التحليل الفنى للأزواج التقاطعيه والمعادن ليوم الخميس 31/10/2019

[DrMaged]

السلام عليكم

نهاية الشهر وبداية نهاية السنه , طبعا بعض الناس بتقول ان شهر نوفمبر وديسمبر من الشهور اللى من المفضل فيهم عدم التداول او التداول على خفيف يعنى عشان نهاية الشمعه السنويه والكلام ده , شخصيا انا مبعترفش بالمسائل اللى زى كده وليا رأى محدد ان المتداول اذا اراد النجاح لازم يتعلم يتداول تحت كل الظروف ويحاول يتوقع الحركه المتوقعه مع مداها بحيث يطلع دايما بأفضل نتيجه ممكنه او بارباح تحت أسوأ سيناريوهات الحركه فى السوق

على كل حال الحمدلله الشهر بالنسبالى كان جيد من ناحية التحليل يعنى تقريبا من المتابعه كل او عالأقل معظم وجهات نظرى اتحققت , بالنسبه مثلا للباوند استرالى فالحركه وان كانت عرضيه بعض الشئ الا انها حركه هابطه مايله للأسفل وشخصيا بتوقع بداية انهيار او حركه هابطه قويه ان شاء الله على الزوج خلال الفتره الجايه بعد كسره المنطقه العرضيه الكبيره اللى كان عاملها فى هبوطه , ان شاء الله الزوج هيتجه حاليا لمستوى الدعم 1.8620 وفى حالة كسره هنلاقيه بيتجه لمستوى الدعم اللى بعده والموجود عند 1.8503 مع التذكير بان من الوارد حدوث تصحيحات صاعده فى طريق الزوج نظرا لوجود مستويات الدعم على مسافات متقاربه نسبيا

[zizoo]

السلام عليكم ورحمة الله وبركاته، الأخوة والأخوات والأصدقاء الأعزاء أعضاء المنتدى، أخباركم إيه؟ بتمنى من ربنا تكونوا جميعا بخير وصحة وسلامة، وأن تكون أحوالكم التجارية في عالم الفوريكس تسير على خير ما يرام.
هنتكلم النهاردة يا شباب عن تحليل سعر زوج النيوزلندي دولار المتوقع في السوق بإذن الله، ولكن بنبه حضراتكم إلى نقطة هامة هنا، وهي أن التحليل ده ما هو إلا تحليل شخصي، أي يعبر عن رؤيتي الشخصية التي تحتمل الصواب والخطأ، وليس توصية أو توجيه لدخول صفقات بيعية أو شرائية، لذا فالقرار الأول والأخير يرجع لكم، وبالتوفيق للجميع،،،

لو بصينا للشارت المرفق وعلى فريم اليومي لزوج النيوزلندي دولار هنلاقي أن الزوج بيتداول في الفترة الأخيرة في اتجاه عرضي متذبذب وفي الأساس الزوج اتجاهه على المدى المتوسط والبعيد أيضا متذبذب، ولو لاحظنا هنلاقي إن الزوج كان هابط في الأيام القليلة الماضية حتى وصل لمستوى الدعم الهام والذي يقع عند مستويات 0.6335 واللي بدأ في الارتداد منه الفترة القليلة الماضية مكونا على الفريمات الصغيرة إشارات صاعدة ونماذج فنية تدعم صعوده وعشان كده ومع كل المعطيات اللي فاتت دي فأنا أتوقع أن الفترة القريبة القادمة تشهد صعود لحركة الزوج .وفنيا وبثبات التداولات على الزوج أعلى مستوى الدعم 0.6335 وعدم كسره لأسفل فمتوقع صعود الزوج حتى أهدافه والمقسومة إلى هدفين حيث الهدف الأول عند مستويا0.6410 ومن بعده إلى الهدف الثاني للزوج عند مستويات 0.6680 ولكن عشان السيناريو ده يتحقق لازم الزوج يفضل أعلى مستوى الدعم 0.6410 وميكسروش لأسفل
مركز الخليج
وفي النهاية فيه حاجة لازم ننبه عليها، أرجو الالتزام بإدارة رأس مال صارمة، واتباع جميع الارشادات التي تحدد عملية التداول بعالم الفوريكس، ولازم نقتنع إن فيه مكسب وخسارة، ومنخليش العاطفة تتحكم فينا أثناء عملية التداول، وأدعوا الله أن يرزقكم من حيث لا تحتسبون وأن يبارك في رزقكم، بالتوفيق للجميع.

