ده اللــى بيحصـــل لمـــا تقــــدم الفوركــــس لشخــــص جديـــد!

[Desperate]

السلام عليكم ورحمة الله وبركاته.




كلنا عارفين ان الفوركس افضل مجال على وجه الارض والمريخ
نقدر نستثمر فيه فلوسنا بإمان لو بنفكر وندبر صح

مظبوط؟
" قول مظبوط "

وكلنا كمان عارفيين ان الربح بيحب الزيادة
وكلنا بنحاول نجيب ريفايلات سواء فى المنتدى او فى الشركة نفسها
ايه بقى اللى بيحصل لما تيجى تقدم الفوركس لحد
ادى يا سيدى اللى بيحصل

اول حاجة تقول لشخص تشتغل معايا فى الفوركس
يقولك ايه فور - كس
ايوة بينطق الكلمة على مقطعين كأنه مش سامع بس هو بيستعبط :)

بعدين تقوله يا بنى فوركس . الفوركس ده عبارة عن بورصة بس بنشتغل فيها بازواج العملات
يا لهوووووى عملات . انت هتجبلنا الحكومة هنا ولا ايه
حد الله ما بينى وبينه . لا يا عم انا مش عايز ادخل السجن

تقوله انت بقى يا حاج انا بقولك هناخد دولارات مضروبة وننزل نبيعها قدام قسم الشرطة
انا بقولك احنا بنحلل وبنشتغل على رسوم بيانية وبنرسم بأدوات تدوال عشان نعرف اذا كان السعر هيطلع ولا هينزل
وازاى نستفاد من كده, ودى حاجة مش ممنوعة خالص

يقولك بقى : اه يا عم كده تمام طيب هنبدا ازاى بقى فى الفور - كس ده
" اهو نطقها غلط تانى . عيــــل مغفـــل اساســا "

ام هند : تقوم انت قايله انت مش هتدفع حاجة انت هتشترك معايا فى منتدى وكل رد هتعمله هتاخد عليه 20 سنت بشرط انه يكون فعال يعنى مش شكرا وكده

يقولك اه فهمتك يعنى لازم ادخل اتكلم واتناقش معهم واقوله مثلا موضوعك حلو ومستنين الجديد

تقوم انت قايله : الله يخرب بيت البهــــــــــــايـم

انا بقول تخش تتناقش وتكتب رد فعال وتتكلم فى الموضوع مش اقل من سطرين مفييدين

يقولك هو : اه خلاص فهمتك, يعنى ارغى يعنى
تقولوا : اه يعنى ترغى بس بعقل شوية

يقولك : تمام فهمت
تروح انت قايله : أشـــــــــــــك
يقولك : كمل بس

تقوم قايله : ام هند تانى , كل يوم تعملك يجى 15 او 20 رد
وتعملك كل شهر حوالى 90 دولار او اكتر على حسب النشاط

يروح قايلك : واروح ساحبهم فى ايدى واروح اجيب هدووووم

تروح قايله : اخرس شوية واسمعنى
مش ينفع تسحب الفلوس ديه

يروح قايلك : يا حبيبى اومال هاخدهم الـــف فيهم السندوتشات

تقوله : لا هنتاجر بيهم فى الفوركس واى ربح فوقيهم هتسحبه عادى بدون اى شروط

يقولك هو : لا وانت شايف الخبرة بتــنـقـط منى ومش عارف المها صح؟
تقوله : مانت لو بتصبر .
انا هديك توصيات يعنى اوامر بيع وشراء مجانا عشان انت مشترك معايا تعملك مثلا
يجى 20 - 30% ربح شهرى


يقولك : يعنى السبوبة دى هيطلعلى فيها اد ايه
تقوله : سبوبة ايه يا يبنى
الفور- كس
ياااااااااااااااااااااااا اااااااااااااااختـــــى
دى باين عليها عدوى .... اديك نطق الكلمة على مقطعين
تروح مكمل وتقوله : انت مثلا لو عملت بعد شهرين 200 دولار من المنتدى يبقى هتكسب مثلا 20%
يعنى حوالى 40 دولار فى اول شهر

يقولك : يا عمى دا انا لو اشتغلت فى مطعم فول وطعمية هعمل فى اليوم الواحد 50 جنيه

تقوله: يا فرحتى بيك وانت متمرمط يا حـــدؤا
انت معايا مش هتحرك صباع واحد فى التحليل هتدخل تعمل ال 15 رد وخلاص
وكمان دخلك هيزيد كل شهر

