السلام عليكم ورحمه الله وبركاته
سنتكلم فى موضوعنا عن الهيدج الصفقات المعاكسه
تخلصك من الخساره العايمه عن طريق الهيدج خطأ كبير
اولا لان ده بيؤثر عليك نفسيا لانك دخلت فى دوامة امتى هتفك الهيدج
وانت لو عارف امتى هتفك الهيدج ماكنتش اضطريت تعمله اصلا
ثانيا غالبا هايمنعك من العمل على اى ازواج اخرى خوفا من تكرار نفس العمليه
وغالبا هايكون تفكيرك بالتوقف عن المضاربه لحين فك الهيدج ال انت مش عارف هاتفكه امتى
ثالثا بتحط نفسك تحت رحمة السوق والزامك العمل على ازواج معينه رغما عنك وهى الازواج ال انت عامل الهيدج عليها
بالتالى بيضيع منك فرص كتيره على ازواج اخرى
طب الحل ايه ؟
الحل الوحيد فى ايقاف الخساره العايمه هو اغلاق الصفقات الخاسره والعمل على ازواج اخرى تجد عليها فرص قويه
ازواج تختارها بنفسك مش يفرضها عليك السوق
احجام عقود تتناسب مع راس المال بنسبة ريشيو معقوله بصفقه لها هدف واستوب مع حجز الارباح المستمر
لان ببساطه ال هاتقدر تعمله على زوج يفرضه عليك الشارت تقدر تعمل افضل واسرع منه على زوج تختاره بنفسك
ملحوظه
كلامى موجه للناس ال السعر بيعكس عليها وتكون شغاله بدون استوب لوز
تقوم تعمل هيدج بدون اى علم بمناطق الخروج من الهيدج
وليس للذين يعملون بالهيدج ولديهم المعرفه الكامله بكيفية العمل
اتمنى ان اكون قدمت لكم موضوع مفيد
بالتوفيق للجميع