[Abo_Ashraf]

وعليكم السلام ورحمه الله وبركاته
اهلا بك ياصديقى حقا العديد من التجار لا يفضل التداول فى مثل هذه الاوقات خاصه مع نهايه السنه وبالتالى انا ارى ان اليوم سوف يكون له اثر كبير على العديد من الازواج وسوف تتحرك بقوه لذلك سوف اضع نظرتى الفنيه حول تداولات زوج اليورو مقابل الفرنك السويسرى على الشارت اليومى حيث يتداول الزوج الان عند مستوى 23.6 فيبوناتشى بالتوافق مع سعر 1.1033 وكما نشاهد قد ارتد الزوج للاعلى بمجرد ملامسه خط الدعم عند مستوى 0.0 فيبوناشتى لذلك نتوقع استمرار الاتجاه الايجابى خاصه ان الزوج لم يستطع اختراق الدعم الحالى والاغلاق اسفله وبالتالى سوف يكون هدفنا من التحليل الوصول الى مستوى 38.2 فيبوناتشى خلال الفتره القادمه .

[DrMaged]

الباوند نيوزلندى يعنى شايف حاليا ان مساره مش محدد بشكل كبير وان الزوج محصور ما بين مستوى المقاومه 2.0560 ومستوى الدعم 2.0006 وده موجود من الاسبوع اللى فات طبعا الرينج اللى بيتحرك فيه السعر هو 500 نقطه وده شئ عادى جاد على زوج زى الباوند نيوزلندى لكن بشكل عام انا شايف ان الزوج يميل اكتر لكسر الدعم والهبوط مره تانيه تحت مستوى ال 2.0000 اكتر من احتماليته للصعود وكسر المقاومه 2.0560 لكن الأفضل هو المراقبه برضه وعدم الدخول فى اى عمليات على الزوج حاليا

[Abo_Ashraf]

سوف ننظر ايضا اليوم بعين فنيه لتداولات زوج الفرنك السويسرى مقابل الين اليابانى كما نشاهد اختراق شمعه اليوم لمؤشر الموفينج افردج 200 والاغلاق اعلاها بقوه مما يجعل السعر يتداول الان عند 110.02 والذى يعتبر قمه جديده للزوج ولكن ينبغى ان يخترق القمه السابقه الموضحه على الرسم عند سعر 110.40 لكى يستطيع الاستمرار فى الارتفاع ولكن يجب ان نضع فى الاعتبار قوه الين اليابانى التى من الممكن ان تؤدى بالزوج الى الاسفل لذلك يجب ان نتداول بحذر على الزوج ولا نفكر بالشراء الا فى حال الاغلاق اهلى المستوى المحدد على الرسم .

[DrMaged]

النيوزلندى فرنك يعنى نقدر نقول ان ديه محاوله جاده منه للصعود يعنى النيوزلندى زى ما كنت قولت انه من اضعف العملات لحد دلوقتى خلال الاسبوع الا ان من الواضح حاليا ان فيه محاوله للنهوض او الانتعاش قدام الفرنك , على كل حال اللى هيحسم الامر ده هو مستوى المقاومه 0.6337 لأن ده حاليا العقبه اللى قدام الزوج للصعود اما لعمل صعود قوى او عالأقل لتصحيح صاعد يستهدف بعد الكسر مستوى المقاومه 0.6366 وممكن يكمل ويستمر للدعم الاهم 0.6405

[DrMaged]

النيوزلندى ين حاليا مستقر فوق مستوى الموفينج أفيرج 200 وده بيدى انطباع جيد على الزوج بانه من الممكن يكون بالفعل عدل مساره وبدا الصعود , الزوج حاليا ملامس لمستوى المقاومه 69.70 واذا نجح فى كسر المقاومه ديه والثبات فوقها بشكل كامل ده هيدعم من محاولات الزوج للصعود ولمس مستوى المقاومه 72.27 اللى بيعتبر المستوى الأول الفعلى فى مواجهة الزوج خلال صعوده ومن بعده 72.93 اللى من المتوقع يرد الزوج فى تصحيح هابط للأسفل لما يوصله

[zizoo]

السلام عليكم ورحمة الله وبركاته، الأخوة والأخوات والأصدقاء الأعزاء أعضاء المنتدى، أخباركم إيه؟ بتمنى من ربنا تكونوا جميعا بخير وصحة وسلامة، وأن تكون أحوالكم التجارية في عالم الفوريكس تسير على خير ما يرام.
هنتكلم النهاردة يا شباب عن تحليل سعر زوج الكندي ين المتوقع في السوق بإذن الله، ولكن بنبه حضراتكم إلى نقطة هامة هنا، وهي أن التحليل ده ما هو إلا تحليل شخصي، أي يعبر عن رؤيتي الشخصية التي تحتمل الصواب والخطأ، وليس توصية أو توجيه لدخول صفقات بيعية أو شرائية، لذا فالقرار الأول والأخير يرجع لكم، وبالتوفيق للجميع،،،

