السلام عليكم ورحمه الله وبركاته اخواني الكرام في هذا المنتدى الرائع أهلا وسهلا بكم
اليوم اريد التحدث عن عامل مهم جدا و شعور مؤثر جداً فى حياة كل متداول ، و احساس قد يتدفق المتداول فيجعله يرتكب أخطاء كبيرة فى التداول الا و هو الندم
الندم قد يؤدى بك الى تغيير فى تفكيرك و شعور لاذع يؤدى بك الى التهور و التسرع أحياناً و هذا قد يؤدى إلى خسارة حسابك بالكامل فيما بعد ، لذلك يُعد الندم من المشاعر إلى كلنا بننصح يتجنبها و أننا لو هنندم نندم بهدف الإصلاح و تطوير الذات ، مش بهدف جلد الذات و التصرف الخاطئ
يعنى من تجربتى الشخصية شوفت ناس بتبقى حريصة جداً فى حساباتها و لما يجيلها شعور الندم على صفقة فاتتها مثلاً تلاقيهم بينهوا حساباتهم ف دى شئ مش منطقى و شئ مش طبيعى طبعا و ينصح اى متداول يتجنبه
خلينا نذكر أنواع الندم الى بتحصل المتداول أثناء التداول :
مركز الخليج
- أنواع الندم فى الفوركس
1-
- الندم بسبب التسرع
من الحاجات السيئة جداً الى بتحصل المتداول أنه يندم على صفقة تسرع فى الدخول ليها ، و دا نابع من عدم فهم المتداول لطبيعة مجال زى دا ، انت لازم تفهم انك معرض فى أى لحظة لحدوث اى انهيار فى الأسواق لذلك لازم تستخدم الاستوب لوز ، و لازم قبل ما تبقى داخل الصفقة عارف ان السوق هيضربلك أحد الهدفين أما وقف الخسارة او وقف الربح .. و على فكرة وقف الخسارة دى مش حاجة وحشة و لا يتقبل من حسابك بالعكس دى بتحافظلك و تحميلك حسابك من المرجنة الكاملة ، بس هنقول لمين الكلام دا .. طبعا لو انت واحد مقامر لتقرأ كلامى فاحسنلك متكملش
2-
- الندم بسبب عدم دخول صفقة معينة
من الحاجات الى بتحصل بكثرة و بتسبب كوارث بعدها هى انك تندم انك مدخلتش صفقة و الصفقة دى مشيت مع الاتجاه إلى كنت ناوى تدخله او انك تكون داخل صفقة و تخرج بدرى ، خلاص متندمش .. خليك راجل كده و اد كلمتك إلى حصل حصل ، و خليك فاهم أن دى مش اخر صفقة و لا فرصة فى السوق عاشت تندم عليها يعنى
3-
- الندم بسبب عدم السحب
بصراحة عدم السحب يستحق الندم ، المفروض انك كل ما تكسب تسحب .. ياخى حتى عشان وقتك إلى ضيعته قدام الشاشة فى التوتر و التعب و التحليل تلاقى قدامه مقابل حتى لو مبلغ ضئيل .. اسحب و متستقلش .. النجاح مش هيجيلك من يوم و ليلة خليك راضى
مش تقعد تعمل ارباح كتيرة و فى الاخر لا اصل انا اتمرجنت و مسحبتش .. طاب منتا إلى غلطان .. السوق مشى معاك و رمالك سمكه .. انت طمعت و عايز حوت لازم هتتمرجن .. دا الطبيعى
و لكم منى كل التحية و التوفيق تقبلوا مروري المتواضع
مركز الخليج