نصايح على الماشى

[Ateferaky]

بعض النصايح على الماشى قبل ما تفكر تدخل اى صفقة
١- ماتطمعش واستنى انتهاء النموذج متستعجلش فى الدخول الفرص لاتنتهى من السوق أبدا
٢- ماتطمعش واستنى حدوث كسر حقيقى للترند قبل الدخول ومتدخلش مع تلامس وتقول هاخده من اوله لانك هتاخده من اوله فعلاً..
٣- استنى تاكيد الكسر عن طريق كسر اخر قمة او قاع بعد الكسر افضل حتى لا تقع في شرك الكسر الكاذب وتشيل كتير
متطمعش *******
٤- استعين باكثر من وسيلة تاكيد( شموع - مؤشرات - دايفرجنس - فريمات )
٥- ماتطمعش
٦- حدد مستوى ستوب معين على اساس مش عشوائي ولما يوصل اقفل او سيبه يضرب ومتقولش يمكن يرتد ألتزم بأهداف حتى لو كان وقف الخسارة ، دة برضة هدف الصفقة على فكرة تداول بعقلك لا بقلبك
متطمعش *********
٧- يفضل تستنى اعادة اختبار احسن .
٨- ماتطمعش ????
٩- خليك متفرج اكتر وادخل في فرصة مضمونه احسن من انك تكون متورط
١٠- بعد ماتعمل ال ٩ الفوق وتحدد المستويات بتاعتك ( أخذ الربح ووقف الخسارة) اقفل الشارت وروح استمتع بيومك وبص عليه اخر اليوم عشان ماتتوترش ..
برضة متطمعش

[mohamed salah elshora]

السلام عليكم ورحمه الله وبركاته افضل نصايح والله اشكرك جدا

[Ateferaky]

لا شكر على واجب أخى الكريم ، لازم ندعم ونساعد بعض على قدر المستطاع ، فلا خير فى علم يحبس عن الناس ، لم يولد أحد متداول ولو لم يجد من يعلمة ويوجهة لفشل بكل تأكيد ، ما علمنا من فنون ومهارات التداول هو من فضل من سبقونا
رزقنا الله وإياكم حسن العمل