الفوركس .. وإيقاف الخسائر (stop loss ) .. أساليب وطرق مختلفة

[MAGDY]

بعض مضاربى الفوركس ، يفضلون استخدام أمر وقف الخسارة
والبعض الآخر ، لا يتعامل معه .. وأنا من الصنف الثانى ، فهو عدوى اللدود
ومع ذلك .. فلهذا الأمر ( إيقاف الخسارة ) عدة طرق ، لتحديد مكانه ونقطة تفعيل عمله
فهناك من يحدده بناءً على مناطق الدعم والمقاومة .....
وهناك من يحدده بناءً على الإستراتيجية المستخدمة .....
وهناك آخرون ، يحددونه بحسب نقاط الربح المطلوبة من كل صفقة على حدة .....
وهذى الأخيرة – غالباً – مايكون فيها خلاف واختلاف فى وجهات نظر المضاربين الأفاضل

والأنسب لها ، كما فى المثال التالى :
دخول صفقة شراء على زوج الـ يورو / دولار
عند سعر ( 1.3350 ) بهدف ربح عشرة نقاط من الصفقة
فتكون نقطة ( إيقاف الخسارة ) أسفل سعر الدخول بـ ( 25 : 30 ) نقطة .. كحد أقصى
يعنى : مابين الـ ( 1.3320 و 1.3325 )
لنعطى حرية ومجال للصفقة فى حالة الإنعكاس .. أو .. مسافة مناسبة ، تحسباً للذيول الخبيثة للشموع
وباللغة الدارجة لمضاربى الفوركس ( بلاش تخنق الصفقة ، وخلى نقطة حد الخسارة بعيد عن نقطة الدخول )
أو بمعنى آخــر : لا تكن أنت بنفسـك ، المتسبب فى خسـارة الصفقة ، بسـبب قُـرب نقطة الوقف مـن نقطة الدخـول

وقبل أن يعترض أى محترم ، على هذا الموضوع .. أذكره وأقول له :
كل شيخ وله طريقة .. وعليك اختيار ما يناسبك ، دون الإعتراض على طريقة عمل غيرك
فقد يكون غيرك على حق وعلى صواب .. بل وقد تكون خبرة غيرك تفوق خبرتك بسنوات وسنوات

للمتابعة : شرفونا بزيارة الـ
الصــ الشـخصـية ــفحـة
للإطلاع على باقى أجزاء الموضوع .. وموضوعات أخرى هامة

مع أصدق أمنياتى لكم بالأرباح .. و
تحيااااااااااااتى

[kimo.designer]

نصيحة في وقتها الله ينور عليك فعلا انا اعني من هذه المشكلة
و تسبب لي الكثير من الخساءر ...حتي ولو كان هناك 80% انه لن يسطدم في وقف الخسارة
ولاكن سرعان ما يخيب امالي

[egmagician]

كلامك صح واعتقد انه كلنا لازم نعمل كده

ممكن الشارت ينزل ثوانى ويطلع علطول وساعتها الصفقة ممكن تتقفل على خسارة وانت كان المفروض تكسب

[ibtissam55]

صدقت أستاذنا الفاضل

كل وطريقته في التعامل مع الاستوب لوز

وهناك من يستعمل المتحرك ..

فكلما ارتفع السعر أكثر ارتفع الاستوب معه خاصة في الصفقات الطويلة المدى

فيضعونه مثلا بعيدا بخمسين نقطة واذا ما عكس السعر أو رد في غياب صاحبه

تدخل الاستوب للحد من الخسارة ..


وأتفق معك في أنه سلاح ذو حدين

وقد يتسبب في خسارة الكثير من الصفقات التي يفترض بها أنها ناجحة ..


لذا يتوجب على المتداول أن يجيد استخدامه أو ألا يستخدمه ..

ولأصحاب الصفقات القصيرة المدى على فريم الربع ساعة أو الخمس دقائق
فالأفضل لهم عدم استخدامه ومراقبة صفقاتهم بأنفسهم ..

[Mambo]

السلام عليكم ورحمة الله وبركاته
شكرا على الموضوع الدميل و ان شاء الله في انتظار كل جديد
ربنا يوفق الجميع ان شاء الله

[محمد فتحي]

السلام عليكم و رحمة الله و بركاته
عموما ايقاف الخسارة من أهم الأشياء التي يجب الالتزام بها في سوق الفوركس
أتمني لك التوفيق الدائم

[insta client]

يا جماعه ان سمعت جملتين حلويين اوى اوى قبل كده forex is just entry and stop loss وبجد فعلا المقوله دى بقى انا اللى مالفها والله العظيم

[pep10]

السلام عليكم ورحمة الله وبركاته
من أهم الأشياء التي يجب الالتزام بها في سوق الفوركس هي ايقاف الخسارة
أتمنا التوفيق الدائم لنا جميعا إن شاء الله

[mostafaabdelgawad]

