الموضوع: 
اشتركالسلام عليكم
اهلا بكم جميعا واتمنى تكونوا فى احسن حال
كنت عايز بس يا شباب انبه لنقطة كده عشان اتكررت كتييير اوى
والله يا جماعة ان ولا مشرفين المنتدى ولا الادمن ليهم اى دخل فى موضوع تأخر البونص ده
وانا مندوب من الشركة وعارف بقول ايه , المسئول الاول والاخير هو القسم المالى للشركة فقط
وزى ما الاخ سمارت شرح ان الدفع هايتم من يوم 1 الى يوم 7 فى الشهر وفعلا كلامه صح
طب صادفت بقى ان يوم 7 و 8 كمان اجازه الشركة ، هل ده معناه ان احنا نتهمهم بعدم المصداقية فى الوعد والكلام ده زى ما حصل فى اخر توبيك
اسمحولى يا رجاله عيب كده اوووى الناس دى بتتعب اوى اوى معانا ، انت بتروح ترمى البوست بتاعك وتسيبه وتمشى والناس دى مطالبه انها تراجع كل حاجه وراك
شوف بقى عندنا كام عضو ، وكام بوست يوميا بيتراجع ، وزى ما احنا شايفين هما اتنين بس اللى بيقوموا بالليله كلها ربنا يكرمهم على تعبهم
فعيب اوى يعنى نحملهم اكتر من طاقتهم عيب , وكل شويه نسأل فى نفس الموضوع وهما يجابوا نفس الاجابة , الموضوع زاد عن حده بصراحه وربنا يقويهم
ومش شرط برده ان البونص يجى بعد يوم 8 ممكن اوى يجى النهارده ، بتحصل معانا كتير اوى الصدفه دى لما بنستلم المرتبات , وبتصادف كتير يوم اجازه
اوقات القسم المالى بيحول يوم الاجازه عادى واحيانا بعد نهاية الاجازه الاسبوعيه مباشره , يعنى الاحد بليل او الاتنين الصبح بالكتير
فعايزين بقى الصبر شويه الله يخليكوا , ومش هاتفرق والله خالص يعنى من يوم زياده وكده كده النهارده وبكره اجازه ، يعنى لو جه النهارده هانعمل بيه ايه ؟
والبونص لما يجى وتكسبوا ان شاء الله هاتنسوا كل اللى حصل ده وتعرفوا ان معاكوا مشرفين كفء
:)
شكرا
السلام عليكم
