البنوك التى تتعامل مع البايبال فى مصر فى الوقت الحالى

[ahmed 923]

السلام عليكم
نكلم النهاردة عن PayPal
اكتر سؤال وللاسف بتسال غلط
انا عاوز افعل حسابى فى بايبال ؟؟؟؟؟
السؤال كده غلط ليه بقى نفهم مع بعض
التفعيل :- 3 حاجات
عاوز افعل حسابى 100% ؟
هنا معنى التفعيل انك تفتح حساب جديد وتعمل تفعيل برقم الفون وتاكيد للايميل
واضافة كارت للحساب من نوع ماستر
كده انت حسابك مفعل 100%
طيب هل انا كده حساب يستلم فلوس بقى ؟؟ الاجابة لا
محتاج تعمل تفعيل لحسابك علشان يستلم فلوس
السؤال هنا بقى عاوز افعل حسابى علشان استلم او استقبل اموال عليه ؟؟
كده انت محدد عاوز تفعل ايه بالضبط كده افهمك اعرف ارد عليك
الحل هنا بسيط جدا
هتضيف كارت فيزا 4U من البنك العربى الافريقى سعرها 75ج وحد ادنى ايداع 100ج وتستلم الكارت وانت واقف
كده حسابك مفعل ان يستلم اموال زى الفل
طيب انا عندى حسابى عليه الكارت دا بس مش بيستلم فلوس !! اعمل ايه
حضرتك تكلم الدعم بيحل لك المشكله وحسابك بيشتغل تمام
اخر حاجه بقى عاوز افعل حسابى علشان اسحب فلوسى من PayPal
طرق السحب فى مصر 4 طرق ان شاء الله
الطريقة الاول :- بايسرا
الطريقة التانيه :- بايونير (( اقسم بالله لسه شغاله وربنا بسه شغاله اقسم بالله كمان مرة لسه شغاله ادخل اجيب مصحف من جوة احلف عليه ولا كفايه كده ))
الطريقة التالته :- حساب QNB (( اشتغل تانى الحمد لله ))
الطريقة الرابعه :- تعمل كريديت كارد وتسحب عليه
مش عاوز اشوف بوست تانى بقى عاوز افعل حساب اعمل ايه
حدد عاوز تفعل ايه بالضبط علشان اعرف ارد عليك
مش عاوز اطلع مهندس وخالص عاوز تبقى مهندس حدد مدنى اتصالات برمجيات
مش عاوز تبقى مهندس وخالص :D اتمنى تكون الرساله وصلت
شويه معلومات غلط عن بايبال
عاوز اشحن حسابى او عاوز اعمل ايداع ؟؟
مفيش الكلام دا مع الحسابات المصرية ليه لان حضرتك لم تجى تدفع هيقولك اختار الكارت اللى هتدفع منه
طيب انا معايا الف دولار فى حسابى وعاوز اشترى حاجه ب 3 دولار وادفع من بيبال
بيقولى اختار الكارت بردوا ازاى وانا معايا الف دولار فى حسابى
الاجابة :::::- رصيد بايبال لكل الحسابات المصرية متاح فقط للحسب لازم تسحب الرصيد دا الاول على كارت وبعد كده تشترى اللى حضرتك عاوزة
دا كل اللى فى دماغى دلوقتى
ان شاء الله هحاول فى السنه الجديدة اعمل شروحات من اول ازاى تعمل ايميل لغايه ما تفتح حساب فى كل بنك +التفعيل
للتوضيح فقط علشان محدش يسال فى الحته دى
الكارت اللى هتسحب عليه بيكون من نوع فيزا (( كريديت كارد بقى او غيرها ))
تعديل
الحسابات المصرية الشخصيه
بتم تجميد اى مبلغ 30 يوم كامله قبل ان يكون متاح للسحب
ممكن 2% من الحسابات الفلوس بتنزل متاحه معهم
قرار من بايبال لان مصر ام الدنيا دوله عاليه الخطورة
اى سؤال اتفضل ..

[Abd Errahim]

معلومات غلط عن بايبال
عاوز اشحن حسابى او عاوز اعمل ايداع ؟؟
مفيش الكلام دا مع الحسابات المصرية ليه لان حضرتك لم تجى تدفع هيقولك اختار الكارت اللى هتدفع منه
طيب انا معايا الف دولار فى حسابى وعاوز اشترى حاجه ب 3 دولار وادفع من بيبال
بيقولى اختار الكارت بردوا ازا

[antr]

المشكلة فى السحب من الباى بال على مصر هو معضلة كبيرة لان الكثير من البنوك لا تسمح بالسحب من الباى بال لان الموضوع مش سهل فالناس بتسحب على الوسطاء وهو الافضل لاغلب مضاربين الفوركس.....

[waelmma]

اخى الفاضل بارك الله فيك والحقيقة انه تفعيل الحساب اما كلى او جزئى
والتفعيل الكلى بيكون السحب منه واليه بدون حدود اما التفعيل الجزئى بيكون السحب منه بحدود وهكذا

[Mada2050]

اعتقد مصر الان تقبل بايبال بدون مشاكل
بس مش عارف تقدر تشحنه عن طريق حسابك البنكى او لا
ولكن تقدر تستقبل منه الاموال على حسابك البنكى المربوط ببايبل

[jenzo]

شكرا جدا طبعا علي مجهودك الرائع
لاكن الموضوع قديم لان في تفعيل بفيزا
Easypay البريد المصري
وانا شغال بيها حاليا

[Mahamme]

شكراً على التوضيح والشرح وطريقة التفعيل لانها حاجة ضرورية جداً في تعاملنا مع البنوك الالكترونية، ارجو التوضيح من حضرتك اذا كانت نفس الخطوات ممكن نعملها مع بنك سكريل ولا ده خاص بالباي بال بس

[eslam-gad]

السلام عليكم ورحمة الله وبركاته
تحية طيبة
نشكر لكم مجهودكم الراءع وشرحكم المميز ومعلوماتكم المفيدة والقيمة ونرجو منكم المزيد لكي نتعلم منكم ونستفيد من خبراتكم ولكم مني جزيل الشكر
والله المستعان
والسلام عليكم ورحمة الله وبركاته

[مصطفى عطية]

المشكلة فى السحب من الباى بال على مصر هو معضلة كبيرة لان الكثير من البنوك لا تسمح بالسحب من الباى بال لان الموضوع مش سهل فالناس بتسحب على الوسطاء وهو الافضل لاغلب مضاربين الفوركس.....

تمام كلامك صحيح تماما وبالفعل هذا مايفعله معظم المتداولين بالفوركس

--- Update ---

المشكلة فى السحب من الباى بال على مصر هو معضلة كبيرة لان الكثير من البنوك لا تسمح بالسحب من الباى بال لان الموضوع مش سهل فالناس بتسحب على الوسطاء وهو الافضل لاغلب مضاربين الفوركس.....

تمام كلامك صحيح تماما وبالفعل هذا مايفعله معظم المتداولين بالفوركس

[omarhesham]

السلام عليكم تحية طيبة
البريد المصري و بنك مصر والبنك التجاري الدولي بتعاملون مع بايبال وهذا عن تجربة