السلام عليكم اخي مجدي والف شكر على موضوعك وتوضيح وجهة نظرك ويشرفني اني ارد على حد فعلا انا حاسس انه فاهم وعنده خبرة كافية زي حضرتك
انا هقولك اللي انا شايفه وزي منتا قولت ان كل شيخ وله طريقة
انا الاول مكنتش بستخدم ستوب تماما وزيك كنت شايف ان الستوب بيضيع فرص كتير لان كتيييييير جدا السعر بيضرب الستوب ويروح للهدف بس في نفس الوقت اوقات السعر بيكسر الدعم او المقاومة ويكمل حتى من غير ما يعيد اختبار للكسر وبتكون داخل من مكان رااائع و اكيد انت عارف ان مفيش فرصة مؤكده 100% ، الحاجة الوحيدة اللي تخلي الواحد ميستخدمش ستوب لوز انه يدخل على الاقل 1:5000 مثلا عشان يدي الحساب حرية كبيرة ( مع ان مثلا في 2008 لو انت دخلت شراء من الاول في اي فرصة واكيد توافرت فرص شراء وقتها كان محتاج اعتقد ادارة راس مال 1:10000 مثلا عشان ميتصفرش) ويكون في نفس الوقت معاه حساب كبير عشان يرضى بالربح اللي يطلع بيه في الصفقة ، وفي الاول والاخر الموضوع آراء .
فعلا انا مبسوط جدا ان في حد في المنتدى هنا بينصح وبيحاول يفيد الناس فعلا مش بس عايز يكسب بونص.
بالتوفيق استاذ مجدي وعذرا اني طولت عليك وعلى الاعضاء الكرام :)

[MAGDY]

السلام عليكم اخي مجدي والف شكر على موضوعك وتوضيح وجهة نظرك ويشرفني اني ارد على حد فعلا انا حاسس انه فاهم وعنده خبرة كافية زي حضرتك
انا هقولك اللي انا شايفه وزي منتا قولت ان كل شيخ وله طريقة
انا الاول مكنتش بستخدم ستوب تماما وزيك كنت شايف ان الستوب بيضيع فرص كتير لان كتيييييير جدا السعر بيضرب الستوب ويروح للهدف بس في نفس الوقت اوقات السعر بيكسر الدعم او المقاومة ويكمل حتى من غير ما يعيد اختبار للكسر وبتكون داخل من مكان رااائع و اكيد انت عارف ان مفيش فرصة مؤكده 100% ، الحاجة الوحيدة اللي تخلي الواحد ميستخدمش ستوب لوز انه يدخل على الاقل 1:5000 مثلا عشان يدي الحساب حرية كبيرة ( مع ان مثلا في 2008 لو انت دخلت شراء من الاول في اي فرصة واكيد توافرت فرص شراء وقتها كان محتاج اعتقد ادارة راس مال 1:10000 مثلا عشان ميتصفرش) ويكون في نفس الوقت معاه حساب كبير عشان يرضى بالربح اللي يطلع بيه في الصفقة ، وفي الاول والاخر الموضوع آراء .
فعلا انا مبسوط جدا ان في حد في المنتدى هنا بينصح وبيحاول يفيد الناس فعلا مش بس عايز يكسب بونص.
بالتوفيق استاذ مجدي وعذرا اني طولت عليك وعلى الاعضاء الكرام :)

أستاذنا الفاضل الكريم المهذب /
mostafaabdelgawad
مصطفى بك عبد الجواد
لا تعتذر عن أى إطالة .. فكلماتك جميلة وشيقة ورائعة ، ونفتقدها ونفتقد الأسلوب الراقى فى الحوار
بل ونفتقد الكلمات التى تخلو من الأخطاء الإملائية التى تدل على ( الخبرة الفذة ) فى القراءة والكتابة
كلامك ورأيك صح وعلى العين والرأس ويُحترم تمام الإحترام
أنا لا أتعامل مع الخبيث الملعون ، لسبب بسيط ، تواجدى متواصل أمام الشاشات ( خمسة أيام عمل السوق )
وحتى لو ابتعدت عن الشاشات ، فجميع صفقاتى ، مسموح لها بالإنعكاس لأكثر من 300 نقطة
يعنى أحجام صغيرة ولوتات متواضعة .. لكنها كثيرة ، وقد تصل الصفقات على الحساب الواحد إلى عشرة صفقات وأكثر
ومن الممكن أن تظل مفتوحة لمدة تزيد عن العشرة شهور .. مافيش أى مشاكل ولا قلق
علشان كده قلت : كل شيخ وله طريقة
ولا أتعامل بأى استراتيجية ، سوى إستراتيجية عقيمة .. لمجرد المساعدة وتأكيد تحليلى
ومضارباتى مركزة أكثر وأكثر على متابعة الأخبار .. بالدقيقة والثانية .. بالإضافة إلى ارتباط الأزواج ببعضها
وطبعاً الكلام كتير .. ومش عايز أصدعك معايا .. ولن ولن أعتذر عن الإطالة
ولك منى : كل الود والإحترام والتقدير والشكر والإمتنان .. و
اللازمة بتاعتى :
تح .. تح .. تحيااااااااااااتى
على فكرة : أحلى وأجمل أيام عمرى ، عشتها فى ميدان الجيزة وفى نصر الدين ونزلة السمان
مليون سلام وتحية للجيزة والمنيل وكوبرى عباس .. وأهل الجيزة أجمل وأحلى وأكرم ناس .. وأنا وأنت