لو صعب فعلا التداول في مجال الفوركس مكنش حد قدر يحقق نجاحات ابدا فيه .. لكن خلينا واقعيين اكتر و نقول ان للاسف نسبة الناجحين في مجال الفوركس متتعداش ١٠٪ ..طيب لما هوا مش صعب لي مفيش ناس كتير قدرت تحقق فيه نجاحات ؟
اغلب المتداولين المبتدئين بيكونوا معتقدين ان فكرة التداول في مجال الفوركس سهل جدا لدرجة ان مش هيحتاج منهم بذل مجهود و هيحققوا نجاحات واسعة و اموال مجزية جدا و الاعتقاد ده سبب في فشل الكتير و تراجعه و تخليه عن فكرة التداول في مجال الفوركس .
معني كده ان فيه شوية steps محتاج التزم بيها لانها هتساعدني في البداية جدا ( و غالبا اصعب حاجة في مشوار التداول بتكون البداية) :
- لازم يكون عندك صبر و طول بال و اصرار على الوصول
بمعني لو خسرت احاول تاني ، خسرت تاني ، اتعلم اي سبب الخسارة الاولى و التانية و اتجنبها في التالتة ، خسرت تالت ، اتعلم تاني اي سبب الخسارة وهكذا لغاية لما تتكون عندك حصيلة من الاخطاء اللي لازم تتجنبها- لازم ابدأ اتابع اصحاب الخبرات في مجال التداول على الفوركس لتحقيق الربح و اليوتيوب مليان فيديوهات كتير اعتقد هتفيدك
- ابدأ اتعلم استراتيجيات جديدة و ازاي اعمل استراتيجية قوية انافس بيها في السوق
- اعمل تحليلات فنية و مالية جيدة
- ادرس كل مناقصة من جميع الاتجاهات و النواحي
و أخيرا لازم تثبت فكرة معينة في دماغك و هي ان مفيش خسارة دائمة و لا نجاح دائم ، يعني لو خسرت مرة مش لازم تخسر في اللي بعدها ، و لو نجحت مرة مينفعش تاخدك الجلالة و الغرور انك كده هتكسب علطول ، لازم معنوياتك تكون في النص مع الاجتهاد المستمر انشاءالله هتحقق نجاحات كتير .