السلام عليكم و رحمه الله و بركاته
انا عارف انه عنوان غريب شويه
و ممكن يكون كلامي اغرب ليكم من وجهه نظري اغرب
بس انا هبدأ بالسؤال ده الي محيرني و بحاول افهم معناه قوووي
لماذا دائما تبحث شركات الماركت ميكر عن العملاء الجدد المبتدئيين ؟
انا من وجهه نظري انه دي بيكون عشان خاطر انهم يخسرو فلوسهم و تستفيد بيها الشركه
لان الشركه لو همها الوحيد المكسب من خلال الاسبريد فقط لا غير
كان يبقي كل همها انها تبحث عن متداوليين محترفيين يحققو ارباح و نتائج خياليه
لكن المحترفين دول بيفتحو صفقه او صفقتين في الاسبوع او ممكن في الشهر كله
لانه بيكون عارف هيكسب منهم اذاي و قد ايه و بيكسب مبالغ محترمه
لكن الشركه مش بتاخد بس غير الاسبريد بتاع الصفقه او الصفقتين دول في الاسبوع او برده طول الشهر
لكن بالنسبه للمتاجر المبتدئ في الشركه
هو ده بقي الفرخه الي بتبيض دهب كل شويه
لانه كل شويه صفقه صفقتين ثلاثه ربما اربعه ان لم تكن خمسه لعلها سته
كسبان بقي و لا خسران مش مهم
المهم انه يفتح الصفقه
و طبعا كل لما بيخسر بيروح يحط فلوس تاني و يشتغل تاني و يقعد يعد في صفقات من غير وعي
فأرجو من الاخوه المبتدئيين ان يدرسو جيدا كيف يتاجرون علي الفريمات الكبيره و لا يأخذو في الاسبوع أكتر من صفقتين
و لو ملقاش فرصه كويسه يقدر يقتنس منها مكسب و ربح محترم يبقي ميدخلشي السوق افضل
انا عن نفسي ناوي اعمل ده المتاجره علي الفريمات زات الاطار الزمني الكبير
ابتداء من اليومي و الاسبوعي و الشهر
حتي اتمكن من انتهاز فرصه جيده لدخول صفقه
و ان شاء الله هحاول اعمل موضوع هشرح فيه ده بالتفصيل
حتي يتعلم المبتدئيين امثالي من اخطائي السابقه
انا لا ادعي اني متمكن و فاهم لكن انا غلط كتير و اتعلمت كتير
و فعلا اكبر خطأ للمبتدئ انه يشتغل علي الفريمات الصغيره
لانه بيفكر في كله شمعه انها فرصه عمره
و بينسي انه لازم و لابد يعرف انه حوت كبير في البحر بيستني لما السمك الصغير يتلم في حته وحده
عشان يفتح فمه مره واحده و يخدهم كلهم
اصله مش هيجري وراهم سمكه سمكه
اخي المبتدئ خليك ورا الحوت واوعي تقف قدامه
و طبعا كلنا عارفين ان الحوت ده هو شركات الماركت ماكر
تقبلو مروري و بالتوفيق للجميع ان شاء الله
أخوكم في الله
mido elmasry