خلى بالك لما تيجى تدخل السوق
عشان معاك البونص وعاوز تشغله
خلى اخر همك هو المنصه
فى حاجات كتير لازم تعملها الاول
!!!!
مستغرب ليه ايوه الفوركس مش كله منصة تداول ولا اول ما تخد البونص تجرى عليها عشان تطيرهم منك
الاول بندخل نفتح كام صفحة نت عشان نعمل شوية حاجات غايه فى الاهميه ومن غيرهم يبقى كل شغلنا فى الفوركس هتش فى الفاضى ممكن تسميه - لعب عيال.. تضييع وقت.. فشخره كدابه
طبعا عندك نت فى البيت – الشغل – السيبر
(بنفتح مواقع النت عشان..)
-عشان نشوف الاجنده الاقتصاديه فيها ايه..وايه هى الاخبار اللى صدرت ونتائجها وايه هى الاخبار اللى لم تصدر وهتصدر امتى.. ولا تدخل وانت بطيخ وتتخبط الاخبار وانت شغااااال
وترجع تقول دا انا كنت محلل الشارت صح والمؤشرات كانت قراءاتها كلها ايجابيه..
-عشان كمان نفتح المواقع الاخباريه "المشهوره- المحترمه" الموجوده ع النت ونقرأ الاخبار المفروض تعرف احوال اقتصاد بلد العمله اللى انت هتشتغل عليها ولا انت فاكر المتاجره شمعه صاعده وشمعه هابطه
مش فى برده اسباب بتحرك الشموع دى ولا انت فاكر ان سماسرة السوق هما اللى بيحركوها لك..
-وعشان ندخل على المواقع اللى فيها التحليلات الفنيه ونسمع آراء كبار المحللين والاقتصاديين..ولا انت فلحوص زمانك ومولود وانت محلل اقتصادى طيب بنترجم كتب المحللين الاقتصاديين ليه وبنقول لازم نقرأها..
-وعشان كمان حاجه مهمه"التوصيات" اه التوصيات مش عيب خالص ولا حرام أعتى منك وأقدم منك وبيجرى ورا التوصيات وبيسجل كمان فى مواقع توصيات مجانيه.. خدها من موقع واتنين وتلاته وكون قناعه على الوضع الغالب اللى اتفقت عليه المواقع دى..
بالله عليك لما تدخل وتفتح المنصه
بعد شوية الحاجات اللى اخوك ايمن شوشه "الغلبان" قال لك عليهم دول هتكون مضغوط وانت بتفتح المنصه عشان تعمل صفقه؟؟ زى ما تفتحها من غير ما تعمل كده..؟؟
عموما انت وضميرك
وانت حر
المكسب ليك
والخساره عليك
والبونص مش دايم
ولا دايم الا وجه الله