الخسارة امر حتمي خصوصا في بداية طريقك في التداول واحلامك المبالغ فيها عن السوق والمكاسب الضخمة اللي هتاخدها منه ولكن كل ده للأسف بيتدمر مع اول صفقة واول خسارة ليك .. عموما الخسارة في حد ذاتها مش غلط لانها فعلا بتعلمك طرق كتير غلط المفروض متستخدمهاش مع الوقت والخبرة قدرت مثلا اعرف ان التداول بالاستراتيجيات مبتكسبش والتحليل الفني لوحده مش كفاية والنماذج السعرية قوية وتوقعات الاخبار مش دايما صح وكل دي حاجات المتداول بيتعلمها مع الوقت والتجربة