نظرة عامة حول عمل الكنافة

[tamermosa]

نظرة عامة حول عمل الكنافة
طريقه دي سهل جدا ومش محتاجه اي مجهود خصوصا لو جالك ضيوف فجأة
المكوّنات

1/2 ك كنافة
1/2 او كوب الا 1/4 سمنة
2 م ك سكر بودرة او شربات كنافة
كريم شانتيه

الخطوات

هنضرب ف الكبة الكنافه لحد مايكون ناعم

ونحطه ف بولة ونحط السمنه ونخلطهم جيدا وبعدين سكر البودرة ونخلطهم

قدامك طرقتين لاما هتحمصيها ف الفرن لحد مايبقى لونها دهبي او ف طاسه لحد ماتسمعي صوت القرمشه و لونها دهبي

ف بوله هنحط طبقة كنافه طبقه كريم شانتيه بعدين كنافه وبعدين نزينها بالشكل اللي نحبه وممكن نرش مكسرات مطحونه

[mohamedzakaria]

السلام عليكم ورحمة الله وبركاته الكنافة معشوقة الجميع ونضطر دائما لشرائها من محلات الحلويات لعدم معرفة الكثير بالطريقة الصحيحة لتحضيرها في المنزل
المقادير وطريقة التحضير
ربع كنافة مجمدة ربع كوب سمنة بلدى
نص كوب سودانى
نص كوب بندق
شربات تقيل
تفتيت الكنافة ثم وضع ملعقتين سمنة مع تقليب حشو البندق أوسودانى ثم يتم وضع معلقة شربات تقيل ثم يتم تحمير الكنافة ووضع معلقتين شربات تقيل بارد مع التقليب ووضع ورق فويل وفردها كمستطيل يتم وضع الحشو من السودانى أو البندق في النصف ثم لفها مع مراعاة تظبيط الرول بشكل جديد ثم يتم وضع رولات الكنافة لمدة من أربع لخمس ساعات في الثلاجة لكى تتماسك ثم تقطعيها
طريقة الشربات
كوب ونصف سكر لكل كوب ماء
1- ضيفى السكر للماء البارد وابتعدى عن الماء الفاتر أو الدافئ تمامًا حتى لا ينتج عنهما حبوب سكر تؤدى إلى تلف الحلوى
2- لابد من تقليب الماء والسكر قبل وضعهم على النار، واحضرى فرشاة مطبخ مبللة بالماء البارد، وامسحى الوعاء من فوق مستوى الشربات
3- وضع الوعاء على النار واضبطيه على نار هادئة
4- بعدما تحصلين على القوام المناسب للشربات قومى بعصر نصف ليمونة وملعقة صغيرة من الفانيليا كما يمكنك إضافة عود من القرفة
5- قومى بترك الوعاء يغلى لمدة 5 دقائق ثم قومى بنزعه من على النار
6- انتظرى حتى يبرد الشربات وضيفيه إلى أصناف الحلوى المختلفة ويجب مراعاة إضافة الشربات الساخن أو البارد وفقا لنوع الحلوى

[karsatayna]

لا شك ان الكنافه من اشهر الاكلات الموجودة وبالاخص في مصر ولكن تختلف الطريقه من مكان لمكان اخر لذلك دي افضل طريقه بالنسبه لي اولا
المكونات
نصف كيلو كنافه
كوب سمنه سايحه
معلقتين كبار سكر بودر
مكسرات علي حسب الرغبه
للشربات
٤كوب سكر
٣كوب ماء
عصير نصف ليمونه
الطريقه
اول حاجه هنعمل الشربات والشربات هنا كتير عشان نسقي الكنافه تاخد الكميه ال هتحتاجها ولو فاض حاجه مش هيخسر هنشيله لو عملنا بسبوسه هنستخدمه فعجنها
بنضع كل مكونات الشربات علي بعض واول لما يغلي نهدي عليه النار عشان ميطلعش عالاجناب ويسكر
ممكن ياخد حوالي تلت ساعه عالنار لما الاقيه متوسط السمك واطفئ عليه واتركه يبرد براحته وهيتقل تاني لما يبرد
دي اول خطوه مهمه جدا لنجاح الكنافه
تاني حاجه
هجيب الكنافه الرفيعه اوي الشعر ضروري تبقي رفيعه وهضعها فالفريزر تجمد واول ما هفركها هلاقيها اتكسرت بكل سهوله واتفرمت
او بمقص واقصها رفيع اوي هضع عليها حوالي كوب الاربع سمنه ومعلقتين السكر البودر وافركهم اوي مع الكنافه احاول ادخل السمنه كويس فالكنافه
بدهن صنيه كويس اوي واضع نصف كميه الكنافه مع الضغط عليها كويس
لو هضع مكسرات بضعها وببعدها عن الاطراف بحوالي ١سم وبرجع بضع باقي كميه الكنافه واكبس جدا واضع حوالي معلقتين تلاته من باقي السمنه عالوجه
بسخن الفرن علي درجه حراره متوسطه وادخل الصنيه
لما الاقي الكنافه اخدت لون دهبي فاتح بخرجها واقلبها علي صنيه وارجع ارجعها تاني تاخد لون ذهبي والحركه دي بتخلي الكنافه تضغط متطلعش بعد ما تتسقي وتفرول هتلاقيها زي الجاهزه بالظبط
بعد لما تاخد اللون الذهبي بطلعها بسقي الشربات وهو بارد والكنافه ساخنه ممكن تاخد كل الشربات اسقيها ولو نطرت شربات من عليها صفيه او اسقي لحد ما تكتفي