يروح قايلك : اشطة انا معاك هنبدا امتى
تقولوا : من بكرة ان شاء الله
يقولك : اوكى انا اقتنعت خلاص نبدا بكرة


جيـــــــــــــــــــــــ ــــه بكـــــــــــــــــــــرة
يقولك : لا يا عم انا غيرت رايى ومش عايز
تقوله:ليه كده

يقولك : يا عم بلا كلام فاضى دا تعب انا حسبتها ولقيتها مش هكسب منها
تقوله : يا بنى انت خلال سنة واحدة تبقى بتعملك اكتر من 300 دولار فى الشهر

يقولك : لا ياعم مش عايز
تقوله: ليه
يقولك: اهو هو كده انا حر

انت بقى متقولش حاجة فى الحالة دى
انت تقلع اللى فى رجلك وتجرى وراه فى الشارع لغاية ما تمسكه وتنزل فى ضرب بالجزمة
وبعد كده تربطه من رجلة وتعلقه فى شمعة وتسيبه معلق قدامك كده على الشارت لغاية متيجى جاب تشيله ونخلص منه.
عيـــل ممـــل اساســا

الموضوع للتسلية وفى نفس الوقت فهم تفكير اللى مش عارف يعنى ايه فوركس وازاى تعرف تكلمه وتشرحله ازاى يبدأ!!

[sara123]

هههههههههههههه موضوع شيق ومسلي في نفس الوقت ,, بس أنا شايفة ان الهدف منه تسلية فقط ,, يعني هنا انا كل اللي شفته مكتوب عن الفوركس ان الفوركس هو سوق بيع وشراء ازواج عملات وبيعتمد على الرسوم البيانية والتوصيات والتحليلات .. وكل دة عارفينه . بس بجد بجد موضوعك لذيذ وانا حبيت اكمله للآخر لأنه فعلا لذيذ ولقيت انه ممكن يفك شوية عننا وخصوصا لما نكون فاتحين صفقة وخايفين لا تخسر .
أنا اقول باختصار موضوعك هيفيدنا في ايه : لما نكون زهقانين ومضايقين وطبعا كله بسبب الافندي الفوركس .. نيجي نضحك ونتسلى هنا وعلى فكرة عجبتني اوي ام هند دي ههههههههه ..ويشرفني اني اكون اول من رد عليك.

[shady hamza]

ههههههههههههههههههههههههه ههههههههههههههههههههه
ملكش حل
بس انا اول مرة معملتش كده فهمت تالموضوع كويس وبعدين طبعا الاخوة بتوع التسويق الالكترونى كيو نت قعدوا يقولولى لا عملات حراااااااااام وبوررصة حرااااااام هتدخل النار تعالى احسن معايا كيو نت او او او او وهكذا

[kingman]

ههههههههههه على فكرة وانا بقرأ الموضوع اساسا كرهت الفوركس
فعلا اصعب شئ لو جيت تفهم حد معدوش اى خلفية عن موضوع الأسواق المالية يعنى ايه فوركس وآلية العمل
الواحد آخر مابيزهق يقولوه ياعم انا اساسا معرفش يعنى ايه اسمه بورصة من الأساس
بس مين ام هند دى

[forex4ever]

ههههههههههههههههههههههههه ياساتر يارب انا عشان كده مش بحاول اصلا اجيب ناس ريفيلز ولا اقنع حد بالفوركس وبحاول اعمل البونص بنفسي انامعنديش وقت للمناهدة دي كلها ده انا كان هيطق لي عرق من كتر الواد الغتيت صاحبك اللي مش عايز يفهم ولا هيفهم !! فيه ناس كده مستحيل مستحيل فعلا يقتنعوا بحاجه مايعرفوهاش مهما حاولت تقنعوا هيا تركيبة مخه كده !!
المهم موضوعك لذيذ جدا يا غالي وادخلت الضحكة على اللي فاتح صفقات ومتوتر !! (مش انا لاني فاتح صفقات) بحجم صغير وحاطط استوب لوس :)
تحياتي لك

[deadlyfox]

ايه بقى انا بصراحه وانا بقرا الموضوع تهت فيه
انا حاسس ان الموضوع كوميدى جدا اكتر منه مفيد

[Desperate]

