تحليل أهم معطيات المؤشرات الاقتصاديه للتحليل الأساسى

[painofhell]

تحليل أهم معطيات المؤشرات الاقتصاديه للتحليل الأساسى
ده موجز بسيط لتحليل اهم معطيات المؤشرات الاقتصاديه وتأثيرها على العملات

وده عن طريق ذكر العامل الاقتصادى وتأثيره على سعر العمله

وده لانى قابلت كتير من الناس ميعرفش يحلل الاخبار

وان شاء الله الكل يستفيد ويحقق ارباح كبيره



-- رفع سعر الفائده من قبل البنك المركزى = ارتفاع لسعر العمله

-- تخفيض سعر الفائده من قبل البنك المركزى = انخفاض فى سعر العمله

-- زيادة عدد المبانى السكنيه = ارتفاع فى سعر العمله

-- هبوط حجم الانتاج الصناعى = هبوط فى سعر العمله

-- ارتفاع مؤشر اسعار الانتاج = ارتفاع فى سعر العمله

-- انكماش الانتاج الاجمالى الداخلى للدوله = هبوط فى سعر العمله

-- هبوط عجز الميزان التجارى = ارتفاع فى سعر العمله

-- ارتفاع مؤشر مبيعات التجزئه = ارتفاع فى سعر العمله

-- زياده نسبة البطاله = هبوط فى سعر العمله

-- ارتفاع مؤشر الاسعار الاستهلاكيه = ارتفاع فى سعر العمله

-- ارتفاع الدخل الشخصى للفرد = ارتفاع فى سعر العمله

-- ارتفاع مؤشر النشاط التجارى = ارتفاع فى سعر العمله


*--* نسبة الطاقه الانتاجيه المستخدمه

القيمه المثاليه هي : 81.5%

اذا زادت عن هذه القيمه فانها تؤدى الى ارتفاع نسبة التضخم وبالتالى حدوث ركود فى الاقتصاد وبالتالى هبوط فى سعر العمله



*--* عند زياده اسعار البترول والذهب يحدث هبوط للدولار





انا حاولت افتكر اهم حاجات واذا حد فيكم افتكر حاجه انا نسيتها ياريت يكتبها

انا هاقوم اكل بقى علشان جعان

وبالتوفيق ان شاء الله

[kingman]

المؤشرات والأخبار الستراتيجية مهمة جدا فى سوق الفوركس وبتحرك الأسواق بل وتعتبر هى المحرك الأساسى للسعر
وحبيت اضيف ان ليس دائما يتعامل السعر مع الخبر بنفس القاعدة فاحيانا كثيرة بتأثر الظروف الراهنة فى تعامل السعر مع الخبر
وده بيتضح بالخبرة والدراسة والممارسة

[كريم]

تمام و الله و أنا بستخدم التحليل الاقتصادي عشان مهم جدا في توقع سعر العملة و بيساعد كتير بالاضافة الى التحليل الفني

[memostar3]

شكرا لك على توضيح المؤشرات
ولكن يجب ملاحظه درجه اهميه الخبر
ان كان ضعيف او عادى او قوى

تخياتى لكم

[aboualy]

مشكور اخى العزيز على هذا الشرج
وممكن نقول باختصار ان كل خبر يعنى تحسن فى الحالة الاقتصادية يحجث تحسن فى سعر العملة و العكس

[magic777]

المؤشرات والأخبار الستراتيجية مهمة جدا فى سوق الفوركس وبتحرك الأسواق بل وتعتبر هى المحرك الأساسى للسعر
وحبيت اضيف ان ليس دائما يتعامل السعر مع الخبر بنفس القاعدة فاحيانا كثيرة بتأثر الظروف الراهنة فى تعامل السعر مع الخبر
وده بيتضح بالخبرة والدراسة والممارسة

فعلا درجه تأثر عمله بالخبر بيكون مختلف عن عمله اخرى
وعلشان نتقن معرفه تأثر العمله بالخبر لابد لها من دراسه الاخبار السابقه على العمله ومعرفه كيفيه تحرك العمله وقتها
وعمل جدول لكل عمله والاخبار التى تؤثر عليها
وده طبعا بيحتاج تدريب شاق قبل ما تكون الخبره دي وده طبعا للي هيستخدم التحليل الاساسي والاخبار في المتاجره

[Mohamed90]

التحيل الاساسي يبقى مهم الى جانب التحليلي الفني و كثير من الناس لا تعرف كيفة متاعبة الاخبار و تحليلها و بارك الله فيك موضوع مهم للتوضيح كثير من النقط للاخوة

[mody2989]

التحليل الاساسي مهم بنسبة 20% في التجارة لكن الباقي تحليل فني
تحياتي

[kingman]

فعلا درجه تأثر عمله بالخبر بيكون مختلف عن عمله اخرى
وعلشان نتقن معرفه تأثر العمله بالخبر لابد لها من دراسه الاخبار السابقه على العمله ومعرفه كيفيه تحرك العمله وقتها
وعمل جدول لكل عمله والاخبار التى تؤثر عليها
وده طبعا بيحتاج تدريب شاق قبل ما تكون الخبره دي وده طبعا للي هيستخدم التحليل الاساسي والاخبار في المتاجره

مظبوط كلامك حتى انا مع الوقت بقيت بأقدر احدد اي الأخبار اكثير تأثيرا على الشارت وايهما بينتهى تأثيره بسرعة وايهم بيستمر على مدى متوسط
ومع مرور القوت والممارسة الوحد بيقدر يعرف اكتر فى هذا السوق ومازال التعلم والبحث مستمر دائما

[mando]

الاخبار المحركة للسوق تحرك قوى لكن فى بعض الاحيان الخبر يكون ايجابى وتلاحظ هبوط العملة
لانه فى اخبار ممكن يكون التاثير على العملة وفى اخبار بيكون التاثيرعلى الاسهم يعنى مش شرط انه كل خبر ايجابى نلاحظ ارتفاع العملة ممكن يحصل العكس على حسب الخبر من المتابعه الجيدة الواحد يقدر يعرف اية الخبار اللى ممكن يشتغل علية واية الخبر اللى يفضل عدم الدخول علية