لو بصينا لشارت زوج الكندي ين هنلاقي ان الزوج كان ماشي في اتجاه صاعد على المدى القصير ووصلت اسعار الزوج الى مستوى المقاومة قريبة من مستوى سعرى 82.15 واللي فشلت الاسعار في اختراقها للأعلى واللي بتتزامن ايضا مع الحد الاعلى للقناة الصاعدة التى ماشي فيها الزوج، وده لو لاحظنا هنلاقيه دفع دفع الزوج للهبوط نحو مستوى الدعم 81.64 واللي بيتزامن ايضا مع خط الاتجاه الصاعد اللي بتتداول عليه الاسعار، وده عمل كمستوى دعم متحرك للزوج واللي الاسعار قدرت تكسره عند مستوى الدعم اللي قلنا عليه قبل كده 81.60 وخط الاتجاه الصاعد للأسفل ، وده هيدفع الزوج الى اتجاه هابط على المدى القصير والذى هيستهدف مستوى الدعم والهدف من القناة الصاعدة بالقرب من مستوى سعرى 80.10 تقريبا واللي وصلت ليه الاسعار ورجعت تاني لاختبار خط الاتجاه الصاعد المكسور عشان مناطق عرض للأسعار.
مركز الخليج
وفي النهاية فيه حاجة لازم ننبه عليها، أرجو الالتزام بإدارة رأس مال صارمة، واتباع جميع الارشادات التي تحدد عملية التداول بعالم الفوريكس، ولازم نقتنع إن فيه مكسب وخسارة، ومنخليش العاطفة تتحكم فينا أثناء عملية التداول، وأدعوا الله أن يرزقكم من حيث لا تحتسبون وأن يبارك في رزقكم، بالتوفيق للجميع.

[DrMaged]

الاسترالى نيوزلندى حاليا بيحضر للهبوط وان كنت فى الحقيقه مش متطمن لحد اللحظه هل هيكون فعلا فيه هبوط على الزوج ولا الارتداد من مستوى المقاومه 1.0831 عباره عن ارتداد تصحيحى مش اكتر , على كل حال من المفضل حاليا مراقبة سلوك الزوج السعرى خلال العشر ساعات الجايين بحيث يكون قدامنا صوره اوضح عن مسار الزوج خلال الفتره الجايه

[zizoo]

السلام عليكم ورحمة الله وبركاته، الأخوة والأخوات والأصدقاء الأعزاء أعضاء المنتدى، أخباركم إيه؟ بتمنى من ربنا تكونوا جميعا بخير وصحة وسلامة، وأن تكون أحوالكم التجارية في عالم الفوريكس تسير على خير ما يرام.
هنتكلم النهاردة يا شباب عن تحليل سعر الإندكس دولار أو مؤشر الدولار المتوقع في السوق بإذن الله، ولكن بنبه حضراتكم إلى نقطة هامة هنا، وهي أن التحليل ده ما هو إلا تحليل شخصي، أي يعبر عن رؤيتي الشخصية التي تحتمل الصواب والخطأ، وليس توصية أو توجيه لدخول صفقات بيعية أو شرائية، لذا فالقرار الأول والأخير يرجع لكم، وبالتوفيق للجميع،،،

دلوقتي يا شباب وفي ظل الأحدث السياسية والاقتصادية هنلاقي إن فيه ثبات لحركة إندكس الدولار الأمريكي وبيتداول حالياً اعلى مستويات 98.28 وأنا شايف إن الاتجاه العام له هو الصعود، وده طبعا مما الدولار الأمريكي من اقوى العملات في الوقت الحالي وتسبب في هبوط جميع كروسات الدولار الأمريكي ولكن بعد تصريحات الرئيس الأمريكي دونالد ترامب الفترة الأخيرة بأن الدولار أصبح أكثر قوه من المطلوب اتوقع بعض الاستراحة عليه لأن التصريحات دي ممكن تعيق صعوده فى الوقت الحالي خصوصا بعد تلميح ترامب لأنه يريد هبوطه 100 نقطه كامله لذلك من المتوقع الفترة دي لاندكس الدولار الأمريكي التداول ما بين مستويات 98.18 ومستويات 98.68 ولكن ومن وجهة نظري ارى أن الدولار على موعد جديد من الصعود بالرغم من تصريحات الرئيس المتذبذبة واللي ليها أهواء شخصية، فياريت في موضوع الإندكس دولار نتابع جداً حركته بعد تغريدات ترامب المجنونة والمتضاربة.
مركز الخليج
وفي النهاية فيه حاجة لازم ننبه عليها، أرجو الالتزام بإدارة رأس مال صارمة، واتباع جميع الارشادات التي تحدد عملية التداول بعالم الفوريكس، ولازم نقتنع إن فيه مكسب وخسارة، ومنخليش العاطفة تتحكم فينا أثناء عملية التداول، وأدعوا الله أن يرزقكم من حيث لا تحتسبون وأن يبارك في رزقكم، بالتوفيق للجميع.