عاوز تعرف يعنى ايه فريم تايم..تعالى قرب

[ayman.shosha]

بعد السلام عليكم ورحمة الله وبركاته
اليوم موضوع جديد ان شاء الله استفيد منه وانتوا كمان من خلال التواصل والمناقشه الجاده .. هنتكلم
عن "الفريم تايم"

ايوه فريم تايم ياعم اه اللى موجود فى الشارت
الميتاتريد4 اصحى معايا.. هنقول كلمتين فى الانجاز ان شاء الله

اول ما دخلنا المجال كان الاقدم يقولوا انا شغال على فريم الساعه وواحد تانى يقولك مافيش احسن من فريم الاربع ساعات وغلابه كتير يقولوا فريم الربع ساعه هو ده اللى بينجز معانا

طيب ايه ..نحن هنا حد يفهمنا الحوار على ايه
طيب والله لواخد البونص وفاتح الشارت وشغال وخلاص زى ما تيجى بقى
الناس دى شكلها بتتفلحص علينا وكله محصل بعضه
مش برده السعر هو هو للعمله على اى فريم منهم..طيب ايه لازمة فلحصة الاقدم خبره يعنى .. انا هشتغل وربنا يرزق طالما النيه صافيه انا اقضى فرض الله وهشتغل

ارجع .. ارجع.. هقولك بس
اسمعنى كلمتين بس من اخوك ..ايمن شوشه.. واحد غلبان زيك
بس المرمطه علمته شويه
وعاوز انصحك:-

الفريمات يا غالى دى ليها هدف وهدف مهم جدا
انت مش عرفت ان السعر على الشارت له قمم وقيعان؟؟
انت مش سمعت عن قاعده بتقول الزمن يعيد نفسه؟؟
واكيد كمان عرفت انى فى حاجه اسمها الدعم والمقاومه؟؟

سمعت.. طيب جميل نكمل..

شوف بقى كل قمه وقاع تحتاج الى وقت لتتشكل لك عشان تعرف تدخل صفقه وتربح يعنى انت عاوز قاع محترم تدخل منه صفقة شراء صح ؟

طيب اسمع
عشان تلاقى قاع على فريم الربع ساعه ممكن تنتظر من اخر قمه موجوده عندك ممكن تستنى من ساعه لساعتين لحد ما يتشكل قاع امن للدخول على اساس ان كل شمعه ربع ساعه
وخد الصوره دى للتوضيح

وعلشان تلاقى قاع على شارت الساعه المفروض تنتظر اربع خمس ساعات لحد ما تظهر الفرصه امامك ولاحظ معايا فرق الوقت الكبير وشوف الصوره دى عشان تعرف ايه السبب

اما بقى لو انت عاوز تشتغل على شارت اليوم المفروض انك تنتظر خمس او ستة ايام ويمكن اسبوع عشان تدخل صفقة شراء

معقول!!!
اه والله انت مش مصدق طيب شوف الصوره كده وقولى رأيك

فهمت حاجه
ابسطها كمان
غير انك المفروض تحسب الوقت اللى انت عندك استعداد تلزق فيه امام الكمبيوتر وتختار على اساسه الفريم فى معلومه تانيه مهمه:
بالنسبه للدعم والمقاومه فإنهما يزيدان كل ما زاد الفريم يعنى ايه؟؟

يعنى حجم الشمعات اكبر فى الفريمات الاكبر"مش اكبر يعنى حجم عائلى" اكبر يعنى اعلى سعرواقل سعر وسعر الفتح والاغلاق
دايما يكونوا اكبر فى الفريمات الكبيره منها فى الفريمات الاصغر

طيب ده هيفرق معايا فى ايه!!
كده يبقى انت نمت منى
يفرق كتير

يفرق لأن رأس مالك لازم يتناسب مع كل فريم وفرق النقاط بين الدعم والمقاومه المفروض انه لا يأكل رأس مالك بل يجب ان يغطيه رأس المال مرتين تلاته على الاقل .. ولا نسيت المارجن كول

اااااااااااه
عشان كده كانوا بيقولوا لازم تحدد نوع تجارتك صغيره - متوسطه - كبيره
ايوه ياعم عشان كده

عشان كل فريم بيحتاج رأس مال يغطيه
وهى مش هزار
ولا حتى بالنيه الطيبه
صبح لى بقى على كل اعضاء منتدى فوركس العرب
وقول لهم..

