بسم الله الرحمن الرحيم
اخوانى واحبائى اعضاء منتدانا الكريم فوركس مصر تم زياده عدد المشرفين فى المنتدى وانا واحد منهم
وبصراحه فى اعضاء كتيررررر جدا بجد مخالفين انا لسه بقالى سعات مشرف وحاذف كميه ردود لاعضاء مخالفه
وعندنا اوامر من الاداره بالايقاف بس احنا بنحذر الاول ياجماعه لازم تساعدونا علشان المنتدى يرجع زى الاول
وكلنا اول ناس هنستفاد ياجماعه الردود لازم تكون سطرين فيما اكتر وتكون هادفه ومفيده للموضوع
واى حاجه مخالفه احنا بالمرصاد ليها علشان محدش يزعل ويقول انا ليه البونص بيقل او ليه اتوقفت
بلاش ياجماعه اسبام او كوبى وباست للمشاركات وكلمتين واقلب والكلام ده
2/بالنسبه للمواضيع
لازم برضه يكون الموضوع منسق بمعنى تكون مظبط الموضوع الوان وخطوط واحجام ادخل الموضوع تخلينى احب اقرا الموضوع
اى موضوع مخالف هيتم حذف وتحذير صاحبه يعنى متنقلش موضوع من منتدى وهيعدى علينا كده ياجماعه بجد لازم النظام وانا بكرر اى عضو هيخالف هيتوقف
وايضا اى موضوع هيفتح فى قسم غير القسم اللى المفروض يتفتح فيه هيحذف وهينذر صاحبه شوف انت عايز تفتح موضوع عن ايه وشوف القسم المناسب ليه
طبعا الكلام ده الاعضاء المحترمين هيفرحوا بيه لانه فى صالحهم وهيكبر ويعالى المنتدى اكتر واكتر
اما الاعضاء اللى بالى بالك لو مالتزموش فاللاسف هيخدوا ايقاف
واى عضو يلاقى اى عضو اخر مخالف سواء فى موضوع او مشاركات ميترددش فى ابلاغى او اى اخ مشرف وهو اكيد هيتصرف
لازم كلنا نساعد بعض علشان نكون افضل من الاول بكتير
ارجوا ان تكون الرساله وصلت واكون خفيف عليكوا
بس فى نظام صارم هيطبق على كل من يخالف وكله فى صالح الاعضاء
تقبلوا فائق احترامى وتقديرى