اين تذهب العملات التي ترسل الى عنوان محفظة غير صحيح

[DrSLax]

السلام عليكم ورحمة الله وبركاته اخواني

عملية الإرسال الخطأ تفقد في حالة:
. تمت الموافقة على العملية (ولو موافقة واحدة على الشبكة).
. تبين أن العنوان الخطأ هو عنوان صالح أو مستخدم.

يمكن استرجاع الإرسال في حالة:
. لم تتم الموافقة على العملية.
. أن العنوان الذي أرسلت العملة له مملوك لك ولكن على شبكة أخرى.... مثال:

عن طريق الخطأ.. قمت بإرسال واحد بتكوين من محفظتي إلى محفظة أخرى لي (أملكها) لكنها لعملة البتكوين كاش.
في هذه الحالة. أقوم بإضافة المفتاح السري لعنوان البتكوين كاش ... أقوم بإضافته لمحفظة البتكوين الأصلية. وبعد عمل سانكرونيز يعود المبلغ المرسل لي مرة أخرى.

أو

عن طريق الخطأ... قمت بإرسال واحد بتكوين لرقم محفظة (لا وجود له) وبالتالي فإن عملية الإرسال بقيت معلقة ولم تحصل على موافقة...
عندها أقوم بعكس العملية (طالما أنها لم تحصل على موافقة) ويعود المبلغ المرسل لي مرة أخرى.

الشرط في كل ما ورد أعلاه أن تملك المفتاح السري لمحافظك!

وسلامتكم

[antr]

فى بعض الحلات ترجع حصل لى مشكلة مع سكللر واتبعت فلوس غلط رجعت بعد شهرين بس فى الاخر رجعت بس حاول دجايما تبعت شكاوى

[Faroukali]

السلام عليكم ورحمة الله وبركاته


للمبتدئين في مجال العملات المشفرة
- ابعد عن مواقع Faucets يا هتلاقي منها نصب او منها الحقيقي بس ساعتها هتقضي وقت بالساعات عشان تجمع مئات الساتوشي .. يعني شوية ملاليم !!

- ابعد عن مواقع Hype و Investments احلى مواقع نصب .. خلاصتها هات 100 دولار تاخدهم 150 دولار بعد 15 يوم او شهر ومعاك لينك Referrals توزعه اللى يدخل تحت اسمك تاخد عليه فلوس .. طبعا اتقفشوا من هنا .. واتعمل مواقع تعدين بنفس الفكرة بردوا !!

- مواقع Cloud Mining ( التعدين السحابى ) بتختار منها العملة اللى حابب تعمل ليها تعدين عن طريق Contract سنوى ده Option او تشتري بالجيجا هاش او الميجا هاش ده Option تانى .. ومن اشهر المواقع المعروفة Genesis Mining أو Hashnest التابعة لشركة Bitmain ...

رأى الشخصي .. بلاش تعدين سحابى لانه مبقاش مربح خالص ...
وهقولك باختصار كده وعلى السريع ليه مبنصحش بـ Cloud Mining .. ركز معايا واحدة واحدة ...
دلوقتى نفترض انك معاك 3000 دولار ومحتار تشتري عقد فى شركة تعدين سحابى ولا تشتري عملات .. والمدة اللى عاوز تستثمر فيها المبلغ اللى معاك دى سنتين ...

التعدين فى شركة Genesis Mining وقت كتابة الرأى ده مفيهوش عقود غير XMR و ETH
الارقام اللى هقولها دى تقريبية .. ومدة الاستثمار سنتين بدون بيع او شراء .. تخزين العملة فقط ...

هنفترض انك هتشتري العقد الكبير بتاع المونيرو 2400 دولار ( 3000 هاش/ثانية ) .. ده بالصعوبة ( وقت كتابة الرأى ده ) هيجبلك يوميا حوالى 6 دولار يعنى تقريبا 0.053 XMR يوميا .. يعنى فى السنة حوالى 2130 دولار يعنى تقريبا 15.5 XMR بصعوبة ( وقت كتابة الرأى ده ) .. اضرب فى اتنين يعنى بعد سنتين 4260 دولار يعنى تقريبا 31 XMR بصعوبة ( وقت كتابة الرأى ده ) ...

انت عندك صعوبة التعدين هتزيد بشكل كبير .. فبعد سنة افترض ان الصعوبة زادت الضعف يعنى بدل ما كان بيجيلك 15.5 هيجيلك 7.75 .. والسنة الثانية برده افترض زيادة الضعف يعنى بدل ما كان بيجيلك 7.75 فى السنة الاولى هيجيلك 3.8 مثلا .. هتلاقى ان بعد سنتين من اشتراكك جالك منه حوالى 12 XMR .. طب السعر اكيد هيزيد؟ لكام؟ على حسب السوق .. بس خلينا نفترض انه هيزيد بعد سنتين 5 اضعاف سعر النهاردة .. يعنى بدل حوالى 112 دولار ( وقت كتابة الرأى ده ) هيكون بعد سنتين 560 دولار .. يعنى 6720 دولار بعد سنتين !!

