كل ما يتعلق بالسفر للسياحة

[hamdymohmed2]

موضووع جميل شكرا لك واستفدت جدا

[tamermosa]

الموضوع رائع و انا استفادت منه كثيره و خاصه ان هناك من التفاصيل ما يظعر التقدم و الرقي بالتعامل مع من هم من خارج البلد فالدقه و النظام هم اساس ناجح هؤلاء الاجانب و الذي نتمني ان يصل اليه بلدنا

و انا أؤيدك اخى الفاضل في ما قلته ، بالفعل الدقه و النظام
هم اساس ناجح تلك الدول و الذي نتمني ان يصل اليه اوطاننا العربية بمشيئة الله

[tamermosa]

والله يا اخي تامر انت دايما تضع لنا حلقات تشوقنا لزيارة هذه المناكق الرائعة التي من المستحيل زيارتها الا بمبالغ جد باهضة ونحن دوي دخل متوسط مع الاسف .
الوسيلة وحيدة التي يمكننا السفر من خلالها وهو عذا الفضاء اي بالمنتديات وتجولنا خلال الانترنت ...لقد اعجبتني كثيرا مدينة تريستي الايطالية ومما جلب انتباهي بحكم اني إمرأة وهو مجال التسوق بهذه المدينة حيث تعتبر ترييستي مركزا دوليا للتسوق في أوروبا الشرقية، لذلك يمكنك هنا العثور على كل ما تريد من ازياء عالمية فضلا عن منتجات وهدايا تذكارية، كما يمكنك التجول في سوق المدينة للعثور على الفواكه والخضار والأسماك والجبن واللحوم، فضلا عن الزهور الطازجة.

شكرا يا زينب على اهتمامك و متابعتك لموضوعي
بالفعل تتميز تريستا بالتسوق و الاسواق المتوفر فيها كل انواع الهدايا الممكنه

[forexman11]

من احسن المدن السياحيه في العالم و اعتقد ان هذه من اجمل بلاد العالم من حيث المناظر الطبيعيه والمناظر التاريخيه الجميله جدا وان شاء الله في القريب العاجل سوف احاول ان اسافر هذه البلد لا نرى معه ذكريات جميله جدا و سوف اشاركها معكم في القريب باذن الله

[ohabaiba]

بسم الله الرحمن الرحيم
الحلقة الخامسة ( تريستا )

انا كنت وقفت معاكم لما رجعت ل مطار روما و أخدت الطيارة ل ( تريستا ) حيث مقر انعقاد المؤتمر العلمي ، نسيت اقولكم ان ميزة حجة الطيارة ترانزيت ان الحقائب الخاصة بيا بيتم نقلها تلقائيا من الطيارة الأولي الى الطيارة الثانية بدون تدخل منى و ده اداني الفرصه انزل اتفسح في روما بدون اي معوقات كالحقائب الا شنطة اليد فقط اللى معايا ، المهم ركبت الطيارة زي ما قلت الساعة ال 9 مساءا و وصلت الطيارة تريستا الساعة 10 و نصف مساءا ، و هنا كانت اول عقبه حقيقية ، علشان لما خلصت الاجراءات كانت الساعه 11 مساءا ، و مطار تريستا خارج المدينه و مفيش مترو يربط بينه و بين المدينه نفسها زي المدن الكبيره كمطار روما مثلا، و آخر باص بيروح للمدينه من المطار ميعاده فات ، و مفيش الا تاكسات خاصة و دي تمنها خيالي ، كفايه اني اقولكم انها تتعدى ال 120 يورو، و بالتالي لقيت نفسي معزول في المطار و و مضطر استني للصبح علشان آخد اول باص يروح للمدينة.
و دي صورة الطريق الى تريستا

طبعا نسيت اكلمكم عن الموقع المتميز لمدينة تريستا الساحرة ، ف تريستا مدينة ريفية خلابة ، تقع في شمال شرق إيطاليا قرب الحدود مع سلوفينيا ، تقع على البحر الأدرياتيكي.
و دول صورتين يبينوا الموقع السحر ل تريستا



المهم و الحمد لله وصلت ل تريستا و روحت لمقر اقامتى و هو مكان ساحر و الفندق يطل على البحر الأدرياتيكي مباشرة ، و دول صور يبينوا موقع الفندة و المناظر الساحرة



