Thread: 
نتكلم بقه عن الأخبار .. ايه هي وماهو تأثيرها على العملة اللي الخبر يخص اقتصاد دولتها الدولة
مثال بسيط للتوضيح .. لو زير المالية او محافظ أحد البنوك لدولة ما ولنقل امريكا قال ان احنا هنرفع سفر الفايدة للدولار هنخليه مثلا أنا بقول مثلا بدل مايكون 10% هتبقى 20% سنويا تفتكرو ايه هيحصل .. ببساطة شديدة كل الناس اللي مابيعرفوش يشغلو فلوسهم ويربحو اكتر من النسبة دي هيروح يشتري دولارات عشان يحطها في البنوك الأمريكية عشان يحصل على هذه الفايدة وده معناه ان الناس هتقبل على شراء الدولار بكثرة
ومعرف ان اي سلعة في الدنيا يزيد عليها الاقبال يرتفع ثمنها فتجد الدولار بعد ماكان بـ 7.15 جنيه مصري ممكن يوصل الى 7.25 جنيه مثلا .. وبرده قيمنه تزيد امام كل العملات او بمعن آخر كل العملات الاخرى تقل أمامه
يعني مثلا في زوج اليورو دولار .. اذا الدولار ارتفع اليورو يقل ، ونفس الأمر بالنسبة للجنيه الاسترليني .. الخ عشان ما طولش عليكم وتجد الشارت في اليورو دولار عندما ترتفع قيمة الدولار المؤشر بيهبط يعني بيطلب منك تبيع اليورو وتشتري الدولار .. مفهومة دي ..وقس على ذلك كل لأزوج مع الدور اللي العملة الأخرى هي عملة الأساس .. اما في الأزواج اللي فيها الدولار هو عملة الأساس زي الدولار الأمريكي الدولار الكندي تجد مؤشر السعر يصعد الى السماء .. مفهومة دي ؟؟ ارجو ذلك .. على كل حال اللي مايفهمش يعيد قراءة الموضوع بتمعن وهو هيفهم ..
فيه اخبار بقه لما بتكون النتيجة فيها مرتفعة بيكون لها اثر سئ على العملة زي ايه زي خبر مطالبات البطالة كلما زادت اثر ذلك سلبيا على العملة فتنخفض قيمتها وترتفع في المقابل قيمة العملات الأخرى .. كل ده انا بحط مقدمة لموضوعي عشان نكون مع بعض على الخط .. خليكم معنا وماتملوش الموضوع مهم ..
Subscribe
الصديق كالمصعـد اما يأخذك إلى الأعلى 
أو يسحبك إلى الأسفل، فاحذر أي مصعد تأخذ. 
