولى عشان افعل التانى لازم اجتاز المستوى الاول اللى هو البطاقة ثم لية التعقيد لامكفيهم بطاقة ولا كشف حساب بنكى ازاى هطلع رخصة وانا مبعرفش اسوق اصلا معنى كدا انى مطالبة اغير كل الحساب بقى اعملة باسم حد تانى وارفع بطاقه حد تانى ! اللى هو ازاى ياجماعه انا مش فاهمه لية بيعقدونا كدا

[Ayman Abdellatif]

هفعل المستوى التانى ازاى وهو بيقولى عشان افعل التانى لازم اجتاز المستوى الاول اللى هو البطاقة ثم لية التعقيد لامكفيهم بطاقة ولا كشف حساب بنكى ازاى هطلع رخصة وانا مبعرفش اسوق اصلا معنى كدا انى مطالبة اغير كل الحساب بقى اعملة باسم حد تانى وارفع بطاقه حد تانى ! اللى هو ازاى ياجماعه انا مش فاهمه لية بيعقدونا كدا

اختى الفاضلة عليكى بترجمة البطاقة الى انجليزى بالنسبة للاسم و العنوان و رقم البطاقة بحيث يكون مطابق للبياناتك بالشركة
ربما ان كتابة الاسم بالانجليزية تختلف من شخص لاخر ثم اعيدى رفعها مع ارسال ايميل بالصورة للبطاقة مترجمة و بدون ترجمة
و ان شاء الله يتفعل الحساب

[skylol]

في البطاقة بعد علي في تكملة للاسم ؟؟

لان في الشركة انتي كاتبة الثلاثة الي هو دعاء محمود علي


لو كان في تكملة للاسم في البطاقة لازم تكتبيها

[doaa sary]

في البطاقة بعد علي في تكملة للاسم ؟؟

لان في الشركة انتي كاتبة الثلاثة الي هو دعاء محمود علي


لو كان في تكملة للاسم في البطاقة لازم تكتبيها

اكتبها فين اذا كان هما رافضين التعديل واللعب فى الصور! وبعدين ماشى معاك هنا3 اسامى وفى البطاقة 4 واول3 هنا هما اللى هنا بس العنوان موجود وتاريخ ميلادى نفس المسجلة بية اية الغريب فى البطاقة مش فاهمه لية التعقيد!

[amedz]

اختي الفاضله نفس المشكله التي حدثت معك قد حدثت معي من قبل حيث ان الشركه قد طلبت التفعيل المستوى الثالث وعندما قمت بتفعيل المستوى الثالث قامت بالغاء تفعيل المستوى الاول والثاني ثم قمت باعاده التفعيل من البدايه حيث قمت برفع بطاقه الهويه ثم قمت برفع كشف الحساب البنكي فقامت الشركه بعدم قبول المستندات لانها لا تطابق الاسم المكتوب فى الشركة ثم قمت بعد ذلك بمراسله الشركه عبر الايميل عن طريق قسم التفعيل في الشركه ارسلت الى قسم التفعيل للشركه المستندات وقام القسم التفعيل بتغيير البيانات حتى تتوافق مع المستندات المرفوعة وتم تفعيل الثلاث مستويات
عليك بعمل هذه الخطوات اولا عليك برفع بطاقه الهويه وتكتبي باللغه الانجليزيه هذه هي بطاقه الهويه لتفعيل المستوى الاول ثم تقومي برفع كشف الحساب البنكي وتكتبي باللغه الانجليزيه هذا الكشف لتفعيل المستوى الثاني ثم تقومي باخذ صوره سيلفي مع بطاقه الهويه وتكتبي هذه لتفعيل المستوى الثالث ثم بعد ذلك تكتبي هذه البيانات بالاسفل وان شاء الله سوف يتم تفعيل حسابك
my account number (login
my Phone password (keyword
PIN code
Server

[amedz]

اكتبها فين اذا كان هما رافضين التعديل واللعب فى الصور! وبعدين ماشى معاك هنا3 اسامى وفى البطاقة 4 واول3 هنا هما اللى هنا بس العنوان موجود وتاريخ ميلادى نفس المسجلة بية اية الغريب فى البطاقة مش فاهمه لية التعقيد!

اختى الكريمة كل المستندات هترسليها عن طريق الايميل بتاعك والشركة هى اللى هتعدل الاسم انتى مش محتاجة تعملى اى حاجة تانية بس اعملى الخطوات اللى قولتلك عليها

[kareemeldakrory]

بسم الله والصلاة والسلام على رسول الله صلى الله عليه وسلم
يبقى فيه اختلاف فى الحروف فى الاسم نفسه عشان كدا بيطالبوا بتغيير على العموم لازم ترفعى رخصة قيادة او وصل غاز فيها اسمك باللغة الانجليزية هتكتيه كدا فى التفعيل الاول ى ما هو مكتوب فى الوصل او الرخصة بالانجليزى ماشى وترفعى البطاقة المصرية عادى وبعد كدا ترفعى للوصل او رخصة القيادة انا من الاخر حصل معايا نفس موقفك ومكنشى معايا رخصة لغيت اسمى وعملته باسم ابويا بالانجليزى نفس الحروف اللى موجودة فى الرخصة وبعدين رفعت بطاقتة الشخصية وااتفعل التفعيل الاول ورفعت الرخصة بالتعفيل الثانى واتقبل وطلبا تفعيل ثالث خليت الحاج يصور نفسه وهو ماسك البطاقة الشخصية والحمد لله اتفعل مش عارف بقى هيطلبوا اية بعد كدا ناقص يطلبوا فصيلة الدم وكشف هيئة هههههههههه