انــــــا رئـــــــــيس نـــــــفسى - ادخل بقى واتفرج على نفسك

[Desperate]

السلام عليكم ورحمة الله وبركاته

فى الفوركس,
بتبقى رئيس نفسك بس
هل ده شئ حلو ؟

هو سلاح ذو حدين
لما تبقى رئيس نفسك مش هتضطر تنزل فى زحمة المواصلات بدرى عشان متتاخرش ورئيسك فى الشغل
يطلع عينك لما توصل متاخر :)

ومش هتلاقى حد يقولك انت بتعمل ايه هنا روح شوف شغلك يا بيه :)
ولا هتلاقى حد يقولك انت فاشل يا فاشل يا فاشل يا فاشل يا فاشل يا فاشل

يبقى هتبقى لوحدك تتحكم فى نفسك وتعمل اللى انت عايزو ناهيك عن انك تقدر تدى نفسك بالشبشب لو عملت حاجة غلط وبكده مش هتلاقى حد يقولك انت مخصوم منك 4 دقايق

طيب المصيبه ايه بقى


الكسل يا حبيبى الكسل
تيجى تقوم من النوم ياه انا تعبان اوى وكده كده هى صفقة اللى هفتحها انهاردة وهتاكلنى عيش لغاية اخر الاسبوع
وتيجى لما تقوم من النوم يبقى الفرصة ضاعت
يا فاشل


لا وخد الكبيرة, اول لما تغلط
وتخسر
لا حول ولا قوة الا بالله
يلاه اهو قدر ورزق
وانت بتبص فى نفس الوقت على الصفقة اللى لا ليها تارجت ولا استوب ومنتش عارف اذا كانت بيع ولا شراء
ولا انت دخلتها ليه اساسا
وتقعد تقول مهو
قليل البخت يعضوا الكلب فى المولد

يبقى نستفاد ايه يا اولادى الحلوين من الموضوع الرخم ده
متخدش الفوركس على انه عمل سهل لان فى مميزات بتسهل شغلك
لا خده كانه عملك الحقيقى وخلى جزء من نفسك رئيسك
وخلى الجزء ده يحاسبك كل لما تغلط او تفتكر انك ممكن تنجح بدون ما تحرك اصبع رجلك



اخيرا وليس اخرا

ابقى قابلونى لو حد عمل حاجة من اللى قلت عليها

[elking]

ههههههههههه ايه ياعم الموضوع ده بيفكرنى بحواديت قبل النوم والله
نيس

[mrxr00t3d]

هههه كلامك صحيح يا أخي و الفوركس هده اجمل مميزات فيه
ما بيكون لك رئيس ما بتضيع وقت كبير عشان تكسب
و الربح عالي و تقدر توصل الى مدخول شهري للعيش

[Desperate]

ههههههههههه ايه ياعم الموضوع ده بيفكرنى بحواديت قبل النوم والله
نيس

اى خدمة يا معلم احنا بس عايزين نفك عن المضارب شوية ونخليه يضحك بدل مهو متنكد بالخسارة
وقرب يشد فى حواجبه :)

هههه كلامك صحيح يا أخي و الفوركس هده اجمل مميزات فيه
ما بيكون لك رئيس ما بتضيع وقت كبير عشان تكسب
و الربح عالي و تقدر توصل الى مدخول شهري للعيش

بالطبع اخى هو ده اللى انا اقصده بجانب اننا منستخدمش الميزة دى بالسلب ونكسل ونعمل شوية الحاجات السلبية اللى ذكرتها
فى اخر الموضوع

[sami]

فعلا أخي الكريم أهم ميزة في الفوركس أن أي واحد بيكون رئيس نفسه دون أن يكون خاضع لرقيب أو
حسيب و هذا هو سبب إختياري لتجارة العملات لأنني أعشق العمل الحر،لذلك تركت الوظيفة،و أنا متفق
معك أن الفوركس ليس مهنة سهلة للذين لا يهتمون بالتعلم أو لمن لا يمتلكون القدرة على التحكم في عواطفهم

[dent]

هههههههههههه
فعلا والله اخى الحبيب اهم شىء انك لا تنتظر توصيه من احد ولا من فلان وتحلل بنفسك على الاقل بتشعر بطعم الربح
والاعتماد على الله ثم على نفس وحسن الظن بالله اهم شىء

[sabre]

فعلا اخى الكلام النظرى سهل جدا ومفيش اسهل منه بس مين
بقى ايلى ينفز هوا دا المهم

[sa sa]

والله موضوع كويس يعني انا رئيس نفي في الشغل الي مافهوش غيري تمام يعني لازم اكون علي قدر المسؤليه واني اعتمد علي نفسي في الحصول علي الربح وتحمل الخساره في نفس الوقت هو ده ميزه الفوركس تحمل اخطاؤك وحسناتك بنفسك

[Desperate]

فعلا اخى الكلام النظرى سهل جدا ومفيش اسهل منه بس مين
بقى ايلى ينفز هوا دا المهم

يا رب حد يفهم كويس وينفذ الكلام ده ويعرف يتحكم فى كل ميزة صح

هههههههههههه
فعلا والله اخى الحبيب اهم شىء انك لا تنتظر توصيه من احد ولا من فلان وتحلل بنفسك على الاقل بتشعر بطعم الربح
والاعتماد على الله ثم على نفس وحسن الظن بالله اهم شىء

ولو ان ده ملوش علاقة بالموضوع بس كلامك صح يجب التعلم والاعتماد على التحليل الشخصى احسن من انتظار توصيات فاشلة من اشخاص غير موثوق فى تلحليلاتهم

فعلا أخي الكريم أهم ميزة في الفوركس أن أي واحد بيكون رئيس نفسه دون أن يكون خاضع لرقيب أو
حسيب و هذا هو سبب إختياري لتجارة العملات لأنني أعشق العمل الحر،لذلك تركت الوظيفة،و أنا متفق
معك أن الفوركس ليس مهنة سهلة للذين لا يهتمون بالتعلم أو لمن لا يمتلكون القدرة على التحكم في عواطفهم

اكيد يا غالى ويا ريت تحسن استخدام الميزة دى بما انك تركت عملك وتجعلها حافز يساعدك على النجاح :)

[ahmedalex]

كلام سليم وانا اتفق معك اخى الكريم فاالفوركس انت سيد قرارك الا اذا كنتوا فريق عمل فسوف تكون الكلمة النهائية لاغلبية الفريق ولاكن هذه ايضا" اكبر من مميزات الفوركس ان العمل فيه لا يجبرك على صناعة رئيس لك فى العمل بل انت حر نفسك برأس مالك الخاص بك