ههههههههههه على فكرة وانا بقرأ الموضوع اساسا كرهت الفوركس
فعلا اصعب شئ لو جيت تفهم حد معدوش اى خلفية عن موضوع الأسواق المالية يعنى ايه فوركس وآلية العمل
الواحد آخر مابيزهق يقولوه ياعم انا اساسا معرفش يعنى ايه اسمه بورصة من الأساس
بس مين ام هند دى

اى خدمة يا معلم مش حارمين حد من حاجة وخدوا من ده علا طوول كل فكرة موضوع هتجيلى هعملكوا
موضوع تهييــــــــــس :)
والله معاك حق انا امبارح كلمت حوالى 4 اشخاص وقعدت مع كل واحد اشرحله يجى ساعة 1 منهم بكتب والتانى بتكلم معاهم وجها لوجه
وبعد ما ريقى نشف وايدى وجعتنى يقولولى مش هشتغل فيه
عالم ملل بعيد عنك . هم حريين بقى :)

ام هند دى اللى اخترعت الفيبوناتشى اساسا بس هى سمته كده
عشان هى مدتينة ومبتتكشفش على شارت ابدا

ههههههههههههههههههههههههه ههههههههههههههههههههه
ملكش حل
بس انا اول مرة معملتش كده فهمت تالموضوع كويس وبعدين طبعا الاخوة بتوع التسويق الالكترونى كيو نت قعدوا يقولولى لا عملات حراااااااااام وبوررصة حرااااااام هتدخل النار تعالى احسن معايا كيو نت او او او او وهكذا

الف شكر يا غالى على الرد. الناس بتوع كيو نت دوول اساسا نصابين وعايزين يكسبوا واحد فى صفهم وخلاص
وكثرت المواضيع اللى بتحرم العمل مع الشركة دى
لا وليهم عين يقولولك ان البورصة حرام. يعنى هو فاكرينك ايه
ده انت بضغطة واحدة تجيب كل الفتاوى من على النت

هههههههههههههه موضوع شيق ومسلي في نفس الوقت ,, بس أنا شايفة ان الهدف منه تسلية فقط ,, يعني هنا انا كل اللي شفته مكتوب عن الفوركس ان الفوركس هو سوق بيع وشراء ازواج عملات وبيعتمد على الرسوم البيانية والتوصيات والتحليلات .. وكل دة عارفينه . بس بجد بجد موضوعك لذيذ وانا حبيت اكمله للآخر لأنه فعلا لذيذ ولقيت انه ممكن يفك شوية عننا وخصوصا لما نكون فاتحين صفقة وخايفين لا تخسر .
أنا اقول باختصار موضوعك هيفيدنا في ايه : لما نكون زهقانين ومضايقين وطبعا كله بسبب الافندي الفوركس .. نيجي نضحك ونتسلى هنا وعلى فكرة عجبتني اوي ام هند دي ههههههههه ..ويشرفني اني اكون اول من رد عليك.

الشرف لى بالطبع, فعلا الموضوع للتسلية اكثر من نشر فائدة فى الفوركس
بس انا قصدت انى احكى اللى بيحصل مع الناس لما تيجى تعرف واحد يعنى ايه فوركس
وازاى بتفهمه ببساطة وهو ازاى بيرد عليك عشان نفهم ازاى الناس بتفكر
وازاى كمان بيستوعبوا اللى احنا بنقوله .
اشكرك على ردك الغالى ويا رب فعلا الموضوع يخفف عن الناس زهق التداول والشعور بالخوف :)

[shady hamza]

هههههههههههههه معاك حق ولاهى
بالتوفيق للجميع وتقبل مرورى

[dz-yac]

ههههه والله فعلا كلمك صحيح مية مية هو اغلب الناس يجهلوك الفوركس ولا يعرفون انه بالامكان المضاربة على النت
حتى انه قد يكدبونك او يضحكون عليك هده احوال مجتمعنا مادا علينا ان نفعل
وبما ني عارف تفكيرهم مش بحل اجيب ريفرال لاني عرف انه لن ينفعني يعني مجرد مغفلين الا البعض

[forex4ever]

بصراحة شديدة ياجماعة انا حاولت اقنع بعض الاصدقاء البعيدين تماما عن مجال الفوركس وكان ردهم قريب جدا من الكلام المكتوب في الموضوع وطبعا فشلت فشل زريع !!!
وحتى لو قبل وجاء احد هؤلاء !!!
وهو بدون اي خبرة نهائيا !! ماذا سيكتب في المنتدة وماذا سيفيد !! واعتقد انه لن يستفيد الا بعد فترة طويلة
لذلك لم اعمل على جلب اي ريفيلز