السلام عليكم
اهلا بكم يا أعضاء منتدى فوركس مصر ان شاء الله تكونوا بألف صحة
طبعا الموضوع غريب هل انا حسابي مش هيتمرجن تانى ! هل صحيح هكسب ارباح على طول ومفيش خسارة تاني
اه
ازاي معاك ايه استراتيجية هنشتغل بيها شهرين تلاتة وبعد كدة تخسرنا زي الباقي ؟
لا
امال هتعمل ايه هتدير حسابنا ؟
بردوا لا
امال ايه الموضوع ؟
الحقيقة للاسف الشديد الكل بيخسر من هذا السوق الا قليل القليل لاسباب كثيرة وكتبنا في مقالات وحطينا استراتيجيات وخطط لكن للاسف كله فشل وبقت قصة محفوظة اخد البونص من هنا وبتاجر وفجأة اخسروا وارجع ادور على غيره واكتب في ردود وادور على استراتيجية جديدة
رغي كتير رغي كتير ما تقولنا ايه الموضوع ؟
علشان مطولش عليكوا انا جايب حل سحري انا شخصيا مجربوا الحمد لله
للاسف احنا في ايدينا كلنا الحل ومبنستخدمهوش ليه لان مفكرناش فيه او كتر الخطط اللي حولينا مخلتناش نفكر
ركزوا كويس بقا
احنا كل اللي هنعمله هنتاجر باستراتيجية ومعاها خطة عمل
بالنسبة للاستراتيجية هنختار اي استراتيجية تكون كويسة بأي تحليل احبه او ارتحله
تمام
هستنى اول الشهر هينزل البونص
هبدأ اطبق الاستراتيجية بس بشرط التطبيق يكون على زوجين اختار واحد منهم اليورو دولار او الباوند دولار
وبكرر اختار واحد بس اتاجر عليه وهيكون زوج العمر
طيب انسى حاجة اسمها ستوب لوز
ازاي الكلام دا ؟
انا بقولك انت هتدخل الصفقة وهدفك مثلا 50 نقطة طيب السعر عكس عليك هتعمل ايه هتفتح تبريد
اه يعني شغل تبريد وكدا
يا عم اصبر
هتفتح تبريد كل 50 نقطة وتشتغل عادي كل ما يعكس 50 نقطة هفتح تبريد وهدف العقود كلها نقطة الدخول
طيب انا وصلت ان المارجن خلاص باقي كام نقطة واتمرجن ايه العمل
بمنتهى البساطة انا لو معيش حل هعمل ايه زي ما كلنا كان بيحصلنا هستنى لحد ما اخسر الحساب كله واقفله وافتح غيرة واستنى البونص
لا انا بقا مش هسيب حقي وهتبت في الحساب
ازاي ؟
هشوف انا داخل بكام عقد مثلا 5 عقود كل واحد بعشرة سنت يعني 50 سنت بيع مثلا اوك
كل اللي هعملة هفتح شراء بخمسين سنت يعني هيدج كامل
طيب وبعدين ؟
الحساب لو فضل كدا 100 سنة هيفضل زي ما هو لكن انا مش هسيبه 100 سنة ولا حاجة انا هستنى لحد الشهر الجديد
واكون محضر البونص بتاعي ازاي ؟
دلوقتي المنتدى عامل حاجة خطيرة انك ليك 1000 رد في الشهر اوك انا كل اللي هعملة هقسم ال 1000 رد على الشهر كله هيكون حوالي 34 رد اول 10 ايام و 33 رد في العشرين يوم التانيين
يعني ان شاء الله اخر الشهر هاخد 100 دولار طيب نزل ال 100 دولار الى الحساب
حضرتك هتبص على الهيدج لو لقيته رابح هتقفله وتفتح مكانه تبريد وتنتظر لحد ما السعر يوصل الى نقطة الدخول وكدا يبقا ما اتمرجنتش ولا خسرت البونص وكسبت من الشراء والبيع وكمان الحساب بتاعك زاد
طيب افرد مرجعش ؟
بص يا عسل الارقام عموما عبارة عن دورات سعرية يعني مهما كان اي رقم لازم السعر يرجع يمسي عليه تاني طالع نازل واحنا شوفنا ايام ما الباوند كان 1.6300 شوفتوا نزل في شهر واحد الى 1.4850 والنهاردة شوفوا هو فين انا نفسي كنت داخل على احد الحسابات شراء من 1.5800 والسعر عكس كل دا
واهو رجعلي النهاردة الحمد لله ولميت ارباح
فمهما عكس السعر عليك لازم يرجع اهم حاجة تكون دايما كل شهر مجهز ال 100 دولار بتوعك وكل ما تتزنق تفتح هيدج كامل لحد ما البونص ينزل وتفكه تاني واتا اخترت اليورو دولار والباوند دولار علشان انعكاسهم مش كتير واكتر حاجة شهرين تلاتة الا في حالات نادرة
اما باقي الازواج عينك ما تشوف الا النور
اذن هي دي الاستراتيجية ومعاها خطة عمل متكاملة سواء على الشارت او بالردود
يا رب الكل يستفاد
شكرا