مراجعة تصميم هاتف Oppo Reno 2F

التصميم :-

الموبايل ظهره زجاج فخم جدا واخد نفس نمط تصميم الـ Oppo Reno 10X فلاج شيب OPPO القديم ورصة الأربع كاميرات الشيك جدا فى ظهر الهاتف تقريبا ده واحد من أشيك التصميمات اللي ممكن تشوفها في موضوع رصة الكاميرات و كمان الكاميرات كلها مدفونة جوا ظهر الموبايل مفيش أي بروز نهائي في الكاميرات.
زر التشغيل power button علي الجانب الأيمن موجود عليه خط أخضر فسفوري علشان تميزه بسهولة.
تحتوي الواجهة الأمامية للهاتف علي شاشة بقياس 6.5 بوصة و الحاوف قليلة أوى.
أعلي الهاتف هتلاقي Slider متين و دا عبارة عن اوبشن حلو ممكن تختار لون من 12 لون الاسلايدر ينور بيه وهو طالع وهو نازل أو ممكن تخليه عشوائي كل مرة يفتح ويقفل يغير لونه و كمان ممكن تختار صوت الـ slider يعمله وهو طالع وهو نازل.
علي الجانب الأيسر للهاتف نجد أزرار رفع و خفض الصوت و منفذ لدخول شريحتين الاتصال أو شريحة واحدة و كارت ذاكرة خارجي.
أسفل الهاتف نجد ميكروفون المكالمات و السماعة الخارجية و منفذ كابل الشحن USB Type C و منفذ 3.5 ملم لسماعات الرأس Headphones مع الميكروفون العازل للضجيج.

الشاشة :-

الشاشة هنا كاملة بحجم 6.5 بوصة بدون نوتش و الحواف قليلة بس الحافة السفلية كانت محتاجة تصغر شوية عن كده بس مش مشكلة مع دقة Full HD+ بجودة 1080*2340 بيكسل مع 394 بيكسل لكل بوصة مع أبعاد 19.5:9.
وعموما الشاشة تفاصيلها ممتازة و الـ Sharpness كويس جدا.
سطوع الشاشة تحت الشمس حلو جدا ومفيش فيه أي مشاكل.
وبالنسبة لطبقة الحماية فالشاشة عليها حماية من جوريلا الجيل الخامس وكمان متركب عليها اسكرينة.

الأداء :-

المعالج Mediatek Helio P70.
والميزة أن المعالج دا متجرب في موبايلات قبل كدا و Oppo متأكدة 100% من أدائه الممتاز و أن مستحيل يكون فيه أي عيوب في الأداء. الموبايل أدائه كويس الي حد ما في الاستخدام اليومي من البرامج العادية و برامج السوشيال مفيش أي تهنيجات خالص و الأداء مستقر بشكل كبير.
يتوافر الهاتف بنسخة بذاكرة داخلية 128 جيجا بايت مع 8 جيجا بايت رام و يمكنك زيادة المساحة الداخلية للهاتف عن طريق إضافة كارت ذاكرة خارجي يصل الى 256 جيجا بايت فى منفذ منفصل عن شريحتين الاتصال.
البصمة مدمجة بالشاشة و أدائها ممتاز وسريع جدا ومفيش فيه أي مشاكل واجهتها معاها والموبايل اصلا عليه اسكرينة و أدائها كويس جدا.
الـ Face Unlock سرعته كويس جدا و عندك اتنين اوبشن ياما تخليه يشتغل مع زر التشغيل و كل مرة تدوس ع زر الـ power السلايدر يفتح علشان يتعرف ع وشك أو تخليها بأنك تعمل سلايدر علي الشاشة وبعدها يبدأ يشتغل و الslider يفتح و ده اوبشن انا شايفه أحسن بدل ما الاسلايدر يفضل طالع نازل ع الفاضي.