بسم الله الرحمن الرحيم
تحية طيبة يا اخوانى منذ أشتراكى فى هذا المنتدى الرائع وأنا ألاحظ ان الأغلبية مبتدئين ولاحظت أيضا حيرة من الأغلبية ومش عارفين يمشو الطريق ازاى او يسألو مين او يعملو أية علشان كدة أخوانى فكرت وقررت انى أفتح الموضوع دة لأنى فى يوم من الأيام كنت مبتدأ وحسيت بالتوهان واللخبطة دى وتعبت كتير لحد ما فهمت وتخطيت مرحلة البداية وحاسس انى اقدر افيد واكسب ثواب ودعاء على حسكم فياريت اى حد عايز يسأل فى اي حاجة فى الفوركس ميخجلش ويطرح اسئلته واعدكم امام الله انى هرد على كل مشاركه تكتب فى هذا الموضوع وكمان مشاركتكم هتفدنى انى اقدر استنبط المواضيع اللى انتو ممكن تبقو محتاجنها علشان ابقى اكتبها واطرحها مستقبلا .
احب انى اعرفكم بنفسى انا اخوكم فى الله محمد خريج كلية تجارة جامعة القاهرة محاسب يعنى دخلت الفوركس من سنتين وشوية ومنذ لحظة دخولى الى هذا المجال الضخم عرفت انى لازم اتعلم واقرا واشوف فيديوهات واتاجر بالديمو واشوف اخطائى فين علشان اتجنبها فيما بعد وبدأت بأول حساب حقيقى وكان بمبلغ كبير شوية وربنا كرمنى وضاعفت هذا الحساب فى زمن قياسى ووقعت فى الفخ اللى بيقع فيه كل مبتدأ وهوالطمع وامتلكنى الغرور وسيطر عليا احساس انى اى صفقة هدخلها هكسب فيها لحد ما السوق فوقنى وللأسف فوقت على كابوس المارجن كول ولكن دة زادنى اصرار واستمريت فى التخبيط سنه بحالها لحد ما وقفت على رجلى تانى و وصلت الى مرحلة متقدمه فى المتاجرة الحمد لله راضى عنها وبقيت بحقق دخل شبه ثابت من الفوركس شهريا فالفوركس بالنسبة لى هو مصدر الدخل الأول والأخير حاليا ورفضت كثير من فرص العمل والسفر لأقتناعى بعملى فى هذا المجال واستمتاعى بعملى اللى بقوم بيه ولطموحى الكبير مستقبلا ان شاء االله واللى باذن الله هحققة وهوصله
اسف على الأطاله بس حبيت اقرب منكم شويه علشان كل واحد يدخل يفتح قلبه ويسأل زى ماهو عايز ويبقى واثق ان شاء الله انه هيلاقى اجابات شافية لكل الأسئله اللى بتدور فى ذهنه
بالتوفيق للجميع ان شاء الله