كيف تصل للمليون من 100 دولار ؟!

[najme]

الوصول إلى المليون دولار من 100 دولار بربح 17 صفقة فقط ولا يشترط ان تكون الصفقات الرابحة متتالية

نفرض اننا عندنا حساب ب 100 دولار وهنخاطر ب 5% يعنى هنخش بمخاطرة 5 دولار والصفقات هدفها ضعف الأستوب

بربح اول صفقة سيصبح الرصيد 110 دولار لاننا دخلنا فى صفقة ريورد ريسك 1:2 وبمخاطرة 5 دولار ففى حالة الخسارة هيكون الرصيد 95 دولا وفى حالة المكسب هيكون الرصيد 110 دولار

الصفقة الثانيه هنخاطر بالأرباح فقط يعنى كسبنا 10 دولار فى اول صفقة يبقى هنخاطر ب 10 دولار اللى كسبناهم وبالتالى نتيجة الصفقة التانية فى حالة الربح هيكون الرصيد 130 او فى حالة الخسارة هيكون 100 دولار طبعا بنفس نظام الريورد ريسك 1:2 يعنى الهدف ضعف الأستوب فلو كسبنا هنكسب 20 دولار نضيفهم على الرصيد السابق 110 ليصبح 130 ولو خسرنا يبقى هنخسر ال 10 دولا اللى دخلنا بيهم المخاطرة في الصفقة التانية.

الصفقة التالته هتكون بمخاطرة الربح المحقق فى الصفقة السابقة اللى هو 20 دولار وبالتالى لو كسبت هيكون الرصيد 40+130=170 ولو خسرت الرصيد هيكون 130-20=110

هكذا نرسم الطريق إلى المليون كالتالي

1- 110. 0.01

2- 130. 0.02

3- 170. 0.04

4- 250. 0.08

5- 410. 0.16

6- 730. 0.32

7- 1370. 0.64

8- 2650. 1.28

9- 5210. 2.56

10- 10330. 5.12

11- 20570. 10.14

12- 41050. 20.28

13- 82010. 40.56

14- 163930. 81.16

15- 327770. 162.32

16- 655450. 224.64

17- 1,310,810

يبقى الشروط كالتالي :
1- صفقاتك كلها الريورد ريسك 1:2 الهدف ضعف الأستوب
2- 17 صفقة ناجحة بمخاطرة فى الصفقة الأولي 5% من رصيد 100 دولار وكل المخاطرات اللى بعد كده هتكون بالربح المحقق فى الصفقة السابقة.
3- لا يشترط ان تكون الصفقات الناجحة متتالية اى يمكن وجود صفقات خاسرة تتخلل الطريق

مميزات هذه الطريقة انها تبعدك عن شبح المارجن كول فالمخاطرة الابتدائية ستكون صغيرة جدا ومن ثم سنخاطر بالارباح للوصول الى مبالغ اكبر .. والجميل ان المخاطرة فقط في الصفقة الاولى ومن بعدها راس المال سيكون بامان لاننا سنخاطر فقط بالارباح.

أيا كان رأس مال صغير أو كبير تستطيع بدء الخطوة الاولى بجانب متاجرتك يعنى مثلا انت بتدخل صفقة بنص دولار لكل ألف وأدخل صفقة تانى ب 10 سنت هدفها 100 واستوبها 50

إذا انتظرت فقط 17 صفقة بعناية خلال العام حتما ستصل

تذكر أهم شيء طريقة هدفها ضعف الاستوب

[zakym]

السلام عليكم ورحمة الله وبركاته

اخى للاسف انت ناقل ومش فاهم اى حاجة وبعدين دى الحسبة

بتاتعت حط من ده وشيل من ده طيب فين الاستراتجية الى حتضمن

لك كل المكاسب المتتالية الى بتقول عليها لما توصل لها حطها

وكمان انت هنا حتاخد 100 دولار ولا اكثر قلنا لما توصل للمليون

[islammowafy]

من الممكن ان تنجح او تفشل بناء على شروط منها ان تبتعد عن الاخبار نهائيا فهى من الممكن ان تتمرجن بسبب هذه الاحداث لانك لا تعرف ولا احد يعرف ما سيكون من الممكن التنبؤ بالاتجاه ولكن فى سوق الفوركس لا احد يعلم شئ من الممكن خبر او حدث يؤدى الى تغيير الاتجاه فى لحظه --تقبلووو مرورى

[Bastof123]

السلام عليكم
هناك نقطة يجب الالتفات إليها ،فإذا كنت مبتدئًا في تداول العملات و الاسواق المالية، فمن المهم ألا تكتفي بحفظ استراتيجيات الفوركس هذه و نسخها، بل تفهم المبادئ الأساسية التي تعتمد عليها، واختبارها بدقة، و التفكير كيف يمكن تحسينها من أجل ملاءمتها مع وضع السوق الحالي أو مبادئ التداول الخاصة بك.
أعانكم الله تقبلوا مروري .

[gogo5520]

السلام عليكم ورحمه الله وبركاته

تحية لكل اعضاء المنتدى الكرام وشكرا للعضو الذى قام بطرح هذا الموضوع وسيتم العمل عليه ومراجعتها جيدا واتمنى المزيد من المشاركات التى تضيف فائدة على الاعضاء فى المنتدى المحترم مثل هذة الموضوعات لانها تعتبر من اساسيات التعليم فى سوق العملات الاجنبية الفوركس ولابد من العمل على مشاهدة فيديوهات لهذا الموضوع وليس الاعتماد على استراتيجية واحدة حتى يستطيع كل مبتدئ من التعلم بطريقة صحيحة ويعرف ويجرب مثل هذة الاستراتيجية للوصول الى الاحتراف والاتقان فى عملية التداول فى ذالك السوق الصعب فهو اكبر واصعب مجال فى العالم ومن يعرف اسراره ويحترفه ويفهمه يكون قد وصل الى الطريق السليم والنجاح وبالتوفيق لحضرتك ولجميع الاعضاء

تقبلو مرورى وبالتوفيق للجميع