و الصورة دي من بهو خاص بالفندق بأطلاله تبهر الأعين

و الصورة دي تم تصويرها ليلا لأحد الباني الحكومية في تريست

و تتميز تريستا بوجود و توفر الأماكن الرائعة الطبيعية حيث الحدائق الرائعة و البحيرات الصافية، و من الأماكن التاريخية التى تتميز بها تريستا قلعة ميراماري و التى بنيت في 1860م و هي قلعة صغيرة جذابة بها حديقة خلابة بمجموعة متنوعة من الأشجار و زادها جمالا وجود بركتين واحدة للبجع وأخرى لازهار اللوتس
و هذه بعض الصور من داخل الحديقة الملحقة بالقلعة



مدينة تريستا بالرغم من انها تخلو من الأماكن المشهورة عالميا الا انها كمدينه تتميز بالجو الساحر و الهواء النظيف ، هي يمكن ان يطلق عليها الريف الأوروبي بما تحتويه الكلمة من كل معاني السحر و الخيال و الجمال في آن واحد
انا ذهبت الى روما و باريس و امستردام و غيرهم من المدن و لكنى اشتاق بالفعل الى تلك المدينة التى لو خيرت لأخترت ان اقضي فيها بقية حياتي ، يكفي ان كل ما يقع عليه عينك فيها ما هو الا معنى للجمال في أبهى صورة.
و الى اللقاء في الحلقة القادمة ( الحلقة السادسة ) اللى حكلمكم فيها عن فينيسا المدينة العائمة ( البندقية ) و أجمل الأماكن فيها مدعوما بصور حقيقية من تصويري
استودعكم الله للحلقة القادمة

ديما مميز اخي تامر موضوعك رائع فنحن نتخيل وجودنا في ايطاليا بسردك المميز للاماكن المميزه والجميله
ننتظر منك المزيد
موفق اخي الكريم

[zeze2017]

بصراحة الموضوع جميل جدا انا اول مره اعرف كل الحاجات ديه بجد معلومات كويسه جدا وفى نفس الوقت الاجراءات للسفر وضحتها باسلوب سهل والخطوات واضحة بس فعلا ممكن يكون فى شركات سياحة بتعمل رحلات لاوروبا باسعار كويسه لو مثلا رحلات سياحية لان ممكن ناس كتير مينفعش تسافر لوحدهم ممكن من خلال رحلات سياحية تابعه لشركة سياحة هى الى عمله البرنامج السياحى وفى نفس الوقت يكون فى حد بيتحدث اللغات تبع الدوله الى هنزورها وكمان ممكن هى الشركة الى تحجز الفندق اكيد فى شركات كده صح

[Ayman Abdellatif]

بسم الله الرحمن الرحيم
الحلقة الرابعة ( روما )

انا ركبت الطيارة للذهاب الى المؤتمر المنعقد في تريستا و زي ما قلت في الحلقة السابقة اني عملت الحجز ترانزيت علشان انزل اشوف روما لبضع ساعات ، و بالفعل وصلت ل روما الساعه ال 7 صباحا و الطيارة التانية كانت حتغادر روما الساعة ال 9 مساءا الى تريستا ، المهم وصلت روما السابعه 7 و لما خلصت الاجراءات خرجت من المطار الساعه 9 الصبح.
المهم طبعا انا كنت على النت مخطط لفسحة روما و عرفت ان في باص يوصل من مطار روما الى قلب مدينة روما و بالظبط عند محطة قطار روما
و ان هناك عند محطة روما في باصات سياحيه بتلف المدينه كجولة سياحيه و هي تتميز بميزة كبيرة جدا ، انها بنظام ركوب و نزول بنفس التذكرة لمدة اليوم كله ، يعني بتقطع تذكرة للجولة السياحية في روما ب 20 يورو ، و في باص بيتحرك كل 20 دقيقة و بيلف المدينه على كل الأماكن السياحية ، و انت في كل مكان بيوصل ليه الباص ممكن تنزل في المكان و تفضل تلف فيه براحتك و لما تحب تروح للمكان اللى بعده تروح تقف في نفس المكان اللى انت نزلت فيه من الباص السياحي ، حتلاي بعد شويه جاي الباص اللي بعده ، حتركبه بنفس التذكرة اللى معاك علشان تذكرتك صالحة لمدة اليوم كله ، و بكده حتلف و تتفسح في كل الاماكن السياحية في روما و على نفس التذكرة و بدون اي لخبطة.
و الباص ده مشهور جدا و معروف باسم
Rome Hop-On Hop-Off Tours
بمعنى ان الركوب التكرر و النزول المتكرر بنفس التذكرة
و طبعا فضلت الف بالباص و انزل و اتفرج على الاماكن السياحية و ارجع و اركبه تاني و هكذا ، الى ان قربت الساعه من العصر ، فرجعت بالباص الى اول مكان ( بداية اللفه ) اللى عند محطة قطار روما علشان اركب الأتوبيس اللى حيرجعني للمطار علشان الحق الطيارة اللى حتوديني ل تريستا.
دي صورة محطة قطار روما اللى نزلت عندة علشان آخد الباص السياحي

