الصورة هى المعلم.. الهيدج - التبريد - التعزيز

[ayman.shosha]

بعد "بسم الله الرحمن الرحيم" شكرا لكم اخوانى الاعزاء على سعة صدركم وصبركم فى ذات الوقت
واسمحوا لى ان اتعرض لبعض الاساليب التى نستخدمها اثناء المتاجرة
وقد كان الامر فى البداية يلتبس علينا ما بين معنى الاسلوب وكيفية تطبيق

اليوم حوار سريع وبسيط لتثبيت المعلومة حول كل من:-
الهيدج - التبريد - التعزيز

وهذه الاساليب بشكل عام نستخدمها اثناء المتاجرة اما لإيقاف الخسائر او تقليل الخسائر او زيادة الارباح
لذا فهى لا تعتبر نظم تداول اساسية بل هى مجرد ردود افعال تجاه حركات الاسعار بعد الدخول الفعلى الى السوق اى بعد الدخول فعلا فى صفقات البيع والشراء..

بمعنى انها تعامل مع امر اصبح واقع فالخاسر يريد الايقاف او تقليل الخسارة
والرابح يطمح فى زيادة ارباحه طالما كان مقتنعا بحسن تحليله للسوق


ونبدأ على بركة الله حديثنا،،

الهيدج

كثر الكلام والجدل حول الهيدج من حيث مدى خطورته واحيانا عدم جدواه حتى وصل الامر الى الحديث عن انه لا يصلح الى مع جهات قوية وسيادية
واسمحوا لى بتعريف الهيدج اولا

الهيدج هو الدخول بصفقات عكسية حفاظا على الرصيد من ان تأكله صفقة خاسرة
فمثلا صفقة بيع خاسرة السعر يرتفع ويرتفع ولا سبيل للعودة للهبوط على الاجل القريب

اقولك اتصرف بقى يا فنان..
اعمل حاجه رصيدك فلوسك رأس مالك هيضيع
طيب اطلع من الصفقه..؟؟
تطلع انت جاى بعد ما ثلاثة ارباع رصيدك طار وتقول اطلع
لا اعمل هيدج .. ازاى
ادخل صفقة شراء "صفقة معكوسة"
ووقف عداد الموت ده
ااااااااه
قوم اشرب شاى واغسل وشك وارجعلى تانى

جيت حمد لله ع السلامة
اسمع بقى هتعمل ايه
اللى كان بيحصل معاك انك دخلت بيع مع موجه صاعده والموجه دى لازم لازم تنتهى
يعنى فى هبوط قادم وكده هنستغل الصعود ده فى ارباح لصفقة الشراء اللى حضرتك عملت بها الهيدج
ووقت ما تتحول الموجة الى اتجاه الهبوط خذ ارباحك من صفقة الشراء واغلقها ثم اترك السعر يهبط ليحقق ادنى اقتراب من صفقة البيع الاولى واغلقها بلا رجعة ولا ندم فقد ربحت من قبل

سهله..؟؟
عيب عليك قول سهله وفهمتها
طيب شوف الصوره دى واحلم شويه مع الهيدج
طيب جرب الاسلوب على الحساب التجريبى ما فيش خساره ع التجريبى
خليك عملى وطبق اى حاجه بتتعلمها عشان ربنا يكرمك
بكره تكون متاجر صاحب فكر مستقل والناس تشاور عليك .. بس اتعلم وطبق

بس خلى بالك الصورة اللى جاية كانت لصفقة شراء خاسرة / وتم التدخل بهيدج من خلال صفقة بيع
احنا مش قولنا صفقة معكوسة ولا انت نسيت

يعنى الشراء الهيدج بتاعه بيع
والبيع الهيدج بتاعه شراء

التبريد

التبريد ده بقى اسلوب باين من عنوانه

فهل نبرد الا ما هو ساخن؟؟
وهل اسخن من نار الخسارة؟؟

بمعنى ان التبريد يستخدم للتقليل من الخسارة قدر المستطاع على الاقل واحسن الحلول الوصل الى الربح "صفر"

ايوه صفر هنا يعنى الربح
وشوف انت عملت ايه
انت دخلت صفقة شراء على قمة موجه يعنى هبوط اسعار تشترى ايه بس الوقت
الناس بتبيع وانت رايح تشترى .. ده اسمه كلام برده..!!

طيب نعمل ايه
اقولك يا غالى وعشان خاطر انت عضو فى منتدى فوركس العرب هجاوب عليك
بعد التأكد من هبوط الاسعار ستقوم بالدخول فورا فى صفقة بيع
استريحت هيدج يعنى
طيب لسه الاتجاه هابط..اه
ادخل بيع تانى وفك الهيدج وحاول تعويض خسارة الصفقة الاولى بصفقتين ربح
وبالتالى يمكنك تعويض خسارة صفقة الشراء الخاسرة او الوصول على الاقل الى حالة الصفر
وهو وضع احمد ربك عليه واقل عقاب على تحليلك الغير سليم
فهمت طبعا
وعشان انت فاهم قصدى انا هعرض عليك صورة بتوضح لك التعزيز
وكده اكون خليت مسئوليتى امامك
اتفضل شوف

