في شركات كتير بدأت تسوق لنفسها اونلاين و الحقيقة ان الطريقة دي زودت من نسبة مبيعاتهم للمنتج و لكن زادت المهامات عليهم و بالتالي بدؤوا يطلبوا باستمرار موظفين عشان يبقوا عاملين link بين الشركة و العملاء و بالتالي العملاء يزيدوا .
المميزات :
الكاتالوج بيحتوي على اغلب المنتجات المتطلبة في حياتنا العادية و زي الحاجات اللي ليها علاقة بالاكل زي علب كيك او بانواع الحلويات الاخرى ، و بالطبع مينفعش ننسى منتجات العناية بالبشرة اللي بتكون مليانة في الكتالوج زي الشاور جيل و انواع متنوعة من الشامبو تختلف حسب كل فروة و طبيعة شعر كل عميل و العديد من المنتجات و كل دول بيكون اسعارهم في متداول الشخص الميسور الحال و بصراحة ده اكثر ما يميز الشركة دي .
العيوب :
المنتجات الموجودة في الكتالوج بتاع ماي واي مش طبيعية و غالبا الريڤيوهات عليها بيكون في جزء نصب منها و بالتالي تأثيرها على الشعر بيكون حظوظ ، يعني ممكن احدى المنتجات تكون سبب في تلف شعر احدى العملاء و ده شئ يخليني اخسر الثقة في الشركة دي