ايه ده طب ما هو مربح اهو .. حطيت 2400 دولار جالى بعد سنتين 6720 دولار .. لا طبعا مش مربح .. لانك لو اشتريت بسعر ( وقت كتابة الرأى ده ) ب 2400 دولار XMR هتشتري حوالى 21.5 XMR .. سيبتهم لسنتين فى محفظة ب Private Key بالسعر الافتراضى اللى بعد سنتين 560 دولار هتلاقى نفسك عامل حوالى 12000 دولار يعنى فرق 5280 دولار !!

بالاضافة ان انت طبعا دفعت فلوس العقد مقدما ومستنى الربح يوميا .. فلو لا قدر الله الموقع اتهكر .. ايه؟! مفيش هتكتئب بس .. لكن لما تشتري العملة وهى فى محفظتك وفى نفس الوقت انت المتحكم الوحيد فيها ومتابع تحديثاتها واخبارها اول بأول .. هيكون افضل بكتير ...

قيس على كده كل العقود اللى انت عاوزها من 100 دولار لـ 3000 دولار
لو مش مقتنع بكلامى عادى .. اشتري وبعد سنتين ان شاء الله قولى الدنيا مشيت ازاى ...

- اقرأ الاسئلة دى هتديلك نبذة كويسة بالأخص عن البيتكوين فى البداية ...

https://bitcoin.org/ar/faq

- ادخل على المواقع دى هتعرف منها معلومات عن كل عملة سواء للتداول او التعدين ...

Bitinfocharts.com
Coinmarketcap.com
CoinWarz.com
Whattomine.com

- الـ Trade فى العملات المشفرة بشكل يومى او اسبوعى محتاج شخص عنده خبرة فى Technical Analysis ومتابع سوق العملات المشفرة واخباره من فترة لا تقل عن 6 شهور .. وانت كشخص مبتدئ محتاج وقت عشان تفهم وتتابع الاخبار اللى فاتتك .. فـ متتسرعش عشان متتحبسش فى عملة تشتريها بسعر عالى وتنزل وبعدها تفضل منتظر انها تطلع عشان تبيع من غير خسارة .. افضل حل ليك Invest فى البيتكوين فى الكام شهر اللى هتتعلم فيهم .. يعنى اشتري بالمبلغ اللى معاك بيتكوين وخليهم على محفظتك الخاصة بيك وتابع السوق بتاعه .. ولما تلاقى نفسك فهمت الدنيا ماشية ازاى وتابعت اللى فاتك كويس .. ساعتها هتقدر تحدد تبيع وتشتري ايه وامتى ...

- فى عالم العملات المشفرة تكون الاخبار المتداولة على المواقع هى العامل الاول فى ارتفاع وهبوط سعر العملة .. وكثير من الناس تعتقد أن اخبار العملات المشفرة تساعدهم فى اتخاذ القرارات المتعلقة باستثماراتهم ولكن ده مش صح دائما .. هتلاقى اخبار مُضللة كثيرة هدفها ارتفاع وانخفاض سعر العملات بشكل جنونى لخلق توتر فى السوق وده هيخليك تاخد قرار ببيع او شراء العملة فى وقت خطأ يضر باستثمارك .. فحاول تتأكد من صحة الأخبار عن طريق المواقع الرسمية الخاصة بالعملة المشفرة ...

[بروفسير العرب]

العمولات التى يتم ارسالها عن طريق الخطا يتم اعادتها الى محفظتك لو كانت اترسلت الى محفظه بيتكوين غير موجودة وللعملم صعب انك تكنب محفظه غلط هلشان الاختلاف مش بيكون فى حرف بين المحفظه والمحفظه الاخر الاختلتف ليكون فى عدد احرف كثيرة

[belgacem1985]

السلام عليكم و رحمة الله و بركاته..
العمولات التى يتم ارسالها عن طريق الخطا يتم اعادتها الى محفظتك لو تم ارسالها الى محفظه بيتكوين غير موجودة .
بالتوفيق للجميع.

[sada]

شكرا اخي الكاتب موضوع رائع جدا وبجد فعلا استفدت منه وكنت ابحث عنه من فترة ولكن لدي عدة تساؤلات اخري عن المال العادي عير البيتكوين كيف استردة اتمني بعمل موضوع جديد

[Rania Ezzat]

عملات البيتكوين التي ترسل الى عنوان محفظه وهميه لا وجودلها تبقى عمليه الارسال معلقه ولا تحصل على موافقه طالما ان عنوان المحفظه المرسل اليهل المبلغ لا وجود لها فحينئذن اقوم بعكس عملية الارسال فان المبلغ المرسل عن طريق الخطا يعود مره اخرى دون ضياع