السلام عليكم ورحمه الله تعالي وبركاته لا يوجد سك اخي الفاصل ان الكثير مننا بيعلم بعمل مشروع خاص به والتخلص من التعبيه لذلك انا عايز اقول كلمتين للناس اللي بتسأل عن مشاريع او افكار مشاريع لازم الاول قبل ما تسأل عن فكرة مشروع وتدخل في دايرة التوهان لاكثر من مليون فكرة وكلام ورغي لناس بتحاول تشدك معاهم في طريقهم بحجة انهم بينصحوك عشان تكسب وفي الحقيقة بيكون اغلبهم لهم اغراض تانية واولها مكسبهم هما من ورائك ولازم تعرف ان فكرة نجاح المشروع بيتوقف عليها عوامل كتير جدا ومش الفكرة فقط اللي بتنجح المشروع وممكن مشروع انت شايفه تافه جدا بالنسبة لك لكن مربح لشخص اخر وممكن بردو العكس نجاح اي مشروع متوقف على عوامل كتير جدا وبتختلف من شخص لشخص وبتختلف كمان من بيئة لبيئة ومن سلوك مستهلك لسلوك مستهلك اخر في مشاريع ممكن تنجح في المدينة ولكن لو اتعملت في قرية تفشل وفي مشاريع ممكن تنجح في قرية ولو اتنفذت في مدينة تفشل عشان كدة انت بنفسك اللي لازم تجد الفكرة اللي تناسبك والمشروع اللي يمشي مع سلوك المستهلك المتواجد في نفس بلدك او محافظتك وقبل ما تفكر وتبحث عن فكرة مشروع امشي في المنطقة اللي انت ساكن فيها وذاكر وادرس سلوك السكان شوف اية هي الاحتياجات الناقصة في المكان ده شوف البضاعة اللي عليها طلب كبير لكن مش متوفرة شوف ثقافة المجتمع نفسه بيفكر ازاي وعايش بأي طريقة وقتها لما تقعد مع نفسك هتلاقي مليون فكرة انت اللي اكتشفتها بدون السؤال والبحث ومن رابع المستحيلات شخص يقدم لك فكرة مشروع على النت وتنفذة في الواقع وهو من بيئة ومنطقة مختلفه عنك ومعندوش اي دراية بسلوك المستهلك المتواجد في مكانك فقط المشاريع اللي ممكن تاخد المشوره منها على النت هي المشاريع التي يتم تنفيذها ايضا على النت وليس في الواقع لذلك فعندما تفتح مشروع بطريقة معينة وينجح معك لايجب ان ينجح مع شخص آخر لان هناك عوامل تتحكم في نسبة نجاح المشروع مثل الزمان والمكان الحالة الإجتماعية وإحتياجات المجتمع وعقليتك ومعلوماتك