مراجعة حول فول امريكانا

[Reem Tarek]

السلام عليكم ورحمه الله وبركاته اخواني الكرام في هذا المنتدى الرائع أهلا وسهلا بكم في منتدى فوركس العرب


فى ظل انتشار فيروس كورونا أصبح فكرة انك تجيب فول من برة من عند اى مطعم طعمية و فول فكرة غير صائبة لانه أصبح معرض للهواء و بالتالى للفيروسات و الامراض
ففكرة علب الفول المعلبة اعتقد فكرة جميلة خاصة أننا داخلين على رمضان و كلنا هنحب ناكل فول فى السحور
فخلينا نقول مميزات و عيوب فول امريكانا

• اولا المميزات

- يعد فول نضيف جدا فى طريقة تعليبه و قوة الصفيحة الموضوع بها
- الطعم جميل و الفول نفسه مش مهروس و لكنه طرى عشان الناس إلى عايزه تهرسه تقدر تهرسه و الناس إلى عايزه تخليه صحيح بيدهم الخاصيتين زى ما بيقولوا
- الفوب طعمه حلو و مش مملح أو عليه اى نوع من البهارات عشان الناس إلى مبتحبهاش تقدر تتحكم فى الكمية براحتها
- يكفى الفول لو انت شخص واحد ولمدة مرتين العلبة الواحدة و دا يعتبر شئ جيد

• ثانياً العيوب

- سعره مرتفع شوية حيث أن العلبة تمنها ٧ جنيهات بالنسبة لحجمها كتير شوية
- لو عيلة هتاكله مرة واحدة هيكفى لمرة واحده فقط
- أحياناً مدة صلاحيته إلى مكتوبه عليه بتكون مش واقعية و بينتهى قبلها فلازم نخلى بالنا من الحكاية دى


نهاية انا بنصح بيه رغم سعره لانه نضيف جدا للأمانة
و تقييمى له 8/10

و بالتوفيق ان شاء الله



مركز الخليج

[ashrafshaqwer]

تحياتي لكي اختي الكريمة فلا يخلو بيت مصري الا وبه فول اي كان بقي معلب او فول عادي مدمس فيعتبر الفول من الأطباق الجانبية ويعد من الأكلات الشعبية والتي تنتشر بشكل واسع في معظم أنحاء العالم ويتيمز بنكهته الشهية والغنية بالبروتينات كما أنه يحتوي على فوائد عديدة ويعد مصدر مهم للحديد وتتعدد طرق تحضير الفول حيث يمكن تحضيره بالطحينية أو بالفلفل الحار وكل من تلك الطرق لها مذاقا مختلفا عن غيرها ويسهل الحصول على الفول المعلب وتحضيره بوقت قصير في شتى الأطباق وأهمها الفول المدمس ويعتبر الفول أكلةً شعبية منتشرةً في البلدان العربية وهو طبق أساسي في الشارع المصري ويقدم كجزء أساسي من وجبة الإفطار وتختلف كل دولة عن الأخرى بطريقة تحضيره وتختص المطاعم بتقديمه ففول أمريكانا يعتبر واحد من أفضل انواع الفول المتوفرة بالاسواق

تقبلي تحياتي وبالتوفيق للجميع