مراجعه حول تكييف شارب 1.5 حصان
السلام عليكم ورحمه الله تعالى وبركاته
هنتكلم انهاردة عن تكييف شارب 1.5 حصان وهو يعتبر من احسن الماركات المتواجدة في الأسواق واكيد اي منتج ليه مزايا وعيوب مش هيقولهالك البائع وده عشان عاوز يبيع المنتج بسرعه
مزايا تكييف شارب 1.5 حصان
اولا ودي اهم ميزة فيه وهي خاصية التربو كول ودي الي بتشتغل على تبريد الغرفة في وقت قصير جدا
ثانيا خاصية البلازما كلاستر ودي بتشتغل على تنقية الهواء من أي ميكروب أو أتربة وتمتلك فلاتر عالية الجوده
وده لتنقية الهواء بشكل عام بالإضافة إلى منع الأتربة من المرور إلى داخل التكييف ما قد يسبب مشاكل للتبريد فيما بعد
ثالثا يحتوي على خاصية تنظيف ذاتي للفلاتر وهذه الخاصية لا تمتلكها معظم أجهزة التكييف الأخرى ولكن الخاصيه دي بتميز تكييف شارب بصفه خاصة
رابعا توزيع الهواء في 6 اتجاهات وده ميزة جميله جدا لان المتعارف عليه توزيع الهواء في 4 اتجاهات فقط وبكدة تضمن لك توزيع الهواء البارد في جميع أنحاء الغرفه
خامسا جودة الوحدة الداخلية للمكيف لان الجسم الداخلي لتكييف شارب بيتميز بالمتانة و الخامة الجيدة بالإضافة إلى أنها مقاومة للصدأ والتآكل
سادسا خاصية التشغيل الهادئ بدون أصوات التكييف العالية المزعجة على عكس الاجهزة الاخري
سابعا تنبة أوتوماتيكي في حالة التنظيف او الاعطال للجهاز ودة بيمنع اي تلف ممكن يحصل اثناء انقطاع التيار المفاجيء او عند التنظيف
ده غير انه بيديك تنبيه بلون برتقالي في شاشه التحكم لما بيكون الجهاز محتاج للتنظيف
عيوب تكييف شارب 1.5 حصان
اولا إرتفاع ثمن التكييف مقارنه بالاجهزة الاخرى
ثانيا عدم توافر قطع غيارها بسهولة في الاسواق ولازم الرجوع للضمان واذا خرج من الضمان بيكلف تكاليف باهظة مع الشركة نفسها
ثالثا خدمة ما بعد البيع الخاصة بشارب تعتبر متوسطة لان احيانا بيكون هناك تباطؤ في الرد وعد السرعه في اصلاح الاعطال
وبكدة نكون عرفنا كل المزايا والعيوب الي محتاجها اي مستخدم قبل شراء المنتج عشان يعرف هيناسبوا ولا لا