مراجعة تصميم هاتف Xiaomi Note 8

التصميم :-

تصميم زجاجي شيك بيعمل انعكاس مع تغيير الاضاءة والاطار عريض مفيش انحناء في الموبايل وكمان الفريم بلاستيك و دا أحسن ما يكون معدن ويتقشر عموما المسكة في الايد كويسة جدا واحساس الفريم بيخلي الموبايل متماسك في ايديك.
بالنسبة لبروز الكاميرات النوت 8 البروز بتاع الكاميرات أقل شوية و لكنه ما زال كبير لكن الجراب الشفاف اللي جاي معاه بيغطي البروز لأنه بيجي من حوالين الكاميرات وبيطلع شوية علشان يحمي الكاميرات.
الموبايل وزنه خفيف في الايد ومسكته سهله لأن شاشته مش كبيرة وسهل الاستخدام بايد واحدة و بأبعاد 158.3×75.3×8.4.
تحتوي الواجهة الأمامية للهاتف علي شاشة بقياس 6.3 بوصة أعلاها نوتش فيه الكاميرا السيلفي 13 ميجا بيكسل مع سماعة المكالمات و مستشعر القرب و الضوء و فى الحافة السفلية كلمة Redmi.
يحتوي الجانب الأيمن للهاتف علي زر التشغيل Power button لفتح و غلق الهاتف و أزرار رفع و خفض الصوت.
يحتوي الجانب الأيسر على منفذ دخول شريحتى الاتصال مع منفذ منفصل لكارت ذاكرة خارجي.
أسفل الهاتف نجد منفذ USB Type C و السماعة الخارجية و ميكروفون المكالمات.
يحتوي ظهر الهاتف علي الكاميرا الخلفية الرباعية بشكل عمودى الأولى بجودة 48 ميجا بيكسل و أسفلها بجودة 8 ميجا بيكسل و أسفلها بجودة 2 ميجا بيكسل وأسفلهم الكاميرا الأخيرة بجودة 2 ميجا بيكسل مع فلاش LED و أسفلهم مستشعر بصمة الاصبع و فى الأسفل شعار Redmi.

الشاشة :-

الشاشة 6.3 بوصة من نوع IPS LCD بدقة Full HD plus و جودة 1080*2340 بيكسل مع كثافة بيكسلات 409 بيكسل لكل بوصة مع أبعاد 19.5:9 مع دعم اللمس المتعدد
والشاشة عليها حماية من جوريلا الجيل الخامس بس اكيد لازم تركب اسكرينة عليها و شاومي بتدعم انك تقدر تلغي النوتش لو مش حابب شكله.

الأداء :-

معالج سناب دراجون 665 وأداء الموبايل كويس جدا في البرامج و تطبيقات السوشيال ميديا والمكالمات ويتم اصدار هاتف شاومى نوت 8 بنظام تشغيل اندرويد PIE 9.0 مع واجهة مستخدم MIUI 10.
الموبايل فيه لمبة اشعارات باللون الأبيض بتنور لما يجيلك اشعار.