الله المستعان
أعضاء المنتدى الافاضل اردت فقط ان اشارككم احد الردود الخاصة بى على احد استفسارات الاعضاء حول خفض البونص الخاص به بصفة مستمرة
ارجوا من الله ان يكون فيها الافادة
هقولك ليه البونص بتاعك بينخفض
حضرتك بتدخل ترد فى موضوع اساسا هو موضوع مخالف للقواعد ومعرض للحذف يعنى مثلا واحد فاتح موضوع بيسأل عن شئ خاص بالبونص وطبعا هناك قسم مختص للأستفسارات من هذه النوعية "هذه المواضيع كثرت عن اللازم واغلب الاعضاء لا يلتزم باختيار القسم المناسب وطبعا احنا تعبنا جداااا من النقل عشان احنا بشر ذيكم ده بعد اذنكم" وطالما فى ايقونه للتبليغ عن الموضوع ولم يلتفت لها احد بندخل علطول نحذف الموضوع كله لان صاحب الموضوع مخالف للقواعد, اذاى بقى حضرتك هحذف المشاركة الاولى الخاصة بصاحب الموضوع واترك الردود؟
يعنى حضرتك مثلا ابسط مثال فاتح موضوع الأن بتسأل الادارة عن شئ فى قسم ليس له علاقة بسؤالك
وطالما لا تتبع القواعد يبقى مصير موضوعك هذا هو الحذف ولكنى سأكتفى هذه المرة بالغلق لكى تشاهد ردى
النقطة الاخيرة
وطبعا الكل هيفهم احنا ليه بنحذف المواضيع ولا نقوم بنقلها للاقسام المناسبه كما كنا نفعل من قبل...الاجابة بمنتهى البساطة لكثرة هذه النوعية من المواضيع عن الحد...يعنى لازم نبقى منظمين ومش كل شئ على الادارة...مفيش ادارة هتعمل عكسنا الا اذا كانت ادارة من كوكب تانى او شئ من هذا القبيل...انا بنفسى حاذف النهاردة الصبح اكتر من 20 موضوع ملوش علاقة بالقسم ده ان كان من استفسار او احتجاج...الخ واكيد طبعا والكلام ده للناس اللى بتفهم مش هينفع انقل المواضيع كل موضوع على القسم المناسب يبقى عايزين 24 ساعة شغل فى نقل المواضيع بس
اذا رأى احد الاعضاء عنوان موضوع ليس له علاقة بالقسم ويرى ان هذا الموضوع يجب ان يكون فى قسم اخر فانصح جميع الاعضاء بعدم الرد على صاحب هذا الموضوع....اكيد طبعا فى الف موضوع تانى نرد فيه
مثال وياريت نتعلم النظام عشان انا مش هسمح لجنس عضو انه يسوء من شكل المنتدى ونظامه امام اى زائر جديد...ومثل اى عضو بينظر لمصلحته الشخصية فان الادارة هى الاخرى تنظر الى مصلحتها الشخصية المتمثلة فى شكل المنتدى ومستقبله امام اى زائر ومن يقول عكس هذا فلن يتحمل ردى.
موضوع يتحدث فى قسم الفوركس عنوانه سؤال عن استراتيجية....هذا الموضوع يتم حذفه لان مكانه المناسب هو قسم الاستراتيجيات
موضوع يتحدث فى قسم الفوركس عنوانه سؤال عن البونص....هذا الموضوع يتم حذفه لان مكانه هو قسم الدعم الفنى
موضوع للأستفسار عن الميتاتريدر.....يتم حذفه هو الاخر لان مكانه هو قسم الميتاتريدر...الخ نهايكم عن المواضيع الغبية التى يتم فتحها للتحايل على قواعد البونص مثل موضوع عبارة عن نصف سطر وهو سؤال عن مارأيك فى الفوركس؟ او ايه رأيك فى التداول وانت صائم؟ او نفسك فى ايه من الفوركس؟ او دخلت ليه مجال الفوركس؟ اسئلة قمة فى التفاهة والغباوة للتحايل اكتر من كونها للأفادة ...هههههه اكيد طبعا لو صايم هكون تعبان وهلكان ومش فرحان او مبسوط بالتداول وانا صايم واكيد مش واخد راحتى
والمواضيع دى مواضيع عديمة الفائدة وتجعل الجميع يدخل ليكتب قصة حياته وهى فى الاساس لن تثرى المنتدى وتجعله مميز كما كنا نريد فى البداية
ياريت نقيس على هذه الامثلة البسيطة
ومتنسوش كل هذه الاجراءات هى اجراءات مؤقته...انا مكنتش عايز اقولها الفترة الماضية بس انتم بتجبروا الادارة انها تقولها
ياريت نتعلم النظام شوية "انا بصراحة مش مسامح نفسى انى قولتها بس مضطر للأسف" وبلاش تجبروا الادارة على اتخاذ اجراءات قاسية مثل هذه تجاهكم وشكرا