الفرق بين التعزيز والهيدج والتبريد

[mohcine amari]

السلام عليكم و رحمة الله اعضاء منتدى فوركس العرب

التبريد هو انه تكون الصفقه عاكسه عليك وخسران وتدخل بلوتات تانيه فى نفس اتجاه الصفقه رغبة فى تقليص الخساره واملا فى ان يعكس السعر مره اخرى

التعزيز هو انه تكون الصفقه ماشيه تمام فى الاتجاه اللى انت داخل معاه وكسبان و تدخل بلوتات تانيه فى نفس الاتجاه رغبة فى مزيد من المكاسب واملا فى ان يستمر السعر فى نفس الاتجاه

الهيدج هو انك تكون داخل فى صفقه و بعد ما السعر يمشى مسافه معينه تدخل بلوتات معاكسه لاتجاه دخولك الاول . سواء كنت كسبان او خسران

يعنى لو كنت بايع تشترى ولو كنت شارى تبيع .. بنفس عدد الوتات ونفس الكميه اللى دخلت بيها فى البدايه ولكن فى اتجاه معاكس

ملاحظات
استخدامهم للحفاظ على المكسب فى حاله المكسب دون غلق الصفقه .. او لتثبيت الخساره والعمل على عدم زيادتها فى حالة الخساره
بعض الناس بتستخدم الهيدج مكان الستوب لووز .. ولكنه يحتاج لاحترافيه فى التعامل حتى تستطيع الخروج منه على ربح
اى خطا فى التعامل قد تعصف بحسابك فيجب التمرين جيدا

هام جدا : أولا يجب أن تبدي إعجابك بموضوعات الآخرين التي تعجبك . حتى يبدي الأخرين الإعجاب بموضوعاتك . فلا تنتظر من بخلك إلا البخل من الآخرين

ااتمنى ان يكون الموضوع مفيد لكم و ان اعجبك الموضوع فلا تبخل علينا بشكر بالتوفيق