مراجعة موبايل Xiaomi Redmi Note 9s

[mohammed kamal]

مراجعة موبايل Xiaomi Redmi Note 9s

التصميم :-
زي ما شاومي معودانا على التصميم الزُجاجي في سلسلة ريدمي نوت مؤخرًا .. فالـNote 9s لسه مكمل في المشوار ده .. تصميم زجاجي شيك عليه حماية Corning Gorilla Glass الجيل الخامس .. مع فريم من البلاستيك.
اللون اللي جربناه هو اللون الأزرق، لون ممتاز .. مش هقدر اقولك اكتر من كده .. اللون ده بيتغير على حسب درجة الضوء اللي جايه عليه .. وكل درجات لونة عجباني بصراحة .. وبرده شوفه في الطبيعة وأحكم عليه بشكل أفضل.

الشاشه :-
شاشة كبيرة حجمها 6.67 بوصة من نوع IPS LCD بدقة FHD+ .. شاشة عملاقة فعلًا .. والسيلفي هنا محطوط في ثقب كبير شوية في اعلى منتصف الشاشة.
مش مرتاح لشكل الثقب ده، مش عارف ليه .. حاسه كبير شوية .. كان محتاج يصغر شوية او يروح على الشمال أو اليمين علشان عيني ما تفضلش بصاله كل شوية .. عمومًا لو مش عاجبك شكله ممكن تلغيه وتضيف شريطه سودا من اعدادات واجهة الموبايل.

الأداء :-
وحاليا الـRedmi Note 9s هو أرخص موبايل بمعالج كوالكوم سناب دراجون 720G .. معالج ممتاز جدًا بيجي معمارية 8 نانو.
اداء المعالج ده كويس جدا جدا .. يعني انا شايف المعالج ميفرقش حاجة اوي عن اداء معالج سناب دراجون 730G الموجود في*Mi 9T*وOppo Reno 2.

عوامل الأمان وعناصر اخرى :-
شاومي نقلت البصمة اللي في الضهر وحطتها على زرار الباور .. البصمة سريعة مفيهاش مشاكل .. بس ساعات لو الموبايل في جيبي وجيت اطلعه والمس الباور مش بيفتح .. ساعات بحتاج ادوس على الزرار الأول .. مش من مجرد لمسة .. اما الـFace Unlock فهو سريع ومفيهوش اي مشاكل.
الموبايل جاي Android 10 مع واجهة MIUI 11 .. اللي بتدعم الـDark Mode .. وبتدعم عمل نسختين من كل الـ*برامجاللي على الموبايل.

البطارية :-
بطارية الموبايل ضخمة بتيجي بحجم 5020 مللي أمبير .. نقطة تنافسية مهمة جدا للـRedmi Note 9s .. البطارية ديه انا فضتها وشحنتها اكتر من مرة .. متوسط عمر البطارية من 7 لـ10 ساعات شاشة مفتوحة على حسب الاستخدام.
وده وقت ممتاز جدا جدا جدا في موبايل بالامكانيات ديه .. وده طبعا بفضل المعالج الـ8 نانو اللي بيوفر جامد في الإستهلاك مع البطارية اللي حجمها ضخم.

الكاميرات :-
الموبايل بيجي بـ4 كاميرات في الظهر .. الأساسية 48 ميجا بيكسل بفتحة عدسة F/1.8 بمستشعر*سامسونج*GM2 .. والتانية 8 ميجا بيكسل للتصوير الواسع بفتحة عدسة F/2.2 والتالتة 5 ميجا بيكسل Macro .. والرابعة 2 ميجا بيكسل للعزل.
والسيلفي الموجود في ثُقب في نص الشاشة بيجي بدقة 16 ميجا بيكسل مع فتحة عدسة ديقة جدًا F/2.5 !

[qqq10]

يأتي هاتف Xiaomi-Redmi-Note-9s ليكون الهاتف الأقوى في بداية عام 2020 فالهاتف يأتي بمواصفات قوية جداً مقارنةً بالهواتف المنافسة حيث يمكنك الحصول على أفضل شيء في كل شيء مع هاتف شاومي الجديد الـ Xiaomi-Redmi-Note-9s حيث يأتي ببطارية عملاقة 5000 مللي أمبير
بعض من مزايا الهاتف Xiaomi-Redmi-Note-9s :-

الشاشة تأتي بشكل الثقب في منتصف الشاشة حيث تأتي الشاشة من نوع IPS LCD بمساحة 6.67 إنش بجودة الـ FHD+ بدقة 1080×2400 بكسل والشاشة بمعدل تحديث 60 هرتز وهي بمعدل كثافة بكسلات 395 بكسل لكل إنش مع دعم الشاشة لأبعاد العرض الجديدة بنسبة 20:9 مع طبقة حماية من نوع Corning Gorilla Glass الجيل الخامس مع إمكانية التحكم في درجة حرارة اللون كما يمكنك الغاء أزرار التحكم واستخدام الايماءات بدلاً من ذلك بالإضافة لدعم الشاشة إلى وضع الـ Dark Mode .

