المليون

[ماهر]

احببت ان انقل لكم خطة إدارة راس المال التي طرحها أخي الكريم 10pips في منتدي مجاور لتعم الفائدة وهي

الوصول إلى المليون دولار من 100 دولار بربح 17 صفقة فقط ولا يشترط ان تكون الصفقات الرابحة متتالية


نفرض اننا عندنا حساب ب 100 دولار وهنخاطر ب 5% يعنى هنخش بمخاطرة 5 دولار والصفقات هدفها ضعف الأستوب

بربح اول صفقة سيصبح الرصيد 110 دولار لاننا دخلنا فى صفقة ريورد ريسك 1:2 وبمخاطرة 5 دولار ففى حالة الخسارة هيكون الرصيد 95 دولا وفى حالة المكسب هيكون الرصيد 110 دولار

الصفقة الثانيه هنخاطر بالأرباح فقط يعنى كسبنا 10 دولار فى اول صفقة يبقى هنخاطر ب 10 دولار اللى كسبناهم وبالتالى نتيجة الصفقة التانية فى حالة الربح هيكون الرصيد 130 او فى حالة الخسارة هيكون 100 دولار طبعا بنفس نظام الريورد ريسك 1:2 يعنى الهدف ضعف الأستوب فلو كسبنا هنكسب 20 دولار نضيفهم على الرصيد السابق 110 ليصبح 130 ولو خسرنا يبقى هنخسر ال 10 دولا اللى دخلنا بيهم المخاطرة في الصفقة التانية.

الصفقة التالته هتكون بمخاطرة الربح المحقق فى الصفقة السابقة اللى هو 20 دولار وبالتالى لو كسبت هيكون الرصيد 40+130=170 ولو خسرت الرصيد هيكون 130-20=110

الصفقة الرابعة بمخاطرة الربح المحقق من الصفقة التالته يعنى هنخاطر ب 40 دولا يبقى فى حالة الربح هنكسب 80 زياده على الرصيد وفى حالة الخسارة هنخسر ال 40 اللى كسبناهم فى الصفقة التالته

وهكذا نرسم الطريق إلى المليون كالتالي

1- 110
2- 130
3- 170
4- 250
5- 410
6- 730
7- 1370
8- 2650
9- 5210
10- 10330
11- 20570
12- 41050
13- 82010
14- 163930
15- 327770
16- 655450
17- 1310810


يبقى الشروط كالتالى
1- صفقاتك كلها الريورد ريسك 1:2 الهدف ضعف الأستوب
2- 17 صفقة ناجحة بمخاطرة فى الصفقة الأولي 5% من رصيد 100 دولار وكل المخاطرات اللى بعد كده هتكون بالربح المحقق فى الصفقة السابقة.
3- لا يشترط ان تكون الصفقات الناجحة متتالية اى يمكن وجود صفقات خاسرة تتخلل الطريق كان تقوم بعمل 30 صفقة مثلا والنتيجة النهائية تكون بهم 24 صفقة رابحة و6 صفقة خاسرة وستصل ايضا إلى المليون.


ممكن تغير نسبة المخاطرة فى الصفقة الأولى بدلا من 5% بزيادة المخاطرة او تقليلها كما تحب وبالتالى سيزيد او يقل عدد الصفقات للوصول للمليون وكذلك ممكن ان تزيد الرصيد لكن اهم شئ ان تكون كل صفقاتك هدفها ضعف الأستوب وان تخاطر بالربح المحقق من الصفقة السابقة.

ممكن تضيف 3 صفقات زياده مثلا فبدلا من 17 صفقة يصبحوا 20 صفقة رابحة وذلك لكى تعطى مساحة للرافعة المالية (يفضل ان لا تقل الرافعة عن 1:400) ولكى تقوم بعمل سحب جزء من الأرباح مره او مرتين خلال الطريق.

مميزات هذه الطريقة انها تبعدك عن شبح المارجن كول فالمخاطرة الابتدائية ستكون صغيرة جدا ومن ثم سنخاطر بالارباح للوصول الى مبالغ اكبر .. والجميل ان المخاطرة فقط في الصفقة الاولى ومن بعدها راس المال سيكون بامان لاننا سنخاطر فقط بالارباح.

بالنهاية نظريا الأمر سهل ولكن عمليا هى فى غاية الصعوبة فالألتزام باقوي نقاط الدخول وكذلك بوجود استراتيجية قوية هدفها ضعف الأستوب وناجحة وايضا الألتزام من جانب المتداول بالخطه الموضوعه وكذلك المرونة مع التغيرات وهنا تكمن الصعوبة العملية ولكنها ليست مستحيلة

تحياتي للجميع

[egmagician]

الكلام سهل جدا ولو فعلا الطريقة سهلة كانت كل الناس عملتها

لكن الفكرة فى انك ازاى تحدد امتى هاتدخل الصفقة وامتى هاتخرج منها لانه لازم تحدد اقوى نقطة دخول واقوى نقطة خرج كما اشرت انت فى الموضوع

عموما هيا فعلا مش مستحيلة انها تحصل بس صعبه جدا

[ibrahiem2012]

اكيد الطريقه صعبه جدا وممكن الحساب يتمرجن فياي وقت
ان لا اطمح للوصول للمليون انا اطمح في ارباح مستمره

[zisimo]

لو كانت القصة بهذه السهولة لربح الجميع لاكن الخاسرون اكثر من الرابحين في عالم الفوريكس و هذا يوضح مدى صعوبة هذا السوق الغير مستقر
لا اعتقد انه ممكن تربح من هذه الخطة ملايين الدولارات لاكن ممكن تكون طريقة مربحة لمبالغ محترمة لان الخسارة لن تدعك تتخطى السقف المحدد لك

[forex-2013]

السلام عليكم ورحمة الله وبركاته
لا أعتقد أنه بالإمكان تحقيق هذه النتائج في المتاجرة الفعلية لكنه ليس مستحيلً خصوصاً على المتاجرين المتمرسين و الضليعين بخبايا هذه التجارة
أما بالنسبة لنا كمبتدئين فأي مكاسب نحققها في بداية طريقنا ستكون أول خطوة للإندماج في سوق الفوركس،ودمتم بخير.

[khaledadll]

شكرا لك اخى على هذا الشرح جزاك الله
خيرا بارك الله فيك

[Heba Elhawal]

اكيد الموضوع صعب و مفيش حاجة بالساهل
بس شكرا على الموضوع الرائع دا

[rachidou]

نصيحة اخوية للمبتدئين:
البدء سيكون كله خسارة حتى تظن انه منصوب عليك
لكن مع الارادة القوية و التاني تاتي نتائج مرضية جدا
اما الخطط فهي اشبه بالقمار تصيب او لا تصيب
اما دراسة السوق فهي افضل مكسب للربح

[by soufian]

يالله لوكان الامر كما تضن لربح الجميع من بالمنتدى
تحياتييي

[tazi larbi]

السلام عليمك والله انها خطة نظريا رائعة لكن في علم التطبيق تتدخل عدة عوامل في متى تفتح ومتى تغلق وهل ستتكتفي بالربح ام انك ستطمع في المزيد وهل ستكون كل اوجزء من صفقاتك ناجحة لكن هي فكرة مطروحة لتجربة والميزة فيها انك ستدخل بالربح لا راس المال والله تشكر عليها نتمنى لك رحلة موفقة نحو المليون والله الموفق