اهلا بيكم يا جماعه
عاوز اوضح ان الهامش نوعين
الهامش المستخدم /used margin
والهامش المتاح / usable margin
الهامش المستخدم دا الى بياخده منك فى بدايه كل صفقه وكانه بيضمن انك جد وكلامك كلام رجاله
اما الهامش المتاح دا الى بيتبقى فالحساب بعد مياخد الهامش المستخدم
.................................................. ..............................................
علاقه الهامش بالرافعه
.................................................. ..........
دلوقتى هنتكلم على الرافعه وازاى اختيارها بياثر على الهامش
بص ياسيدى الفاضل الهامش دا له معادله بيتحسب بيها
زى كدا
الهامش = حجم الفقد *حجم الصفقه*الرافعه
طبعا كل الارقام الى فعمليه الضرب رقم واحد ماعدا الرافعه
هى الى فيها رقم مقسوم
يعنى
الهامش = 1*2*1/500 (الرافعه)ر
بمعنى ان كل مكان الرقم الى هنقسم عليه فالرافعه قليل زى رافعه 1:200
كل مالهامش زاد
وكل مكان الرقم الى هنقسم عليه فالرافعه كبير 1/1000
كل مالناتج الى هو الهامش المستخدم قل
بمعنى اسهل الى هيختار رافعه قليله هيتسحب منه هامش كبير للتجنيب من الحساب لما يدخل الصفقه
والى هيختار رافعه كبيره هيجنبوا هامش قليل من حسابه
طيب ازاى اعرف المعادله دى وكل مره هحسبها؟؟؟؟؟؟
طبعا المعادله الى فوق كانت للتوضيح ولاكنها قريبه من الفعليه
والرد هيكون:
لا دلوقتى شركات الفوركس عامله فموقعها حاسبه الفوركس
يعنى تكتب انك هتدخل العقد بواحد دولار ...وتختار الرافعه الى انت عاوزها ....وهو هيحسبلك الواحد دولار على الرافعه دى يساوى كام
انت تاخد الرقم وتعممه على صفقاتك الى هتدخلها
دا هيفدنى فايه؟؟؟؟
دلوقتى يجى كلامنا على الى بعد كدا
.................................................. .........................................
الستوب لوز والتاك بروفت
طبعا بعد محسبت الهامش المجنب
دلوقتى هتبقى عارف الهامش المتاح الى انت تقدر تتاجر بيه اد ايه عن طريق الطرح.
انا دلوقتى داخل صفقه وبخلى الشارت تحددلى الستوب لوز وهو اقل مكان السعر وصل له فالوقت دا
اشوفها كام نقطه واشوف الهامش المتاح كام نقطه على العقد الى انا داخل منه
بمعنى
انا حددت استوب لوز بعد 40 نقطه بشوف الهامش المتاح بتاعى يستحمل ال40 نقطه
ولو فعلا ضرب استوب لوز هياثر على اد ايه؟؟
وعلى اساسه بدخل او لا
........................................
طبعا التاك بروفت برده الشارت هو بيحددها
ولاكن
هل التاك بروفت دى مناسبه مع المخاطره الى هخاطرها فى الستوب لوز
بمعنى
انا اخترت استوب لوز 40 نقطه بعقد 1 دولار
نفرض ان حسابى مينى او ميكرو فيه 100 دولار
يعنى انا لو قمت من ادام الصفقه وضرب معايا استوب لوز هخسر 40 نقطه. طبعا مخاطره عاليه وبعيده عن اداره راس المال ولاكن للتوضيح
الى يخلينى اقبل المخاطره دى ان يكون ادمها تاك بروقت كام؟؟
على الاقل ضعف الرقم دا
وطبعا المثل الى فوق كان للتوضيح
طيب اداره راس المال بتقول ايه
بتقول انى ادخل ب10 فالميه من الهامش المستخدم
وياريت الكل يبص على الهامش المستخدم يعنى مش 10 فالميه من راس المال
ودا لان الهامش بيتغير بالرافعه
.................................................. .......
اتمنى الاستفاده