سبع نصائح سحرية ... للمتداول الذكى

[HOUSAMMI]

بسم الله

نصايح جميلة اخى اجبرتى على قراءتها

بس فى حاجة الرافعة يعن ايه 60% من راس امال ادا كان اقل حاجة 200 % ده المتعارف عليه ومتفق عليه

ارجو التوضيح

[omarbling]

السلام عليكم و رحمه الله تعالى و بركاته
ألف شكر ليك يا غالي على موضوعك المفيد جدا خاصة لمبتدئين متلي

[nabil9]

في سوق العملات تتوفر في كل لحظة ظروف المتاجرة ، بصرف النظر عن وضع الاقتصاد عامة . هذا الوضع الذي يفرض على سوق الاسهم فترة تراجع قد تدوم طويلا يستحيل فيها العمل . في العملات بامكان المتعامل ان يبيع في سوق متراجع وان يشتري في سوق مرتفع . وهذا يوفر له امكانية الربح في الحالتين.
3 - يسهل المتاجرة بالعملات نظرا لقلة عددها ، فالرئيسية منها لا تزيد على ستة أزواج ، وهذا يوفر امكانية التركيز عليها وتحليلها . كما انه يرفع من نسبة الاصابة في تحديد الهدف ويقلل نسبة الخطأ ، في حين ان الاسهم التي يتم التعامل فيها يزيد عددها على مئات الآلاف مما يربك المتعامل احيانا فيلجأ الى سبل مختلفة غير مأمونة الجانب لتحديد وجهة عمله .

[katrine]

الفوركس بحر من العلم وهذا ما يخيفني
أنا مبتدأة وأخاف من الفشل

[yassin]

7 نصائح سحرية أعتنبرها 7 طرق تجنب الوقوع في الخطأ و الفشل و الخسارة مشكور أخي للأنني سأتجنب ما قمت بكتابته
----------
2- اوعى تغريك قوة الرافعة .. اعمل رافعه تتناسب مع راس مالك
----------
نصيحة في صميم

[mohamed eldamnhorey]

الفوركس بحر من العلم وهذا ما يخيفني
أنا مبتدأة وأخاف من الفشل

ياباشا ما تخاف

الفشل كلنا مرينا به بس المشكله انك تستسلم للفشل - لابد انك تستمر وتبقا انسان قوى وعندك ارادة وعزيمة لمواجهة كل الصعاب

[mohamed amin]

مجهود ممتازر واكتر من رائع اخى الكريم اكيد هذه النصائح هتكون
محل اهتمام وهحاول انفذها مشكور اخى كثيرا ارجو المزيد

[man4arab]

نصايح ذهبيه اخي الكريم فعلا دي الخلاصه

انا احب اسمع من اهل الخبره احسن لي من قراءه كتاب

[ebram]

بجد نصائح ممتاذه ومجهود تشكر عليه لاكن اهم شي فالتداول هوة القناعه اي ان تحدد كم من نقطه سوف تربح وكم نقطه مستعد لخسارتها

[MAGDY]

السلام عليكم أخوتى و أصدقائى فى منتدى فوركس مصر

اولاً انا متداول مصرى و ليس لى رأس مال كبير .. يسعدنى ان اخبركم ان اقصى رأس مال عملت به كان 450 دولار .. لكن بفضل الله قنوع بالمبالغ اللى بحصلها ، خاصة و ان الفوركس بالنسبالى دخل اضافى زى معظم الناس

بداية عايز اقول ان الفوركس مش عالم الثروه و مش مسلسل صلاح السعدنى بتاع للثروه حسابات اخرى .. عشان تكسب فى الفوركس لازم يكون معاك مش اقل من 10 الاف دولار .. دا عشان تكسب فلوس تجيب منها عربيه مثلاً فى سنه

لكن لكل شىء مخاطره .. و تذكر دائماً ان كلما ازداد رأس مالك ، كلما ازداد طمعك و اقتربت من الخساره اكثر من المكسب ، و نصايحى اللى هقولها دى اجتهاد شخصى للى يحب يعمل بيه

1- أوعى تحط فى الفوركس اكتر من 5% من اموالك الاساسية .. يعنى لو معاك 100 ألف جنيه هما كل فلوسك فى الحياه ، اوعى تشتغل فى الفوركس بأكثر من 5 الاف ...

2- اوعى تغريك قوة الرافعة .. اعمل رافعه تتناسب مع راس مالك

3- الهامش عدوك و صديقك .. عدوك لو كان اقل من 60% من راس المال .. صديقك لو كان اكتر من كدا

4- حاول متعتمدش عالتوصيات لانها حتى لو كسبتك مش هتخليك تتعلم

5- اوعى تبص لغيرك كسب ليه و خسر ليه .. بص لنفسك دايماً عشان تشوف عيوبك الحقيقيه

6- لو مرتاح مع الشركه و ناوى تكمل معاها متسحبش فلوسك كل ما توصل مبلغ متوسط لانك كدا هتخسر عمولات التحويل لو بتحول على حساب بنكى يعنى

7- لو كسبت مره مبلغ كبير اوعى تغير استراتيجيتك الا بعد دراسه متأنيه ، يعنى لو عملت حركة مخاطره مره و اشتغلت بهامش كبير اوى و ضربت معاك ، حاول متكررهاش لان دى اسمها استراتيجية بالبركه

انا خلصت نصايحى .. و اتمنى اكون قولت حاجه مفيده

اخوكم شريف

شكراً يا عزيزى الفاضل
sheref egypt
على هذى النصائح القيمة والحقيقية فعلاً
فكونها عن سابق خبرة ومعرفة ، يكون لها احترامها وتقديرها
لك منى أصدق أمنياتى بالربح الوفير ، والبركة فيه .. يارب
تحياتى