السلام عليكم ورحمة الله وبركاته
في فكرة إن شاء الله تستفيدوا منها كتير, وهي بسيطة جدا
الفكرة بتتلخص في إنك كل يوم بتلاقي نفسك أمام صفقة خسرانة والسوق ماشي عكس تحليلك
فانت بتحاول تخرج من الصفقة دي بأقل خسائر
طبعا الكلام ده هتنفذه على حساب ديمو, وهو كالآتي
كل يوم تفتح صفقتين عكس بعض في نفس اللحظة على الزوج أو الأزواج اللي انت بتشتغل عليها
مثلا
لو انت بتحب تشتغل على زوج اليورو دولار, فانت هتفتح صفقتين, واحدة بيع وواحدة شراء, بعد ما السعر يتحرك, واحدة منهم هتكون حققت ربح, هنقفلها ومش مهم الربح لأن الحساب ديمو.
لكن إحنا هنشتغل على الصفقة الخسرانة, وهتحاول إنك تخرج منها بمكسب أو أقل خسائر
مع الوقت هتلاقي نفسك بعرف تتصرف لما تكون في صفقة خسرانة لا قدر الله
أرجو إنكم تهتموا بالفكرة دي وتجربوها, وإن شاء الله هتفيدكم كتير
كونوا بخير
تم تعديل بسيط فى التنسيق ونوع الخط واحجامه نرجوا من الساده الاعضاء الاهتمام بالتنسيق والالوان فى الموضوع