يأتي بذاكرة صلبة بسعة 128/64 جيجا بايت مع ذاكرة عشوائية بسعة /6/4 جيجا بايت .


الكاميرا الأمامية تأتي بدقة 16 ميجا بكسل بفتحة عدسة F/2.5 وتدعم الكاميرا الأمامية تصوير الفيديوهات بجودة الـ FHD بدقة 1080 بمعدل التقاط 30 إطار في الثانية كما تدعم التصوير الـ HD بدقة 720 بكسل بمعدل التقاط 30 إطار في الثانية مع دعم الكاميرا للتصوير الـ Slow Motion بمعدل التقاط 120 إطار في الثانية .


أما عن الأداء فيأتي بمعالج كوالكم الجديد في الفئة المتوسطة حيث يأتي من نوع Snapdragon 720G بتكنولوجيا الـ 8 نانو مع معالج رسومي من نوع Adreno 618
.
الكاميرا الخلفية تأتي بأربعة كاميرات حيث تأتي الكاميرا الأولى بدقة 48 ميجا بكسل بفتحة عدسة F/1.8 وهي الكاميرا الأساسية للهاتف بمستشعر سامسونج GM2 والكاميرا الثانية تأتي بدقة 8 ميجا بكسل بفتحة عدسة F/2.2 وهي الخاصة بالتصوير الواسع والكاميرا الثالثة تأتي بدقة 5 ميجا بكسل بفتحة عدسة F/2.4 وهي الخاصة بالتصوير الماكرو والكاميرا الرابعة تأتي بدقة 2 ميجا بكسل بفتحة عدسة F/2.4 وهي الخاصة بعمل العزل والبورتريه مع فلاش أحادي من نوع ليد فلاش

يدعم الهاتف تحديد الموقع الجغرافي الـ GPS كما يدعم أنظمة الملاحة الأخرى الـ A-GPS, GLONASS, BDS, GALILEO .

منفذ الـ USB يأتي من نوع الـ Type C .

البطارية تأتي بسعة 5020 مللي أمبير ويدعم الهاتف الشحن السريع بقوة 18 واط

يأتي الهاتف بنظام تشغيل Android 10.0 مع واجهة miui11

يتوفر الهاتف باللون الأزرق واللون الأبيض واللون الرمادي

عيوب موبايل Xiaomi Redmi Note 9s :-

وزن الهاتف ثقيل في حمله .

انخفاض جودة الكاميرا السيلفي في الاضاءات الضعيفة


الكاميرا الخلفية بارزة بشكل كبير عن ظهر الهاتف مما يعرضها للكسر و لكن الجراب المرفق بعلبة الهاتف يغطي البروز بالكامل .

حجم الهاتف كبير بسبب استخدام شاشة عملاقة .

العلبة ليس بها سماعات الاذن للأسف .

الاسعار في مصر .. للنسخة 64 جيجا مع 4 جيجا رام بسعر 3650 جنية ، والنسخة الـ128 جيجا مع 6 جيجا رام بسعر 3950 جنية .

[Midoo55]

موبايل Xiaomi Redmi Note 9S
اصدار شركة شامى لعام 2020 تصميم رائع و انيق جدا و أداء سريع و قوى وزنه 209 جرام يأتى بشاشه كبيرة الحجم مساحتها ٦.٦٧ بوصه للإستمتاع بمشاهدة الأفلام والمسلسلات و الصور و الفيديوهات و العاب الفيديو وتأتى من نوع LCD تدعم اللمس المتعدد و يأتى ببطاريه سعتها 5020 مللى امبير و يأتى الموبايل بذاكرة تخزين داخليه مساحتها 64 جيجابايت و الرام بيكون مساحته 4 جيجابايت
و اصدار اخر بمساحة 128 جيجابايت والرام مساحته ٦ جيجابايت و يدعم الموبايل استخدام كارت ميمورى يصل مساحته الى 256 جيجابايت و يأتى موبايل شاومى بأربع كاميرات خلفيه
تعمل الرئيسيه بدقة 48 ميجابكسل و الكاميرا التانيه بدقة 8 ميجابكسل و التالته بدقة 5 ميجابكسل و الرابعه بدقة 2 ميجابكسل مزوده بفلاش ليد وخاصية بانوراما لتحسين جودة الصوره اثناء الليل و كاميرا السيلفى تعمل بدقة 16 ميجابكسل و يدعم الموبايل
شبكات الجيل التانى والتالت والرابع و متصفح انترنت و يمكنه الاتصال بالأجهزة الاخرى عن طريق البلوتوث او نقطة الاتصال و متوفر فى الاسواق التجاريه باللون الابيض و الازرق و الرصاصي