Thread: 
السلام عليكم
هذا الدرس ابجديات لغة البرمجه c وان شالله انكم تستفيدون منها جميعا
الدرس بالطبع راح يكون لمحة سريعه عن لغة السي واستفادتنا منها
لمحة سريعه عن c :
برنامج تشغيلي يقوم بعمل عمليات حسابيه معقده جدا جدا يعني اغلب شغله على اعداد
وله مميزات كبيره في البرمجه
ويتكون من جزئين:
الجزء الأول وهو تعريفات للدوال المكتبية في سي واللي من خلالها يتعرف الكومبايلر على طريقة تنفيذ اي امر مثل برنت اف printf وسكان اف scanf وبقية الاوامر
والجزء الثاني :وهو المين void main واللي من خلاله تكتب الاوامر المراد تنفيذها
تعريفات كتابة البرنامج :
اول شي في البرنامج نكتب الصيغة التاليه : ( الاكواد ماتطلع في الصفحه عشان كذا حطيتها على صور )
نقرتين لعرض الصورة في صفحة مستقلة
وهي لتعريف البرنامج في الكومبايلر المنفذ للبرنامج حتى يتعرف عليه يعني زي مانسمي في اول الاكل وهذا يعتبر فاتحة البرنامج ولازم تكون موجوده في جميع بدايات البرنامج يعني غمض واكتبها قبل لاتكتب اي شي عن البرنامج وفتح القوس } هذا لبدء التعريفات الخاصه بالمدخلات واللي ابتناولها في الخطوه الثانيه
تعاريف المتغيرات المدخله :
int : وهي كلمة اختصار لكلمة integer وهي للتعبير عن متغير عددي لايحمل فواصل مثل مانقول رقم 2 ساده
يعني مثلا لو انت تبي تسوي برنامج يجمع عددين صحيحين بدون فواصل
مثلا نقول رقم 2 ورقم 3 تعرف اول شي المتغيرات على الشكل التالي
int x,y رمزنا للعدد الاول 2 بحرف x والعدد الثاني 3 بحرف y
وطبعا الناتج لازم نعرفه int لانه يبي يكون بدون فواصل يعني 2 + 3 = 5 والجواب رقم 5 بدون فواصل بس لازم ترمز للقيمه خمسه بمتغير ثالث نسميه مثلا حرف z
يعني تكون في النهايه المتغيرات على الشكل التالي
; int x,y,z ولاننسى الفواصل العاديه بينهم ولا ننسى الفاصله المنقوطه في اخر شي ( الفاصله المنقوطه تكون عكس الموجوده في الموضوع لان الموضوع مايدعمها .. يعني راح تكون النقطه فوق الفاصله لاحظوها على حرف الكاف ك)
float : هذا نفس ال int بس هذا للاعداد اللي تتضمن فواصل مثل 2.5 او 1.12
وطبعا لو تجمع 1.12 + 4 = 5.12 <-- وطبعا الجواب لازم تعرفه float لانه بفواصل ويكون كذا تعريفه:
; float x,y,z ولاننسى الفواصل ولا ننسى الفاصله المنقوطه في اخر التعريفات
ملاحظه : التعريفات x ,y z مهوب شرط تكون نفس المسميات ممكن تخليها t , n ,m على حسب اللي تبي من الحروف الهجائية بس اهم شي ماتحط اثنين يتشابهون
ملاحظه هامه هامه هامه : بامكانك انك تعرف ارقام صحيحه على float لاكن ماتقدر تعرف ارقام ذات فواصل على int
يعني لو مثلا عرفت رقم 2 على float راح يقراها لك كالتالي : 2.00 يعني بفاصله واصفار ولا راح تغير من قيمة العدد
انا لو عرفت مثلا عدد 2.5 على int راح يقراها على الشكل التالي : 2 ويترك النص ولا يلقي له اهميه
لذلك احسن شي عرف دايم على float الا ان طلب منك عدم اظهار فواصل عرف على int
ثانيا : جمل الطباعه والقرائة :
اول شي نعرف جملة لقرائة المتغيرات المدخله يعني لو دخلت رقم 2 وتبغى ترمزها للقيمه x كيف الكومبايلر يتعرف عليها .؟؟
راح يتعرف عليها بقرائتها بهالجمله التاليه
scanf : وهي سكان لقراءة المتغير
وكتابتها تكون على الشكل التالي ( راح نطبق على ال x , y اللي ذكرناها )
scanf("%f",&x); <------l مثل كذا تكتب
بالنسبه للفاصلتين الفوقيات بعد القوس هاذي لازم تكتب .. وعلامة % لازم تكتب
اما حرف f فهو تعريف لل float اللي اخترناها يعني كني اقول للبرنامج انسخ قيمة العدد اللي ادخلته مثلا 2 في ال x يعني خل x=2
scanf("%f",&y); <------l
يعني كني اقول للبرنامج انسخ قيمة العدد الثاني اللي ادخلته مثلا 3في ال y يعني خل y=3
وطبعا بامكاننا ان ندمج الثنتين سوا في كود واحد كذا :
scanf("%f%f",&x,&y); <------l
ولاتنسون الفاصله المنقوطه في النهايه
ملاحظه بالنسبه للاعداد الي نعّرفها ب int نحط d% بدال f%
الجمله الثانيه وهي جملة الطباعه
printf : وهي جملة لطباعة النواتج على شاشة المخرجات عند تنفيذ البرنامج
مثال :
مثل كذا :
printf("%f",z); <--------l
ولاتنسون الفاصله المنقوطه في النهايه
راح يطبع القيمه x على الشاشه
العمليات الحسابيه :
كيف نقوم بجمع x و y ?
