السلام عليكم
كنت لسه بتابع موضوع بينتقد طريقه لمتداول مشهور وبيقول ان مش دى طريقته
يعنى الفكره انك لما بتشوف طريقه ناجحه وتيجى تستخدمها بدل متشوف اخطائك فين لا بتبدء تهاجم الطريقه نفسها وتقول ان هى اللى مش ناجحه
ونصيحتى لكل شخص بيفكر كدا انت لو فضلت 100 سنه بتفكيرك دا هنرجع بعد 100 سنه نلاقيك فى نفس مكانك
وخليها قاعده عامه فى دماغك
(طريقة فلان ناجحه) دا اصلا تعبير خاطئ ( تعامل فلان مع استراتيجية كذا مربح) دا التعبير الافضل
لان مش استراتيجية التداول اللى بتحقق الربح
لكن طريقة كل متداول فى استخدام الاستراتيجيه دى هى اللى بتنجحها
فمترفضش استراتيجيه لمجرد ان فلان قالك انها مش ناجحه معاه
ولا تكبر قيمة استراتيجيه بشكل مبالغ فيه لمجرد ان ناس قالتلك انها ناجحه