مراجعة حول نظام فوري fawry

[Mr_Radwan]

اخي الفاضل كلنا عارفين خدمه فوري وهي من الخدمات المنتشره هنا في مصر حديثا ولاقت اعجاب الكثير من مستخدميها
نظرا لانها شبكه كبيره جدا وموجوده فى جميع انحاء مصر و شركه فوري مثلها مثل اي شبكه اخرى لها مميزات وليها عيوب
من مميزات شركه فوري دفع فواتير الهاتف المحمول بجميع الشركات تحويل الرصيد شحن الكروت وسداد فواتير الإنترنت في
كل الشركات المتاحة في مصر دفع فواتير المرافق العامة منها زي المياه والغاز والكهربا وتحديث رخصة السيارة كذلك دفع
مصروفات الجامعات بالاضافه لانها توفر السحب من فودافون كاش اما عن عيوب شركه فوري اللي اشتكى العديد منها إشارتها
ضعيفة في معظم الأوقات كما انها لا توفر بعض الخدمات الهامة مثل استخراج شريحة التليفون المحمول استخراج
شهادة الميلاد اما في حالة حدوث مشكلة في الرصيد أو دفع الفواتير ولا يتم استرجاع المبلغ إلا بعد مرور حوالي يومين
من تاريخ العملية. بالتوفيق لك تقبل مروري

[aymansaleh]

خدمة فوري من انظمة الدفع الالكتروني المتميزه جدا والسريعه, بالنسه لخدمة فودافون كاش, هي اسرع في معظم الاوقات من التعامل مع فرع فودافون نفسه بسبب الازدحام في الفروع في معظم اوقات اليوم, ايضا بالنسبه لشحن الرصيد , ممكن تشحن رصيدك في اي وقت وانت في الشارع من اي محل عليه علامة فوري, سرعه وامان وفي الحقيقه ماحصلش معايا اي موقف او مشكله في التعامل مع اجهزة فوري في اي محل صادفته او تعاملت معاه, كمان من اهم المميزات انها اصبحت منتشره بشكل كبير جدا وبتغطي كل المناطق, يعني في اي وقت وفي اي مكان هاتلاقي علامة فوري وتقدر تقوم بمعاملاتك او تشحن رصيدك وتحل اي موقف او مشكله تقابلك بسبب نفاد رصيد موبايلك او تحويل او سحب رصيد فودافون كاش مثلا