الاحلام والذكريات

[4x1]

ناس كثير بترسم احلام كبيرة والاحلام دي هم شايفين انه مش ممكن تحقيقها الا بالفلوس فبيجروا ورا الفلوس وبيجروا ورا الاحلام وبيبقوا عارفين انه من الصعب الوصول الى مبتغاهم في وقت قصير يعني المسالة هتاخذ سنين
كثيرة وبينسوا انفسهم وبينسوا احبابهم ويلهثوا وتطلع روحهم من الجري بالاضافة الى الاجهاد النفسي والتوتر العصبي
وما بيبقوش عارفين انهم بيضيعوا حاضرهم الي فيه سعادتهم وان كل لحظة بتمر مش هترجع ثاني اوقف وشم وردة اسمع نغمة حلوة اطّلّع في عيون حبيب على الاقل لما الوقت يمضي والحاضر يصبح ماضي تكون عندك ذكرى حلوة تفتكرها ما حدش واخذ منها حاجة

[y4x]

عندك حق اخى الكريم الفلوس مش كل شئ فى الدنيا

فعلا لو الانسان جرى ورأء الفلوس مش هيبقى عنده زكريات

بس مش عيب ان الانسان يكون عنده حلم يحلم بية؟؟

ويتمنى تحقيقة

[4x1]

ما قلناش حاجة كويس ان الانسان يحلم او بالاصح يكون عنده هدف يسعى لتحقيقه بس ما يكونش على حساب سعادته ووقته مع اهله واحبابه وفي نفس الوقت الهدف يكون معقول ممكن تحقيقه فعلا مش مجرد حلم

[DaRkEMpRoR]

الفلوس عمرها ما كانت كل حاجة
المهم الأنسان يستمتع بحاته ووالله مش لازم فلوس علشان تستمتع
صحيح الفلوس بتريخ لكن ربنا مبيخليش حد حياته كلها فرح او حزن

[sally sayed]

اخي العزيز الفلوس نعمة من عند الله
وذلك بدليل قول الله سبحانة وتعالي (المال والبنون زينة الحياة الدنيا)
ولكن اشارك الراي لابد انها لا تكون اقصي امانينا

[emanrabia]

كلام جميل بجد بس الزمن اللى احنا فيه اللى مابيعرفش يجرى هيدوس عليه الناس وهما بيجروا والبقاء للأقوى والوقت بيعدى بسرعة مافيش وقت تقف تلتقط انفاسك وبعدين انا كنت بقول الفلوس مش كل حاجة طيب والديون اللى علينا مش بردوا مأثرة على كل حاجة ولا ايه