إدارة راس المال
Money management
من المتعارف عليه أن سوق الفوركس هو سوق استثماري ولكل سوق قواعد وأسس ثابته لا تتغير ابدا ومن أهم القواعد الخاصه بسوق الفوركس إدارة راس المال
قد تحدثنا سابقا أن الفوركس هو أكبر واقوي سوق عالميا نظرا لحجم التداولات اليوميه وحجم السيولة داخل السوق مليارات الدولارات تدخل السوق يوميا
انت لا تتداول وحدك في هذا السوق الكبير فهناك بنوك مركزية وبنوك خاصه والشركات والصناديق الاستثمارية وكبار رجال الأعمال والمستثمرين .
نتكلم بلدي بقي عشان نفهم
اول حاجه عايز اقولها وده كلام خايب بسمعه كتير
إن صناع السوق هم سبب خساره صغار المستثمرين
ياريت تمسح الكلمه دي من دماغك خالص لان الي بتقوله ده هواء وهراء
صناع السوق ولا يعرفوك ولا شافوك قبل كده ولا يعرفو انت داخل السوق بكام وداخل عفودك بكام ولا صفقات ايه الي مفتوحه
وهقول مثل بسيط هيلخص عليكم كتير اوي
اتنين أصحاب داخلين السوق ب1000 دولار
الاول دخل اول اسبوع عمل ربح 200 دولار تاني اسبوع عمل ربح 200 دولار وهكذا لغايه مكملهم 2000 دولار وكان الموضوع ماشي معاه زي الفل لدرجت انو هو اساسا مش عارف هو عمل الربح ده كله ازاي طبعا ولا عامل حساب لنسبه مخاطره ولا مهتم بوضع أوامر استوب وهدف ولا محدد مناطق دخول جيده ولا عامل حساب لاي حاجه خالص هو حادي بادي هشتري حادي بادي هبيع .الطمع والجهل غلبوه بعد شهر تداول ومع تحقيق 100% من قيمه راس ماله. ودخل قنوات وشاف صور وفيديوهات لحسابات كل صفقه محققه فوق ال500 دولار عينه لمحت حجم الدخول(1.00) طمع داخل صفقه بلوت ستاندر هوب السعر عكس عليه 100 نقطه خسر ال1000 دولار صعب عليه نفسه وشهوه الانتقام ومعدل الادرينالين ارتفع عنده راح داخل صفقه تاني بلوت استاندر قال يعني بينتقم من السوق راح برضو السعر ضربه علي دماغه و عكس عليه 50 نقطه وخسر 500 دولار .انتهي بيه المطاف انو سحب باقي راس ماله الي 500 دولار وخرج وقالك بقي الفوركس نصب صناع السوق خسروني وفضل يمشي في كل الجروبات ينادي يااااا اهل الخير يااااا اهل مصر الفوركس نصب اخرجوا قبل ما تضيع فلوسكم علي نمط انتي فين يا جهاد
صاحبنا التاني رجل برنس كده في نفسه راح جايب ورقه وكتب فيها الخطه بتاعته لدخول السوق
كتب ايه بقي هقولك
ق
الك انا راس مالي 1000 دولار
انا هدخل صفقتين يومين أن وجد طبعا بنسبه مخاطره من إجمالي راس ماله 5%
وبمعدله بسيطه كده 1000×5÷100=50دولار
وقال إنه هيقسم ال50 دولار ÷ 2 =25 دولار
وهيدخل صفقاته مبدئيا كده بمايكرو لوت 0.01 الي هو النقطه فيه ب10 سنت وعشان هو فاهم وواعي وعلي درايه تامه بإدارة راس المال حدد استوب لوز من منطقه دخوله الصفقه ب250 نقطه يعني عشان يخسر اا25 دولار في صفقه محتاج انو السعر يعكس عليه 250 تخيلوا بقي وعشان هو شاطر درس زوج العمله الي دخل عليه وعرف انو حجم الحركه والتذبذب فيه مش بيذيد عن 100 نقطه .
دخل الصفقتين وحط هدف لنفسه انو عايز بس ياخد من كل صفقه 20 دولار
حقق في اولا تداولاته 40 دولار
دخل تاني بنفس الفكره صفقتين نفس الموضوع وحقق 40 دولار ربح دخل تاني وحقق ربح 40 دولار

دخل صفقتين تاني بس للاسف ضربة استوبات رغم انو من الصعب انو السعر يعكس عليه 250 بس حظه كده بقي اخونا ترامب طلع قال تصريح قلب الدنيا وكلنا عارفين القصه دي
اول اسبوعين فقط حقق 8% من قيمه راس ماله
تاني اسبوعين ولو هنفترض نفس السيناريو فبكده حقق 16% من قيمه راس ماله
قرر انتا بقي انت عايز تكون زي صاحبنا الاولاني الي دخل السوق وهو مغمض عينه عن حاجات كتير وداخل بختك يابو بخيت
ولا عايز تكون زي اخونا التاني البرنس في نفسه
تقريبا كده وصلتلكم الفكره مش باقي بس غير شويه معادلات خفيفه كده عشان كل واحد فيكم يقرر خطته بناءا علي حجم رأس ماله
وده مثال بسيط يارب تكونو فهمته منه معني أو ما المقصود بإدارة راس المال
لتحديد نسبه المخاطرة
قيمة راس المال ×نسبه المخاطرة÷100=
مبلغ المخاطرة
ثلاث نقاط لو التزمت بيهم هضمنلك النجاح
الالتزام بوضع امر استوب لوز او وقف خساره
الالتزام بتحديد نسبه المخاطرة لصفثاتك كام% مخاطره
الالتزام بحجم او العقود لدخولك الصفقات بناءا علي رأس مالك( لوت أو LOT)
بالنسبه لتحديد الهدف تقدر تخلي النسبه 1 : 2
بمعني لو الاستوب بتاعك 50 نقطه يبقي الهدف 100 نقطه ضعف الاستوب
أو 1 : 3
لو الاستوب 50 نقطه يبقي الهدف 150