اولا انا حابب اوجه كلامى للناس الى حابه انها تتطور من نفسها مش مجرد انها بتجرب ولمجرد نجاح صفقه لايف اثناء شرحها فى استراتيجيه بتاخد الاستراتيجيه وتشتغل بيها وبمنتهى الثقه نجاح صفقه واحده لايعنى نجاح الاستراتيجيه ولابد من تجربتها على الاقل 10 الى 20 مره وتكون نسبة النجاح مش اقل من 65% ثانيا الاعتماد على اشارات من مؤشرات زى تقاطعات الموفنج افريج والبولنجر باند والاستوكاستك من الممكن تكون خاطئه تماما لو وضع المؤشر فى غير مكانه فأذا اعتمدت على اشاره من مؤشر فى غير وقته النتيجه هاتكون عكسيه للسبب دا محتاج تكون على درايه على الاقل بمبادىء التحليل الفنى وتحديد الاتجاه العام للازواج الى بتشتغل عليها فمثلا ان كان الاطار الزمنى الاكبر من الاطار الزمنى الى بتشتغل عليه فى حالة صعود والاستراتيجيه الى بتستخدمها كانت الاشاره فيها للبيع نسبة النجاح هاتقل جدا وصحيح ان البعض بيشتغل عكس الاتجاه من المحترفين لكن بعدد نقاط محدود ومدروس وغالبا بيكون اسكالبنج رغم انه بيفضل ان حتى الاسكالبنج يكون مع الاتجاه العام طيب هاتعمل ايه لو الاشاره خاطئه وانت مش عارف دعوم ومقاومات وترند وامتى توقف خسارتك مش هاتعرف وهاتتعرض لنزيف كبير من الخسائر المنتدى غرضه ان الناس تتعلم فلازم تستفيد وتجرب على ديمو وتحافظ على البونص وتشتغل بيه صح
هاتستفيد من الاستراتيجيه امتى لما تكون عارف تحليل فنى وتلاقى ان اشارة الاستراتيجيه متوافقه مع تحليلك وعند مناطق صحيحه تقدر تدخل منها مطمئن بالاضافه انك هاتكون عارف امتى تخرج لو حصل اى شىء مفاجىء خصوصا ان اغلب الاستراتيجيات مش بيكون فيها تحديد دقيق للاهداف او وقف الخساره حبيت انى اوضح المعلومات دى لانها هامه جدا وفى ملحوظه انك تقدر بعد فتره تعمل استراتيجيه بنفسك بعد ماتتعلم بناء على معاييرك الى فهمتها من السوق الامر مش صعب محتاج بس تفهم المبادىء مع شوية خبره حبيت افيدكم بالمعلومات دى وبالتوفيق لجميع الاعضاء