يتبقى لدينا امر وحيد واخيروهو

التعزيز

والاسم باين برده من عنوانه
وهو زيادة العزيز عزة
فالتعزيز عبارة عن صفقة رابحة الا انه ومن خلال تحليلك وجدت الا الاتجاه اصبح قوى
ويمكن مضاعفته بصفقة او اكثر للحصول على ربح وفير يضفى مزيد من البهجة عليك فى نهاية اليوم

فلو افترضنا يا متاجرنا العزيز انك دخلت صفقة شراء
ثم هبط السعر 20 بب مثلا
ولكنه عاود الصعود مرة اخرى
فهل تنتظر حتى تعود صفقة الشراء الى الصفر حتى تبدأ بجنى الربح..؟؟

لا طبعا
انت ستقتنص نقاط الفارق تلك فى صفقة شراء جديدة تتحول الى ارباح فى الصفقة التالية
حتى يعود السعر الى نقطة الصفر مع الصفقة الاولى
ثم تنطلق الى الربح فيها ايضا
يعنى كسبت من صفقتين فى نفس الاتجاه
بدلا من انتظار الصفقة الى تحقق لك الربح

والصوره معاك وشوف واحكم بنفس

فى النهاية اكرر ان تلك الاساليب ليست اساليب متاجرة اصيلة او بالمعنى الحرفى
وعلى كل منا ان يمتلك من الرؤى ما يحقق له افضل استغلال للفرص والظروف المحيطة
واعتذر عن تكرار الموضوع كما قال البعض الا اننى كنت احب ان اعرضه بأسلوبى الخاص..

اتمنى من الله ان اكن وفقت فى عرض وجهت نظرى للأمور
وان يكن كل من يحتاج الى تلك المعلومة قد حصل عليها فى يسر
وصححوا لى يا اهل الخبرة ان اخطأت
فالعلم امانة فى يد اصحابه

واشكركم على تواصلكم الجاد

[latraaa]

مشكور أخي الكريم على الموضوع، و لكن سبق و أن تم التطرق إليه من قبل، فياريت لو لا نقع في فخ التكرار إن شاء الله مرة أخرى، بالتوفيق لك و للجميع إن شاء الله

[ayman.shosha]

مشكور أخي الكريم على الموضوع، و لكن سبق و أن تم التطرق إليه من قبل، فياريت لو لا نقع في فخ التكرار إن شاء الله مرة أخرى، بالتوفيق لك و للجميع إن شاء الله

سامحنى يا غالى
انا لا اكرر بل اعرض الامر من وجهة نظرى
وشكرا على مرورك
وسعة صدرك

ومنتظرين جديدك ان شاء الله

[nemya1]

السلام عليكم ورحمت الله و بركاته اخي
بالنسبة لي أفضل التعزيز و أستعمله كثيرا في الصفقات التي أقوم به

[ayman.shosha]

السلام عليكم ورحمت الله و بركاته اخي
بالنسبة لي أفضل التعزيز و أستعمله كثيرا في الصفقات التي أقوم به

عارف ده معناه ايه
انك بتدخل صفقاتك قبل تغيير الموجة اتجاهها
بتدخل بدرى يعنى
وعشان كده بتختار انك تعزز صفقاتك

حاول انك تكون ادق فى تحليلك ومع الوقت هتظبط معاك ان شاء الله..

[sendrela]

تسلم اخى ايمن على شرحك الرائع جدا ..لانه بجد بيوصل المعلومه بكل بساطه للمبتدأ فى الفوركس

بصراحه انا انتظر كل موضوعاتك لاستفاد من خبراتك المتميزه فى ايصال المعلومه

وبالفعل انا كنت محتاجه شرح مفصل لتلك النقاط لاننى بسببها خسرت ومعرفتش اعوض الخساره

تحيتى

[ayman.shosha]

تسلم اخى ايمن على شرحك الرائع جدا ..لانه بجد بيوصل المعلومه بكل بساطه للمبتدأ فى الفوركس

بصراحه انا انتظر كل موضوعاتك لاستفاد من خبراتك المتميزه فى ايصال المعلومه

وبالفعل انا كنت محتاجه شرح مفصل لتلك النقاط لاننى بسببها خسرت ومعرفتش اعوض الخساره

تحيتى

تحياتى لك اختى العزيزة
ولا حرمنا الله تواصل المحترمين امثالك
اتمنى بالفعل ان اكن اضفت اليك معلومة

وارجو منك الا تتوقفى عن التعلم حتى لو جاء عليك وقت اقنعتك نفسك انك ملكت زمام الامور
فتلك هى اول خدعة للمتعلم وعلينا الحذر منها مقدما
واقول ان روح الاصرار فيكى تعجبنى
ويوما ما تحصدين ثمار مازرعت

ربنا يوفقك..

[ashrafsh]

اخى الكريم اشكرك على تلك المعلومات القيمة وبالفعل عن تجربة فهى صادقة فعلا
واكن محتاجة الى استراتيجية للتعامل معهم

[mmxxmm2]

شكرا استاذ ايمن بجد مواضيعك كلها

جاااامدة وتحتاج كتاب يشمل الافكار دى

وربنا يوفقك مستر ايمن

تقبل احترامى

[canforex68]

يا سلام عليك اخي ايمن فموضوعاتك كلها تستحق عليها عشرة نجوم مواضيع شيقة و شرح واضح
حتى الصور التي وضعتها فهي كافية لان يكون الشرح واضح تماام