الفريمات مهمه
وكل فريم وله مساحة عمل ورأس مال مناسب
وكل فريم له تحليله المستقل وقممه وقيعانه ودعومه ومقاوماته الخاصه به
حتى لو سعر العمله واحد على كل الفريمات

ارجو ان اكون قد وفقت فى عرض المعلومه وتحياتى للجميع مشرفين واعضاء
اللهم تقبل عمل عبدك واجعله فى ميزان حسناتى
ايمن شوشه

[hebkar]

وعليكم السلام ورحمه الله وبركاته
يسعدنى ان اكون اول رد على حضرتك استاذ ايمن
بالفعل كل مواضيع حضرتك مهمه وجيده ونحن نتابعها
تحياتى واتمنى لك التوفيق من كل قلبى

[ayman.shosha]

وعليكم السلام ورحمه الله وبركاته
يسعدنى ان اكون اول رد على حضرتك استاذ ايمن
بالفعل كل مواضيع حضرتك مهمه وجيده ونحن نتابعها
تحياتى واتمنى لك التوفيق من كل قلبى

تسلم ياغالى ويشرفنى مرورك الكريم
واتمنى من الله ان اظل عند حسن ظنك بى
اللهم وقفنا جميعا الى ما تحبه وترضاه..

[forexkhan32]

بارك الله فيك اخي ايمن عن هذا الشرح المميز
انت وضعت يدك على مكمن الداء بالنسبة لمن يفهم بعد الفريم
فجزاك الله خيرا

[walidmax1974]

السلام عليكم ... الف شكر على مجهود حضرتك فى الشرح الوافى للفريم تايم فعلا احنا كمبتدأين بجد فى أمس
الحاجة لشرح المصطلحات و الاستراتيجيات و طرق العمل و هى دى فعلا فائدة المنتدى وجزاك الله كل الخير
و شكرا

[ayman.shosha]

مشكوووووور على المجهود وانا لسة مبتدئ هنا وعايز اتعلم واعرف اكتر يعنى اى متاجرة الية اى هى عيوبها وميزاتها
يا ريت اللى عنده فيديوهات او صور ورسومات توضيحية وتعليمية يفيدنا بيها
جزاكم الله خيراااااا

تحت امرك اخى العزيز
المنتدى بالفعل مملؤ بالدروس التعليميه لغل راغب جاد بالمجال
وبالنسبه للفيديوهات
فأنا لا اتعامل بها فمجالى هو شروحات الفوتوشوب..

[Omaryat1]

السلام عليكم و رحمة الله تعالى و بركاته
بارك الله فيك أخي على شرحك لأور التايم فريم لأنه مهم أيضا في استراتيجية التجارة

[ayman.shosha]

السلام عليكم ... الف شكر على مجهود حضرتك فى الشرح الوافى للفريم تايم فعلا احنا كمبتدأين بجد فى أمس
الحاجة لشرح المصطلحات و الاستراتيجيات و طرق العمل و هى دى فعلا فائدة المنتدى وجزاك الله كل الخير
و شكرا

يا اخى العزيز لا شكر على واجب
وده حق المنتدى على زى ما انا اتعلمت منه لازم يرجع العلم ده لغيرى
واوعدك انى لا ابخل بأى معلومه
ولكن حتى احق الحق
علينا جميعا ان نجتهد للبحث عن العلم وتطوير انفسنا
حتى تتحقق خلافة الانسان فى الارض

---------- Post added at 12:24 AM ---------- Previous post was at 12:18 AM ----------

السلام عليكم و رحمة الله تعالى و بركاته
بارك الله فيك أخي على شرحك لأور التايم فريم لأنه مهم أيضا في استراتيجية التجارة

اشكر لك مرورك الكريم اخى العزيز
وانه بالعلم والعلم فقط تكتمل الدائره
حتى يضيء مصباح العقل

الفوركس له جزئيات مركبه تحتاج الى التفكيك
من اجل التدقيق والتمحيص
فإلى جانب اننا سنكتسب القدره على تعلم كيفية تركيب تلك الجزيئات المفككه مرة اخرى
فإننا سنتعلم دور كل جزء حتى نصير فى وقت من الاوقات لدينا قدره على الرؤيه الشامله..

---------- Post added at 12:37 PM ---------- Previous post was at 12:24 AM ----------

السلام عليكم ... الف شكر على مجهود حضرتك فى الشرح الوافى للفريم تايم فعلا احنا كمبتدأين بجد فى أمس
الحاجة لشرح المصطلحات و الاستراتيجيات و طرق العمل و هى دى فعلا فائدة المنتدى وجزاك الله كل الخير
و شكرا

تحياتى لك يا اخ وليد
بس انا ملاحظ انك وضعت تعليقك على موضوع الفريم فى موضوعات استراتجيات التداول والعكس
لذا ارجو منك تعديل مكان المشاركتين
ولك منى كل الاحترام..

[L!NDa]

السلام عليكم ورحمة الله وبركاته

تسلم اخي الكريم على الشرح الرائع وايضا
كثرى الاساله عن الفريمات
ربنا يبارك بلك بالتوفيق

[latraaa]

مشكور اخي الكريم على الموضع القيم، و كريقة الشرح القيمة، بارك الله فيك، و أتمنى لك من كل قلبي التوفيق إن شاء الله