رسالة الى الرئيس المصرى محمد حسنى مبارك

[قيثارة العرب]

كان فيه في أيامك طوابير
وكان فيه خوازيق وخوابير
لكن فيه مم ولقم وخوابير
ماتقولنامشيتها ازاي ياكبير
....
كان فيه إنتهازيه و فاشيه
وسرقه من الكبار والحاشيه
وكانت سايره معاك وماشيه
ومافيش مشكله في التدبير
....
كان فيه مع كل زياده علاوه
والحياه ماشيه وآخر حلاوه
وبالراحه الأسعارتاخد غلاوه
ومكافآت مع كل عيد وتكبير
....
كان يجري إيه لو فيه توريث
يعني هو الشعب كان حثيث
ولا هو جمال اللي كان خبيث
علي الأقل كان فاهم و خبير
....
محدش حاسس بمرارمصيبتي
وما أوحش من سيدي إلاستي
أنابس بندب في حظي وخيبتي
غلبان و دخل في عش الدبابير
....
في عهدك عشنا زي العصافير
تفرقنا عصايه وتجمعنا صفافير
ماسمعناش عن تيران وصنافير
حتي في حصص الإملاوالتعبير
....
عرفناقيمة أمنابعد مرات أبونا
بالأسعاروهم الفواتير كهربونا
فيها إيه لو معاك كانوا سابونا
وأهو من عذاب لعذاب تصبير
....

[MOMER]

عندك حق كنا ايد واحدة

[bebars zolfakar]

السلام عليكم ورحمه الله وبركاتة
مشكور اخى الفاضل على الرسالة واشاكرك على اسلوبك وطرحك
تقبل مرورى وتحياتى
شكرا لكم واخوتى واخواتى

[BeBeto86]

الرئيس السابق محمد حسنى مبارك مثله مثل اى رئيس دولة كانت له مميزات و كانت له عيوبه .. و لكن من المؤكد انه كانت هناك ايجابيات كثيرة فى عصره مثل الاستقرار السياسى و الاستقرار الامنى ووجود احتياطى نقدى جيد كذلك كان النشاط السياحى جيد جدا و هو اكثر ما تم الحاق الضرر به بعد الثورة .. و مما لا شك فيه انه من الرؤساء الذين سيذكرهم التاريخ كبطل من ابطال حرب اكتوبر كما سيشهد له التاريخ بمواقفه البطولية فى الدفاع عن ارض الوطن .