و دي صور لأهم الأماكن السياحية في روما اللى زورتها عن طريق الباص و صورتها في رحلتي
دول صورتين للمسرح الروماني في روما


و دول صور للنافورة المشهورة بتاعة عادل أمام ، الحسابة بتحسب و الساعه ب 5 جنية ههههه




و دول صورتين للفاتيكان مقر البابا في قلب روما


و دي صورة المسلة المصرية في قلب روما

و بكده تنتهي جولتي في روما ، و رجعت المطار و أخدت الطيارة ل تريستا حيث المؤتمر اللى انا مسافر علشان احضرة
و الى اللقاء في الحلقة القادمة ( الحلقة الخامسة ) اللى حكلمكم فيها عن تريستا و أجمل الأماكن فيها مدعوما بصور حقيقية من تصويري
استودعكم الله للحلقة القادمة

جولة سياحية مفيدة عن بلدة اشبه لنا بمدينة الاسكندرية سمعت من اصدقاء لى ان ايطاليا فيها نفس الكاريزوما التى يمتاز بها المصريين
من حيث روح الدعابة و بها مدن المبانى تبدو كانها فى الاسكندرية .. استمتعت برحلتك اخى تامر

[tamermosa]

جولة سياحية مفيدة عن بلدة اشبه لنا بمدينة الاسكندرية سمعت من اصدقاء لى ان ايطاليا فيها نفس الكاريزوما التى يمتاز بها المصريين
من حيث روح الدعابة و بها مدن المبانى تبدو كانها فى الاسكندرية .. استمتعت برحلتك اخى تامر

بالفعل ايطاليا فيها روح الأسكندرية لتشابههم في أشياء كثيرة
منها انهم يطلوا على البحر المتوسط و توفر اللمسات اليونانية بهم

[tamermosa]

بصراحة الموضوع جميل جدا انا اول مره اعرف كل الحاجات ديه بجد معلومات كويسه جدا وفى نفس الوقت الاجراءات للسفر وضحتها باسلوب سهل والخطوات واضحة بس فعلا ممكن يكون فى شركات سياحة بتعمل رحلات لاوروبا باسعار كويسه لو مثلا رحلات سياحية لان ممكن ناس كتير مينفعش تسافر لوحدهم ممكن من خلال رحلات سياحية تابعه لشركة سياحة هى الى عمله البرنامج السياحى وفى نفس الوقت يكون فى حد بيتحدث اللغات تبع الدوله الى هنزورها وكمان ممكن هى الشركة الى تحجز الفندق اكيد فى شركات كده صح

طبعا في شركات سياحيه ممكن تعملك كل الأجراءات من الأف للياء
بس خلى بالك التكلفه حتبقى الضعف و انا مجرب و عارف
بس انا معاك ان اللمه حلوه و لو معاك ناس مسافرين مع بعض حتبقى الرحله اجمل و اروع

[tamermosa]

ديما مميز اخي تامر موضوعك رائع فنحن نتخيل وجودنا في ايطاليا بسردك المميز للاماكن المميزه والجميله
ننتظر منك المزيد
موفق اخي الكريم

شكرا اخى الفاضل على متابعتك لموضوعي و تشجيعك لي
مما يجعلني بمشيئة الله ان استمر في تقديم المزيد من الحلقات المشوقه