طبعا رمزنا قيمة ال x وال y لكل وحده عدد 2 و 3
اذا جينا نجمعهم نقوم بالطريقه التاليه
z= x+y; <--------l
راح يفهمها البرنامج على انها 2+ 3 وراح يدمج قيمة الخمسه لحرف ال z
وطبعا اذا حطينا جملة الطباعه ل z راح يطبع لنا 5.00 <-- لانها معّرفه float
الحين راح اسوي برنامج كامل عشان تشوفون الخطوات وكيف عملية كتابة البرنامج
نقرتين لعرض الصورة في صفحة مستقلة
شرح النقاط :
1 - هذا باستخدام جملة printf يقوم بطباعة الجملة التاليه على شاشة المخرجات
: enter the number of x
يعني انت تقدر تتحكم في المتطلبات اللي يمليها عليك البرنامج
تقدر مثلا تكتب : enter the number of salory اذا كنت تبغى تحسب راتبين
يعني هالجمله تطلع لك على حسب اللي تكتبه ,, وهذا يفيد في اعطاء معلومه عن المراد ادخاله
يعني لو ماكتبنا هالجمله :enter the number of x
رح تطلع لك الشاشه التنفيذ سوداء ماتدري انت تدخل x او y
وهي تصلح مثلا اذا كنت تبي تدخل اشياء معيينه غير الدرجات .. مثل العمر والراتب .. وزي كذا
2 - نفس الشي لرقم 1 بس يفرق انه يبين لك انك تدخل الرقم عشان يدمجه في المتغير y
3 - بعد ماطلب منك انك تدخل رقم x و رقم y يقوم بالقراءه وتلاحظ الترتيب اول شي حطيت x& لاني اعطيته في الاول انه يدخل رقم x لذلك اخليه يقراه اول
بعدين حطيت Y& عشان يقرا الرقم الثاني اللي دخلته y
يعني لو عكست x& و y& في الترتيب راح يقرا الرقم الاول وبدال مايدمجه في المتغير x يقوم يدمجه في المتغير y
يعني لو ابغىاخلي x راتب موظف و y سنوات الخدمه
يقوم يعكسها عشان القرائه معكوسه
يخلي y راتب الموظف و x سنوات الخدمه ( كمثال )
لذلك الاوليات مطلوبه .
4 - عمليه حسابيه
حنا لما خليناه يطلب منا ندخل الرقم x في الاول دخلنا مثلا 2
ولما طلب مننا ندخل رقم y دخلنا مثلا رقم 3
يقوم يقرا بجملة scanf
مثل كذا scanf("%f%f",&x,&y); <----l
قرى اول شي 2 ودمجها في x لانها اول عدد دخلناه واول عدد قريناه
وبعدين قرى 3 ودمجها في y لانها ثاني عدد دخلناه وثاني عدد قريناه
يعني x=2 و y=3
نسوي العمليه الحسابيه z=x+y طبعا هنا مافيه فرق في الاوليات لانه جمع
الجواب = 5
يقوم يدمج الخمسه الى قيمة z
لاننا حطينا ال z تساوي قيمة مجموع x , y فقام دمج الجواب 5 الى المتغير z
5 - هاذي عملية طباعه بعد مااندمج الجواب اللي هو العدد 5 للمتغير z نقوم نطبع المتغير z اللي يحمل الرقم 5
6 - انهاء القوس اللي فتحناه بعد ()void main
Subscribe
