في موضوع جديد من مواضيعي حابب اشارك معاكم سر و لاول مرة اشاركه معاكم و السر ده لاحظت ان كبراء التجار مش بيظهروه اوي للمبتدئين و السبب عشان يخلوا المبتدئين دايما محتاجين ليهم و السر دا بعنوان انا هنتظر
خلينا متفقين ان اغلب الاعضاء هنا يعتمدون علي التحليل الفني فقط و هذه من الاخطاء لان كل واحد لازم يكون علي اطلاع بالاخبار و السبب
لو الدولار عند منطقة مقاومة مثلا قوية و تم اختراقها الكل هيدخل شراء لكن لو فيه خبر اثر علي السعر و نزل السعر مرة اخري ليكون اسفل المقاومة الجميع سوف يخسرون و لهذا السبب لازم نحذر
بعد كدا بقي نيجي للسر و هو ازاي نحكم علي الترند او خطوط الدعم و المقاومة و ازاي نتاجر عليهم
عشان اقدر اقول علي ده انه خط ترند لازم علي الاقل يكون تم لمسه بشرط الارتداد منه بديل شمعة علي الاقل 3 مرات و دا ينطبق علي الدعوم و المقاومات
العمل عليهم بعد الكسر او الاختراق يفضل بشمعة 4 ساعات لان الساعة اختراق ضعيف و اهداف ضعيفة ..
لو تم الاختراق او الكسر و لاحظنا ان فيه مقاومة او دعم بعد الاختراق او الكسر متدخلش لان السعر هيعكس و تستني تشوف السعر هيعيد الاختبار ولا هيرجع يتحرك فوق المنطقة المكسورة او المخترقة و بعد اعادة الاختبار و الشمعة قفلت انعكاسية او بارتداد ممكن تدخل لكن احذر
الهدف الاول هيكون عند المقاومة او الدعم الموجودين بعد الخط المخترق او المكسور و اللي السعر ارتد منها لاعادة الاختبار
و لو السعر تجاوز المنطقة دي ممكن تدور علي هدف جديد بالاستعانة بالدعوم او المقاومات او بالفيبوناتشي