اولا واخيرا ابعد عن التوصيات ...وابتعد عن المؤشرات ....يكفي المقاومات والدعوم فقط لا غير ...(اللي اغلب البنوك بيشتغلوا بيها).....
ثانيا ابعد عن العملات السريعة ...
ثالثا السكالبنج هو اخطر انواع التجارة ..وغير مضمون تماما .......واي حد يقولك ان ممكن مبتدأ بقاله حتي 3 سنين في السوق بيشتغل سكالبنج ......يجيب كشف حساب لمدة سنة .......
الافضل يتجنبه المبتدئين تماما ...انت بتتوقع السوق هيعمل ايه خلال ساعات او حتي دقايق ....ودي حاجة شبه مستحيلة علشان نسبة نجاحها 50% ....
وما يميز السكالبنج هو الدخول بلوت عالي .....وبالتالي هيبقي صعب عليك تستني السوق فترة يصحح وبالتالي هتكون عرضه لاي تغيير سريع في السوق .....
رابعا ركز اكتر علي الاسواق المالية والاسهم .... انتظر لما السوق يهبط وبعدين اشتري ....حتي لو استنيت سنة او سنتين كاملين ...مش هتخسر علشان السوق لازم يرتفع ....
خامسا ....الاوامر المعلقة هي صديقك المفضل ..... لا تشتري ابداااا من قمة ولا تبيع ابدا من قاع ...مهما كانت المغريات او التوصيات.. ....لو هتفوت فرصة او اتنين لكن أنقذت نفسك من خسارات اكتر ....
دائما روح علي اليومي واختار القيعان واشتري منها واختار القمم وبيع منها ...وانتظر....شوف الصورة المرفقة ....من اليومي تروح لقمه وتعمل امر معلق ....السعر هيروح ليها وبعدين ينزل مليون في المية ....اما ينزل يصحح وبعدين يرتفع تاني ....او ينزل تماما ويغير الاتجاه ...... في الحالتين هتكسب ...متنتظرش كتير ممكن اسبوع او شهر ....انتظر لحد الدعم اللي تحت النقطة وبعدين اغلق الصفقة ....
حتي اسوأ الظروف لو ارتفع عن القمة اللي انت محددها وكسرها 90% هينزل يزور المنطقة دي تاني للتصحيح ....وساعتها ممكن تقرر تقفلها او تحرك الوقف علي نقطة الدخول ......في كل الحالات انت مش هتخسر ....
سادسا....تحديد المقاومات والدعوم والقمم والقيعان ....ممكن مؤشرات تقولك عليها ....او بسهولة ممكن تشوفها من اليومي او الاسبوعي .....
سابعا واهم شئ ......انتظر ثم انتظر ...اعمل اوامر معلقة وانتظر السعر يروح ليها ...لو تنتظر اسابيع او حتي شهور ...افضل من ان تدخل صفقة فيها احتمالية الخسارة ....
................
احتمالية الخسارة بالطريقة دي تقريبا تكاد تكون اقل من 10% .والمكسب فوق ال 90% .......بقالي اكتر من سنة بطبقها والحمد لله ...مفيش اي خسارة تكاد تذكر حصلت ......
بردوا مفيش اي مكاسب بعشرات الاف ولا مئات الاف ......لكن المكسب مضمون ..وتقدر تقول من 5 الي 15% في الشهر او في ال3 شهور علي حسب السوق ...