السلام عليكم ورحمة الله وبركاته طبيعي اي حد جديد في التداول عموما سواء كان في مجال الفرركس او غيره يكون تايه شوية و خبرته معدومة تماما و خلفيته عن التداول بسيطة جدا و غالبا بتكون فكرته فقط ازاي اجمع اموال و ارباح كتير عشان كده غالبا في اول شهر بيبقى في خسارة في رأس المال و للاسف كتير من المتداولين المبتدئين بيصابوا بإحباط في البداية و باليأس من تحقيق ارباح فعلية ؛ و عشان يتجنب المتداول المبتدئ حاجة زي كده دايما بننصحه انه يستخدم الحساب التجريبي في البداية عشان يقدر من خلاله يتعلم اساسيات التداول الصحيح و ازاي يقدر يتغلب على خوفه و توتره و يستغل مجهوده الحقيقة في الربح ، ده غير ان الحساب التجريبي بيزيد من خبرته و بيعلمه الاخطاء اللي لازم يتجنبها قبل ما يدخل الحساب الفعلي و اللي غالبا بتكون شائعة بين المتداولين المبتدئين و بتكون سبب في خسارة رأس المال .