مراجعة حول تعثر الأهلي أمام الإتحاد السكندري

[MichaelAnees]

مراجعة حول تعثر الأهلي أمام الإتحاد السكندري

كان جمهور النادي الأهلي ينتظر فوز الأهلي على الإتحاد بفارغ الصبر للإحتفال رسميا بتتويج النادي الأهلي بدوري كورة القدم خاصة انه الدوري الأطول والذي تعطل بسبب جائحة كورونا.

وتعادل الأهلي مع الاتحاد السكندري سلبياً في المباراة التي جمعتهما مساء الإثنين، باستاد برج العرب، ضمن منافسات الجولة الـ 27 من بطولة الدورى الممتاز، وبذلك يتأجل حسم الأهلي لبطولة الدوري الممتاز، حيث كان يحتاج الفوز للتتويح بالبطولة رسمياً، ورفع الأهلي رصيده إلى 72 ويبقي في القمة، ورفع الاتحاد رصيده إلى 37 نقطة ويبقي في المركز الخامس.

تشكيل الأهلي :

محمد الشناوى، رامى ربيعة، أيمن أشرف، على معلول، محمد هانى، حمدى فتحى، ديانج، أحمد الشيخ، أجاى، مروان محسن وبادجى.

تشكيل الاتحاد :

محمود الزنفي، محمود شعبان، إسلام جمال، محمود رزق، صبرى رحيل، مروان عطية، عمر الميداني، كريم الديب، أحمد رفعت، خالد قمر ورزاق سيسيه.

طرد أحمد فتحي لاعب الأهلي في الشوط الثاني كان نقطة مفصلية وتم إحتساب ركلة جزاء مثيرة للجدل ولكن نجح محمد الشناوي حارس الأهلي في التصدي لها.

من وجهة نظري مباراة الأهلي والاتحاد كانت مباراة مدربين و تألق خلالها طلعت يوسف.

*

[aborayan]

اخى الكريم تقبل تحياتى بالفعل استعد جمهور الاهلى بالكامل من اجل الاحتفال بالدرع 42 فى لقاء الاتحاد السكندرى ولكن تم تأجيل الاحتفال لمباراة السبت 19/9 أمام مصر للمقاصه عموما انا مش مقتنع بطريقه 4/4/2 اصلا لما بنلعب بقفشه تحت راس الحربه بيكون لينا شكل مميز انت بتلعب من غير صانع العاب هتكسب ازاى لازم وجود صانع العاب ولولا براعه وتألق الشناوى كنا اكيد هنخسر الماتش وطبعا حكم المباراه ابراهيم نور الدين كان له رأى اخر فى فوز الاهلى دايما يعمل على ارهاب لاعبى الاهلى وتحس انه مش طايق لاعيبه الاهلى فى الماتش بيتعامل بكبرياء عموما الاهلى خلص الدورى بنسبه مليون فى الميه المهم التركيز قى اللى جاى وخاصه طموحنا الاكبر الفوز بالبطوله الافريقيه وكاس مصر ايضا المهم التركيز على اللى جاى والعمل على تجهيز بعض اللاعبين من اجل الاستعانه بهم فى اللقاءات المهمه القادمه . تحياتى

[DrMaged]

بصرف النظر ان الحسم اتاجل الا ان الامر مفيهوش مشكله كبيره لكن التعليق الوحيد هو على الحكم ابراهيم نور الدين اللى تقريبا مفيش نادى ومفيش حد مشتكاش
منه سواء من جمهور ولاعبى وفريق الاهلى او الزمالك وده بيدينا انطباع عن التحكيم فى مصر يعنى الحقيقه لازم يكون فيه تاهيل زياده عن كده للحكام وبرامج
اعداد بدنى ونفسى كذلك يعنى الحكم بره بيفرض شخصيته على اللاعبين كذلك بيكون مؤهل نفسيا انه يتعامل مع كافة شخصياتهم وعلى كل حال الزمالك من الممكن
يطلع بمفاجاه ويخسر او يتعادل فيهدى الدورى للاهلى يعنى عامة بشكل او باخر حسم الدورى هيكون فى الجوله الجايه هو انا كمشجع اهلاوى كنت ومازلت اتمنى
الاهلى يخلص الدورى فوق ال 90 نقطه فديه النقطه الوحيده اللى مضايقانى من التعثر